¹ Yala kulu gabail ta Israel ja le Daud fi Hebron wa gal, “shuf ena min jisim wa dom taki. ² Fi zaman kan, wokit shaul melik le ana, de kan ita yau gedimu jesh ta Israel. Yahweh kelim le ita, ita bi ainu nas tai Israel, wa ita bija hakim le Israel kulu” ³ Yala kulu shiuk ta Israel ja le melik fi hebron, wa melik Daud amulu ahad ma humon gidam Yahweh. Humon masahu Daud melik le kulu Israel. ⁴ Daud kan teletin sena wokit huwo bada hakumu, wa huwo hokum arbeiin sena. ⁵ Fi hebron huwa hukum yahuzah saaba sena wa sita shuhur, wa fi orshelim huwo hukumu talata wa teletiin sena fog kulu Israel wa yahuza. ⁶ Al melik wa rujal towo ruah le orshelim did al jebusites, al sukan ta mahal. Humon gal le Daud “ita ma bija hini ile kan bi turuju bara ma amiyaniin wa abu kerengat. Daud mabi ja hini. ⁷ Fi de kulu, Daud gobudu mahal algowi ta Zion, al hasa biga medina ta Daud. ⁸ Fi saman Daud kelim,“del al bi hajim jebusites bi yemshi abni asirat ta adu ta Daud” ashan kida nas gi kelim “al amiyan wa al abu kura mabi dakalu fi kasri” ⁹ Yala Daud ish fi mahal al gowi wa semi medina de medina Daud. Huwo wodi guwa hawulu, min varanda le juwa. ¹⁰ Daud tala gowi kaalis ashan Yahweh, Allah ta junut, kan ma huwo. ¹¹ Yala hiran melik ta tyre rasulu murasulat le Daud, wa kashap tiik, majarin, wa baniin humon abinu bed le melik Daud. ¹² Daud arif inu Yahweh yau asisu huwo ze melik fok kulu Israel, wa huwa arfau mamlaka ashan kalam nas towo Israel. ¹³ Baad Daud sibu Hebron waja fi Orshelim, huwo shilu refigat ketir wa nasawin fi orshelim, wa aulat wa banat ketir weledu le huwo. ¹⁴ De yau asame ta aulat al weledu le huwo fi orshelim shummua, shobab, Nathan, Solomon. ¹⁵ Ibhar, elishua, nepheg, japhia, elishama, ¹⁶ Eliada, wa eliphelet. ¹⁷ Hasa wokit al philastiniin asuma gal Daud masahu ze melik le Israel kulu, humon ruah bara ashan fetisu huwo. Lakin Daud asuma anu wa ruah le malat al gowi. ¹⁸ Hasa al falastiniin jaw a inteshit kulu fi juduel ta Rephaim. ¹⁹ Yala Daud asalu musada min Yahweh. Huwo kelim “keli ana hajimu falastiniin? Hal ita bi wodi le ana inteshar fok humon?” Yahweh kelim le Daud, “hajimu ana bi wodi le ita intishar fogo falastiniin” ²⁰ Yala Daud hajimu fi baal perazim, wa hinak huwo gelibum. Hu alik, “Yahweh figir fi nas adu tai gidam ana ze moyo al gi fegir fedanat ta moyo” yala huwo semi isim ta mahal de baal perazim. ²¹ Al falastiniin sibu authan tomon, wa Daud wa rujal towo arfau bara. ²² Biga al falastiniin ja tani mara wa shetetu tani fi juduel fi Rephaim ²³ Yala Daud asalu musada min Yahweh tani, wa Yahweh kelim le huwo, “itu hajim mabi hajimu min gidam, lakin aksen ruah kun fi daira be wara humon wa tulu le humon min agshap ta balsam. ²⁴ Wokit kan itakum asuma sot ta tabor fi hawa algi jere min fog ashjar Yahweh bi ruah gidam takum ashan hajimu al jesh ta falastiin.” ²⁵ Yala Daud amulu ze Yahweh amiru huwo. Huwo katulu phalastiniin fi sika min Geba lahaidi Gezer.