¹ Daud edu adad ta jesh al kan ma howo wa howo khtar ruasaa auluf wa ruasaa miyaat ashan bi ghud homon. ² Biga Daud rasul jesh fi mamuriy, telit tehet ghiyada ta yoab, wa telit tani tehet ghiyada ta abi shai jena ta seruiah, aku ta yoab, wa telit tani Kaman tehet ghiyada ta ittai al gittiti al melik kelim le ghuat deel (jesh de) gal, “ana Kaman gi ruwa ma intum” binefsa tai ³ Lakin rujal deel kelim, “inta ma bi ruwa ma nina le harib, ashan kan nina jere adu de ma bi ihtam, aw kan nina mutu homon ma bi ihtam, lakin inta barau bi sawi ashan Alf min nina! Ashan keda afdal keli inta saidu nina min dakhil medina.” ⁴ Biga al melik juabu homon, “ana bi amulu haja al intum bi ainu howo yohu afdal.” Melik kan wogif fi bab ta medina zaman jesh de kulu gi ruwa bi miyaa wa bi auluf. ⁵ Al melik bad wosi yaab, Abishai, wa ittai gal,” amulu takum ma bi lutf ashan ana.” Nas kulu asuma zaman al kan melik weled, abshalom gi wodi wosiya an Abshalom le Ruasaa deel. ⁶ Biga asakir de tala bara homon ruwa fi taraf beled deed Israel; Shakila de ruosula lahadi ghabat ta Ephraim. ⁷ Wa kan jesh ta Daud intesir ella jesh ta Israel; wa kan fii kelil shedid fi yom ta Isheriin alf rajil. ⁸ Harib de Istemir fi taraf ta beled kulu, wa ghaba katulu nas aktar min nas ta Daud katulu homon bi sief. ⁹ Abshalom bada gabila ma baad min rujal ta Daud. Abshalom kan rakib fi ras husan sukier (Mule) wa husan de dakalu al ketiir ta shejeera balut kebir war as tuo lisigu fi kasab ta urshal de. Wa howo kan biga bi hizu biena ardi wa samaa. Wa husan kan dde gi jere. ¹⁰ Zol tani ainu haja al hasil de wa howo ruwa kelim de Yoab. Asuma, “Ana ainu Abshalom gi hizu fi shejeera ta balut!” ¹¹ Yoab kelim le zol al ainu Abshalom de gal, “Asuma! Inta ainu howo! Malu inta ma nizilu howo fi wata? Ana kan bi wodi le inta ashara kilu ta fieda wa gash.” ¹² Rajil de Joabu Yoab, “hata iza kan ana akudu alfi kilu ta fieda, ana lisa ma bi agdeer midu ida tai deed jena ta melik ashan nina kulu asuma zaman al melik gi wesi inta, Abishai, wa ittai kelim gal, ma keli ayi zol limisu (augu weled tuo Abshalom. ¹³ Hata iza kan ana kabasu (mafi haja al melik ma bi arufu, wa inta zata kan bi. ¹⁴ Biga Yoab kelim, ana ma bi akir ma inta, Yoab shilu talata nishab fi ida tuo wa durubu homon fi geba ta Abshalom, fi zaman al Abshalom lisa kan hai wa kan gi hizu fi shejeera ta balut . ¹⁵ Biga ashara rujal al kan gi arfa daraga ta Yoab de humon jaa wa gordonu Abshalom, hajemu howo, wa katulu howo. ¹⁶ Biga Yoab afuku turumbita, wa jesh rejaa min turudu Israel, asha Yoab abusu homon. ¹⁷ Humon shilu Abshalom wa jadau huwo fi hufra kebir fi gaba; fi wokit al Israeleen kan jere, kulu zol ruwa le biet tuo ¹⁸ Wa abshalom, zaman kan howo lisa hai, howo kan abinu le nefsa tuo amud ta hajer kebir fi waadi ta melik aw (fi mahal ta melik Isim tuo valley), ashan howo kelim, “ana ma indu jena al bi jaa shilu zikra ta isim tai.” Howo simi amud de bi isim tuo, big nadi isim tuo timsal Abshlom min zam dak lahidi hasa. ¹⁹ Biga akhimaas jena ta sadok kelim, “hasa keli ana jere ma khabara al kwes. De le melik, ashan Yahwah angizu huwo ida ta tuo” ²⁰ Yoab juabu le huwo, ma inta yalhu bi shilu khabara ta alella de; inta bi jaa shilu khabara fi yom tani. Alella inta ma bi shilu ayi akhbar ashan jena ta melik yahu mutu. ²¹ Biga Yoab kelim le kushiti, “Ruwa wori le melik haja al inta ainu” kushiti dengiri le Yoab, wa jere. ²² Biga Akhimaas jena ta sadak kelim le Yoab tani mara, mahma kan al hasiil, keli ana Kaman jere wara kushiti” Yoab juabu, malu inta deru jere, ya weledi, inta fekire bi wodi le inta makafaa bi akhbar de? ²³ Hata iza shunu be hasiil, Akhimaas kelim, “ana bi jere” biga Yoab juabu howo, jere yala Akhimaas bada jere min sika al nedif, wa howo alagu kushiti. ²⁴ Wa Daud kan gi geni biena bab al bi juwa wa bab al bara. Al haris bada ruwa fok fi ras juwa gidam bab al le heta wa arfa ena tuo ashan bi ainu, howo ainu, zol gi jaa gerib, gi jere barau. ²⁵ Al haris bad arfa sut tuo shedid wa wori le melik. Wa melik kelim, iza howo barau, howo indu akhbar fi kasuma tuo.” Zaman zol de biga gerib wa jambu medina. ²⁶ Al haris bada ainu zol tani Kaman gi jere, wa al haris bada nadi haris ta bab; howo kelim, ainu, fi zol tani Kaman gi jere barau, melik kelim, “howo Kaman gi jebu akhbar. ²⁷ Biga al haris kelim, “afekiri zol al gi jere gedam de gi bienu zi akhimaas jena ta sadok. “ al melik kelim, howo zol al kwes wa howo gi jaa ma khabara al kwes.” ²⁸ Wa Akhimaas nadi shedid wa kelim le melik. “kulu haja kwes” howo dengiri gedam ta melik wa wosa tuo le tehet. Wa kelim, keli bariku Yahwah Allah taki! Howo seliim nas al arfa ida tomon deed said tai al melik. ²⁹ Biga al melik juabu, hal weled tai Abshalom kwes? Akhimaas juabu, zaman Yoab rasula ana, khadam ta melik, le inta, al melik, ana ainu dam rha shedid, lakin ana ma arufu kan de shunu” ³⁰ Wa biga melik kelim, wasa wa wogif hinak” Akhimaas lifu wa wagif, sabit. ³¹ Towali al kushiti wosulu wa kelim, “ana indu akhbar al kwes le said tai al melik, ashan Yahwah integhim le inta alella min deel kulu kan deed inta. ³² Biga al melik kelim le kushiti, hal weled tai Abshalom kwes?” al Kushiti juabu “aada ta said tai al melik, wa kulu deel al deed inta ashan bi awogu inta, keli homon kun zi weled de.” ³³ Biga al melik kan big hazanan shedid, wa howo nuwa kan hazinan wag i kore, “jena tai Abshalom, jena tai Abshalom, jena tai Abshalom! Kan keli ana yahu mutu bedalu inta, Absahalom, Jena tai, Jena tai.”