¹ Wokit ish-bosheth, weled ta shaul, asuma gal abner mutu fi herbron, yedan towo bi biga deif, wa kulu srael kan kafu. ² Hasa shaul weledu indu ethnen capatiin ta jesh al wahid isim towo kan baanah wa al tani ismu rekab, weled ta rimmon al beerothite, al kan min nas benjamiin.(le beerothiin bi iktebiru juju min benjamiin,) ³ Wa al beerothiin bi jere le githam wa humon ishiin hinak lahaidi yom allele). ⁴ Hasa Yonatan, jena ta shaul, indu weled al abu kereng. Huwo kamsa senawat wokit akbar an al shaul wa Yonatan ja min jazreel. Al murafik towo shil huwo wa jere ma huwo, lakin fi istijal ta hia Yonatan weledu de waga wa tala abu kereng.isim towo mephibosheth. ⁵ Yala weled ta rimon al beerothite, rekab wa baanah, ruah be nahar, le bed ta ish-bosheth, ze huwo gi akudu raha, ⁶ Al mara alharis fi baab kan num wikit gi legetu geme. Wa rekab ma baanah ruah be raha wa fautu hia . ⁷ Yala wokit humon dakalu fi bed, humon hajimu wa katulu huwo wokit huwo gin um fi serir towo fi gurfa towo. Yala humon gata raas towo bara wa shilu, humon douru belel kulu le arabah . ⁸ Humon jibu raas ta ish-bosheth le daud fi hebron, wa humon kelim le melik, shuf, al yaw raas ta isa-bosheth weled ta shaul, adu taki, al taabu haja taki alela Yahweh dafa said tena al melik shaul wa kulu agial towo. ⁹ Daud juwabu rekab ma baanah aku, aulat ta rimmon al beerothite, huwo gal le humon, “ze Yahweh ish, al kaalisu haya tai min kulu mashakil, ¹⁰ Wokit zol tani wori le ana shaul mat, huwo bi fekiri huwo gi jibu kabar kuwes, ana gobudu huwo wa katulu fi ziklag. De yau jaiza towo al ana wodi le huwo ashan kabar. ¹¹ Godur shunu aktar, iza kan rujal al ashrar katulu zol al beri fi serir towo, anu ma bi asalu dom min yeden takum ashan woduru itakum min ardia de?” ¹² yala Daud wodi awamir le rujal shabab, wa humon katulu wa gatta yeden tomon wa kura tomon wa haligu humon fok jambu bir ta Hebron. Lakin humon shilu raas ta ish-bosheth wa dofunu fi gubur ta abner fi hebron.