¹ Hasil kida baad melik biga geni fi bed towo, wa baad Yahweh wodi le huwo raha min kulu adu al hawili huwo, ² Al melik kelim le Nathan al nebi,“ Shuf, ana aish fi bed loho cedar, lakin al Tabut al Ahat ta Allah gi geni fi wasad ta kema.“ ³ Wa Nathan kelim le melik,“Ruah ,amulu haja al fi gelba taki, le anu Yahweh ma ita .“ ⁴ lakin fi nefsa belel dak kelima ta Yahweh ja le Nathan ,bigul: ⁵ Ruah wa wori le Daud kadam tai , de yau haja al Yahweh kelimu hal itakum bi abinu le ana bed ashan geni? ⁶ le anu ana ma ish fi bed min yom al iyal ta Israel tala bara min Masir lahaidi yom allela ; bel ax , ana gi rahalu ma kema , ta Tabut al ahat. ⁷ Fi kulu mahal al ana gi harik fi nus al nas ta Israel ,hal ana kelim aiya haja le aiya wahid min gabail ta israel ‘’ le itakum ma abinu le ana bed min kashap cedar ?’’ ⁸ ’’Hasa yala ,wori le kadam tai Daud ,‘De yau shunu al Yahweh ta jesh kelim: ana shilu ita min harisu korfan, ashan ita bikun hakim le nas tai Israel ⁹ ana kun maak fi aiya mahal ita gi ruah .Ana gata kulu adu min ita . Hasa ana bi amulu isim taki kebir , ze isim ta al kebir fi ardi . ¹⁰ Ana bi iktar mahal le nas tai Israel wa bi zara humon hinak. Ashan humon bi bi ish fi mahal tomon wa ma bi indu mushkila tani mara. Nas al sherir mabi asuru humon, ze humon amulu magabli, ¹¹ ze humon gi amulu min yom al ana amiru gudah ashan bi kun fok nas tai Israel. Hasa ana bi wodi lekum raha min kulu adu takum . “ Aktar min de , Yahweh keraru le itakum gal Yahweh bi amulu le itakum bed ¹² wokit kana yam taki kalasu wa ita bi ragid ma abuhat taki, ana bi gomu jil baad ita , wahid al bi ja min jisim taki,wa bi asisu mamlaka towo ¹³ Huwo bi abinu bed fi isim tai ,wa ana bi asisu kursi ta mamlaka towo lel abad. ¹⁴ Ana bi kun Abu le huwo ,wa huwo bikun jena tai. wokit huwo amulu kata ,Ana bi akibu huwo ma sot ta rual wa ma dak ta rujal,” ¹⁵ Lakin amina ta ahat tai ma bi sibu huwo, ze ana shilu min shaul ,al ana talau min gidam takum. ¹⁶ Bed takum wa mamlaka be ihtemidu lel abad gidam itakum .al kursi takum bi asisu lel abad ¹⁷ Nathan kelim le Daud wa kabiru le huwo kulu kelimat ,wa huwo wori le huwo kulu ruiya . ¹⁸ yala biga Daud al melik ruah wa geni gidam Yahweh wa kelim, “ana munu ya Rabi Yahweh ,wa usra tai huwo sunu al ita jibu ana lahaidi marhala de ? ¹⁹ Hasa de yau haja al besid fi gidam taki ya Rabi Yahweh .ita kelim an usra ta kadam taki le haja kebir al jai ,wa ita wori le ana jil al mustakbal ,ya Rabi Yahweh ²⁰ ” shunu al aktar ana Daud bi kelim le inta ? Inta bi arif kadam taki ,Ya Rabi Yahweh ²¹ kelima taki gi hizu wa bi kemilu hadaf taki ,ita amulu haja al kebir de wa ikteshif le kadam taki ²² “ ashan kida ita kebir ,ya Rabi Yahweh ,mafi zol tani ze inta , wa mafi Allah tani ze inta ,ze ena gi asuma ma adanat tena , ²³ yatu uma ze nas taki israeliin, al Uma al wahid fi ardi al ita Allah ,ruah wa ankisu le nefsak, wa amulu kebir wa hajat al gi kafu le ardi taki . Ita turudu bara umam wa rabunat tomon min gidam ta nas taki ,al ita kalisu min Masir . ²⁴ Inta jahisu Israel ze nas taki ella adad, wa inta Yahweh, beja Rabuna tomon. ²⁵ ’’ Hasa biga ,Yahweh Allah , keli waad taki ali inta amulu ashan abid taki wa usra towo keli asisu lel abad . amulu ze ita kelim . ²⁶ keli isim taki kun ilel abad adhim , ashan nas bi kelim ‘ Yahweh ta Jesh huwo Allah ta Israel , yala bed tai ,Daud ,abid taki asisu gidam taki ; ²⁷ ”le ita , Yahwah ta Jesh , Al Allah ta Israel ,iktesif le abid taki gal ita bi abinu le huwo bed . ashan kida Ana , abid taki , ligo shujah ashan seli le inta. ²⁸ Hasa ,ya Rabi Yahweh , ita Allah , wa kelimat taki huwo be shiga , wa ita amulu kulu waad al kuwes le abid taki. Le inta ya Rabi Yahweh , al kelim hajat de , wa ma baraka taki abid taki bi kun Mubarak lel abad. ²⁹