¹ Hasa biga fi harib towil bein bed ta shaul ma bed ta Daud. Daud gi tala gowi wa gowi, laakin bed ta shaul gi tala deif wa deif. ² Aulad weledu le Daud fi hebron, awel jena Ammon, weledu ma Ahinoam ta jezreel. ³ Tani weled, kileab weledu ma Abigail al armala ta Nabal min karmel. Al thalidi, Abusalom weled ta Maakah binia ta Talmai, melik ta Geshur. ⁴ Al weled nimira arba Adonija, weled ta Haggit al weled nirira kamsa Stephatiah weled ta geshur. ⁵ Wa al nimira sita, ithream, weled ta mara ta Daud al isim towo Eflah. Kulu aulad de weledu le Daud fi Hebron. ⁶ Ja fi zaman ta harib bein bed ta Shaul ma bed ta Daud al Abner amulu nefsu gowi fi bed ta shaul. ⁷ Shaul indu refiga isim towo Risfa, bina ta Shaul ish-bosheth kelim le abner, “le ita ruah le refiga ta abu tai? ⁸ Yala abner tala zalan shedid fi kelimat al ish-bosheth kelimu “ana raas kelip al tabi le yahuza? Alela ana gi wori amana tai le bed ta shaul abu taki, le akuwana, wa le sabihat towo, ashan ma wodi itu le yeden ta Daud. Lakin hasa ita gi isteki ana ashan katiya ashan mara de? ⁹ Keli Allah amulu le ana, Abner, wa ketir Kaman iza kan ana ma amulu le Daud ze Allah halifu le huwo ¹⁰ Ashan hawila al malaka min bed ta shaul le bed ta Daud wa amulu kursi fi yahza min Dan le Beersheba.” ¹¹ Ish-boshrth ma juwabu Abner kelima tani ashan huwo gi kufu minu. ¹² Yala Abner rasulu kadamiin le Daud ashan kelimu, “ardi de ta munu? Amulu amina ma ana, wa ita bi aimu yedein ta maak. Ashan jibu kulu Israel le ita.” ¹³ Daud juwabu “kuwes, ana bi amulu amina ma ita. Lakin wahid haja ana bi talabu minak yau ita ma bi ainu wusa tai ile awel jibu Micah, binia ta shaul wokit ita kan ja ainu ana.” ¹⁴ Yala Daud rasulu muraslat le ish-bosheth, weled ta shaul “wodini mara tai Michal, al ana tab benefsa tai be seer ta mia philastiin. ¹⁵ Yala ish-bosheth rusul ashan nadi Michal wa shilu hia min rijal ta hia poltiel jena ta laish. ¹⁶ Rajil ta hia ruah ma hia wag i kore zaman huwo gi ruah wa taabi hi lahaidi bahurim. Yala abner kelim le huwo, “rija bed hasa” yala huwo rija. ¹⁷ Abner kelim ma shiuk ta Israel gal, “fi zaman itu gi hawil as keli Daud geni melik le itakum. ¹⁸ Yala hasa amulu. Le Yahweh kan kelim le daud gal, be wasad ta yeden ta abid ta daud ana bi kalisu nas ta Israel min yeden ta phalastiin wa min yeden ta adu tomon. ¹⁹ Abner Kaman kelim shaksjan ma nas ta benjamiin. Yala abner ruah Kaman kelim ma daud fi hebron ashan ashra aiya haja al nas ta benjamiin deiru ashan amulu. ²⁰ Wokit abner ma isreen rujal towo wosulu fi hebron ashan ainu daud, daud jahiju le humon gada. ²¹ Abner ashra le daud, “ana bigum wa limu kulu Israel le itakum, ya said tai melik, ashan humon bi amulu a had maak, ashan ita bi geni melik fok kulu al ita deiru” yala daud rasulu abner bara, wa abner ruah be salam. ²² Yala al kadamiin ta daud ma joab ja min hujum wa jibu ma hajat ketir ma humon. Lakin abner kan ma daud fi hebron.daud rasulu huwo bara, wa abner ruah ma salam. ²³ Wokit joab wa kulu jesh ma huwo wosulu, humon wpri le joab “abner ibn ner ja le melik, wa melik rasulu huwo bara, wa abner rauh be salam.” ²⁴ Yala joab ja le melik wa gal, “ita amulu shunu? Shuf. Ainu Abner ja le ita le inta! le inta rasulu bara, wa huwo ruah? ²⁵ Hal inta ma arif gal Abner jena Ner ja ashan kabasu inta wa arufu kulu wa arif aiya haja al ita gi amulu?” ²⁶ Wokit Joab sibu daud, huwo rasulu murasulat wara abner, wa huwon jibu huwo wara min bir ta sirah, lakin daud ma arufu kalam de. ²⁷ Wokit abner reja le hebron, joab shilu huwo fi nas ta bab ashan wonusu ma huwo fi sukut. Hinak joab attanu huwo fi batun wa abner mutu. Fi teriga de, joab dafa dom ta aku towo asahel. ²⁸ Wokit daud asuma an de huwo kelim, “ana ma mamlaka tai ma indu jam gidam Yahweh lel abaad ashan dom ta abner ibn ner. ²⁹ Keli dom de waga fi raas ta joab wa kulu bed ta abu towo. Keli joab ma bed towo keli ma geni kulu ma zol alma endu dabara au jemgeli au abu kereng wa gi doury ma asaya au katulu ma sef au ma bi endu akil. ³⁰ Yala joab ma abishai. Aktowo katulu abner,ashan. Huwo kan katulu aku tomon asahel fi gibeon fi mashakil. ³¹ Daud kelim wa le kul nas al ma huwo, sheretu gumashat takum, hafisu mufus takum ma gumas suwal, wa kore gidam genaza ta abner, “hasa melik daud gi douru wara genaza ta abner wokit gi shil le defii. ³² Humon dofunu huwo fi hebron. Melik kore wa kore fok fi turba ta abner, wa kulu nas gi kore. ³³ Al melik hazing huzun le abner wa guna, ³⁴ Yeden taki ma morbud “ hal abner bi yemut ze zol al bi mutu ? kura taki ma morbut. Ze al rajil bi waga gidam ta aulat ta adam adad, yala ita waga. ³⁷ Biga kulu nas wa kulu israeliin fahimu yom dak gali huwo ma niya ta melik ashan katulu Abner jena ta Ner. ³⁸ Melik kelim le kadamiin tou, " Intum ma arif gal amira wa rajil al adhim waga fi yom de fi israel? ³⁹ Hasa ana deif allela, mahma kan ana melik momsu. Rujal del, aulat ta Zeruiah, humon takianiin le ana. Kede Yahweh dafa amael alsherir be akibu huwo fi shar towo , ze huwo bi istehik."