¹ De yau kan akir kelimat ta Daud-Daud jena ta Yesi, karar ta zol al rugaw huwo, zol al masau be allah ta Yakub, murenim ta Israel al hilu. ² Roho ta Yahweh wonusu min ana, wa kalimat bito fi lisan. ³ Allah ta Israel wonusu, Hajer ta Israel kelim le ana, al bi hokum be adala le nas, al bi hokum be kafu ta Allah. ⁴ Huwo bi kun ze nur ta sabah kan shemis bi tala, sabah al mafi fogo sihab fi zaman al gesh lein bi raba fok min wata wa bi jibu nur ta shemis baad motoro. ⁵ Sei, usura tai ma kan zede gubal kida gidam ta Allah? Sei humon ma amulu tifagiya ma ana le nihaya, asalu wa akidu be ai teriga?Sei huwo ma zidu kulasa tai wa malau niya tai kulu? ⁶ Lakin al batalin kulu bi kun ze shok al bi jadau bara, Ashan humon ma be agder limu be idan wahid. ⁷ Zol al bi lemesu human, Lazim bi istamilu hadid au kasma nisab.Lazim kede haragu humon fi mahal al humon bi num fogo.” ⁸ De yau asami ta nas gowin ta Daud: Yushib-Bash bes min Takahumon, huwo kan kaid ta junud. Fi wahid munasaba huwo katulu tumunu miya nas. ⁹ Wa min baadu kan biga eliazar jena ta Dudu jena Akhuki, wahid min talata rujal al gowin huwo kan ma Daud wokit humon kan alisu nas Falastinin, al limu sawa ashan bi harb, zaman kan nas Israelin rija wara. ¹⁰ Aliazar wogif wa shakil ma nas Falastinin lahadi idan bito biga taban wa lesegu fi sef bito. Yahwa jibu le humon nusra kebir kalis fi yau dak Jesh biga ja rija. Wara ta Aliazar, bes ashan bi seregu hajat min jisim ta del al meitin. ¹¹ Wa baad huwo kan fi shammah jena ta Agee, al min HArari- nas Falastinin gum limu sawa fi midan hinak al fi fogo ades, wa jesh gum jere min humon. ¹² Lakin shammah wogif fi nus midan hinak wa kan bi amulu difa. Huwo katulu nas Falastinin, wa Yahweh jibu le Humon naja al aksam. ¹³ Talata min teletin junud del gum nezil tehet le Daud fi zaman ta hasad, fi kanak ta Adullam kan jesh ta nas Falastinin bi geni fi wadi ta Rafain ¹⁴ Kan zaman dak Daud lisa fi juwa kandak bito, wokit Falastinin kalas biga fi Betlaham. ¹⁵ Daud kan biga deir moyo wa kelim, “kan sei bes fi zol bi wodi le ana moyo min bir ashan kede ana ashab fi Betlaham, min bir dak alfi bab hinak!” ¹⁶ Biga talata rugal gowin del gum kasuru mahal ta jesh ta Falastinin wa humon juru myo bara min bir ta Betlaham, bir al fi bab. Humon shilu moyo wa jibu le Daud, lokin Kaman huwo aba ashrab Kaman huwo dofugu moyo de le Yahwa. ¹⁷ Biga huwo kelim, “Yahwa, kede kun beid min ana, ashan ana bi amulu zede sei ana bi ashrab dom ta nas al wodi haya tomon fi katar? Zede huwo aba ashrab. ¹⁸ Abishai, aku ta yuab jena ta serowiya, kan dabit mosul le talata. Huwo harib be sef bito ma tutu miya rujal wa katulu humon kulu. Hu kan biga maruf fi nus talata junud del. ¹⁹ Huwo kan zatu ma maruf kalis min talata del? Huwo kan biga dabit mosul le humon. Wa ile Kaman shuhra bito ma wosulu sawa godur shuhra ta talata junud al nas kulu arufu del. ²⁰ Benaiah win kazail kan jena ta Yahwa yada; huwo Kaman kan zol gowi wa amulu hajat ketir. Huwo katulu itnin iyal ta Ariel. Huwo Kaman nezil tehet fi hufura wa katulu ased fi zaman telij bi nezil. ²¹ Wa Kaman huwo katulu zol Masir kebir kalis. Zol Masri de kan indu harba fi idan bito, lakin Benaiah bes shakil did zol de asaya. ²² Benaiah jena ta Yahwa yada amulu hajat del, lahadi kan nadi huwo sawa ma talata rujal al gowin del. ²³ Huwo kan ligo tegdir ashen min teletin junud del kulu, lakin tegdir bito de ma ashen min talata rujal al gowin dak. Wa baad dak Daud kutu huwo mosul min huras bito al kas. ²⁴ Teletin del fi fogo nas Asail aku ta Yuab, alhanan jena ta Dudu min Bethlaham, ²⁵ Shammah min Harodi, Alika min Harodi, ²⁶ Halez min falti, ira jena ta Akish min takoi, ²⁷ Abiazar al min anasosi, sibkai min Hushati, ²⁸ Zalmon min Akhuki, maharani min natofati, ²⁹ Khalib jena ta Bannah min natofati, itai jena ta Ribai min Gibaah ta Benjamin. ³⁰ Benaiah min Faratoni, Hidai min wadi gash. ³¹ Abi albon min Arabati, Azmot min Barhomi, ³² Alihba min shaalboni, iyal ta Yashin. Yonasan jena ta shammah min Harari. ³³ Akhiam jena ta sharer min Harari, ³⁴ Alifelet jena ta Ahasbai min maaki; aliam jena ta Akhitofel min Giloni, ³⁵ Hezro min Carmeli, Faarai min Arabi, ³⁶ Yajal jena ta Nathan min zobah, Bani min gebila ta Gad, ³⁷ Salik min Amoni, nahrai min beero ti, al bi arfau silah ta Yuab jena ta sorowiya, ³⁸ Ira al min Yasiri, Gareb min Yasiri, ³⁹ Uriah min hitti adad tomon kulu saba wa teletin.