¹ Daud guna le Yahwa kelimat ta guna de fi yom al Yahwa alagu huwo min idan ta kulu adu bito, wa min idan ta Shaul. ² Huwo seli, Yahweh yau hajar, huwo mahal gowi tai, wahid al bi sadu ana. ³ Allah yau hajer tai. Ana bi dusu fogo. Huwo daraga tai, huwo musul ta kulasa, hufura al gowi, wa mahal dusu, huwo yau al kasilu ana min unf. ⁴ Ana bi nadi Yahweh, huwo bi istehig al mejidu, wa ana bikun endu aman min adu tai. ⁵ Ashan kan amuwaj ta mutu bi lifu ana, alttasarue ta moyo ta karaba futu ana. ⁶ Al hibal ta Sheol mahat ana. Wa siyul al bi katulu wodi ana kafu, ⁷ Ana nadi Yahweh; min mahal al deigu ana fogo; Ana nadi Allah tai; Huwo asuma sot tai min juwa haikal Bito, wa kore tai le musada wosulu fi adana Bito. ⁸ v 8 Wata gum hizu wa harik. Asasat ta sama harik wa kan hizu, ashan Allah kan zalan. ⁹ Dukhan gum tala fok min anafa bito, wa nar ketir gum tala min kasma bito. Wa faham kan wala. ¹⁰ Huwo fata samawat wa nezil tehet, wa duluma kalis kan tehet kura bito. ¹¹ Huwo arkab fi kurub wa tiri. aynu huwo fi jinah ta habub. ¹² Huwo amulu duluma khema haul huwo, limu sihab ta motoro kebir fi sama. ¹³ Min juwa nar ta saga faham ta nar waga, ¹⁴ Yahwa gum dugu saga min samawat. Allah al fok gum kore. ¹⁵ Huwo durubu nishabat wa setetu nar ta saga ta adu wa demiru humon. ¹⁶ Lahdi tehet bahar kulu kan beinu; asasat ta dunia waga be fadiya be towbik ta Yahwa, be infijar al hasil min nefes ta anafa Bito. ¹⁷ Huwo nezil tehet min fok; huwo amsuku ana! Huwo lizu ana bara min irtifa ta moyo. ¹⁸ Huwo alagu ana min adu tai al gowi min del al akrahu ana, ashan humon gowin kalis le ana. ¹⁹ Humon ja did ana fi yom al kan deigu ana fogo, lakin Yahwa kan saudu ana. ²⁰ Huwo Kaman tala ana bara fi mahal fadaya. Huwo alagu ana ashan kan Huwo mokosut min ana. ²¹ Yahwa dafa le ana ujura godur shokol kuwes tai; Huwo jedidu ana godur nedif ta idan tai. ²² Ashan ana hafisu sika ta Yahwa, wa ma amulu be batal ashan bi lifu min Allah. ²³ Ashan kan kulu taalimat Bito gidam tai; wa kulu sheria Bito, ana ma lifu bara min fogo. ²⁴ Ana Kaman kan beri gidam bito, wa ana hafizu jisim tai min katiya. ²⁵ Ashan kida Yahwa rijau ana fi godur shokol kuwes tai, be karar ta nedif tai fi safa Bito ²⁶ Le zol al amin, inta wori nefsa taki ashan kun amin; le zol al ma indu lowm, beinu nefsa taki bidun lowm. ²⁷ Ma zol al nedif beinu nefsa taki nedif, lakin kede inta wasa bara min zol al ma adil. ²⁸ Inta alagu nas al fi taab, lakin ena Taki did nas ta takabur, wa Inta nezilu humon tehet. ²⁹ Ashan inta yau lamba tai, Yahweh. Yahwa walau duluma tai. ³⁰ Be inta ana agder jere fok ta Jesh; be Allah tai ana bi agder nutu ras heta. ³¹ Ashan le Allah, sika Bito kamil. Huwo daraga le ai zol al bi dusu Fogo. ³² De munu Allah bes Yahweh, wa de munu yau hajer ger Allah ta nina? ³³ Allah yau mualagu tai, Huwo bi sugu zol al ma indu lowm fi katwat Bito. ³⁴ Huwo salau kura tai kafif ze ta jena gazal. wa kutu ana fi tilal al fok ³⁵ Huwo deribu idan tai le Harb, wa idan tai ashan bi kormosu danga min nihas. ³⁶ Inta wodi le ana tiris ta kulasa taki, wa neima Taki kutu ana tamam. ³⁷ Inta salam le kura tai tehet mahal fadaya, wa kura tai ma zeletu. ³⁸ Ana bi alagu wara ta adu tai wa bi demiru humon. Ana ma lifu wara lahadi demiru humon ³⁹ Ana bi demiru humon wa bi dusu humon; Humon waga tehet kura tai. ⁴⁰ Inta kutu guwa fi ana ze gash ta harb; Inta kutu tehet ana del al bi gum did ana. ⁴¹ Inta gilibu le ana wara dahar ta adu tai; ana batutlu del al bi akrahu ana. ⁴² Humon kore ashan kede alagu humon, humon kore le Yahwa, lakin Huwo ma juwabu humon; ⁴³ Ana dugu humon taman ze gubar al fi wata, ana atanu humon ze rumad fi sika. ⁴⁴ Inta Kaman alagu ana min shokuwat ta nas tai. Inta hafizu ana ze ras ta doula. ⁴⁵ Nas ajanib asuru ashan dengir le ana. kan humon asuma be ana, humon bi ihterimu ana. ⁴⁶ Ajanib del tala bara min kandak tomon ⁴⁷ Yahwa kede hai! Wa kede hajer tai de mejidu. Kede mejidu Allah, Hajer kulas tai. ⁴⁸ De Allah al amulu intikam be sabab tai, al bi nezil nas tehet min ana. ⁴⁹ Huwo hariru ana min adu tai. Be hagiga, Inta arfau ana fok min del al gum fok min ana. Inta alagu ana min nas ta unf. ⁵⁰ Ashan kida ana bi wodi shukuran le inta, Yahweh fi nus nas kulu, an bi guna tesbihaat le isim Taki. ⁵¹ Allah wodi nusra kebir le melik Bito, wa Huwo beinu waad Bito le zol al Huwo yau masau., le Daud wa iyal iyal bito le nihaya."