¹ Biga Ahitophel kelim le Abshalom, “hasa keli ana ikhtar itnashar Alf rajil 12,000, wa fii bellel de ana bi gum wa turudu wara Daud. ² Ana bi hajemu howo fi zaman al howo biga taaban shedid wa deif wa ana bi kalaa howo ma kuof. Wa nas al ma howo bi jere, wa ana bi katule al melik bes. ³ Wa ana bi rejaa le inta nas deel kulu, zi Aeose al gi jebu le rajil tuo. Wa nas deel kulu fii salam tehet sulta taki” ⁴ Abshalom wan as kubar ta Israel big muksutiin ma kalam al Ahitophel kelim. ⁵ Biga Abshalom kelim, “hasa nadi takum hashai al arkiti, Kaman, wa keli nina jaa asuma kalam tuo.” ⁶ Zaman Hushai jaa le Abshalom, Abshalom wori le howo kalam al Ahitophel kan kelim de yala howo asalu hushai, “keli nina amulu haja al Ahitophel kelim de? Iza kan la. Wari le nina Irshadat taki.” ⁷ Biga hushai kelim le Abshalom, “Irshad al Ahitophel wori has de howo ma kwes” ⁸ Hushai kelim Kaman, “inta arufu abu taki wa rujal tuwo de humon mughatileen al gowi, wa homon zalaaniin shedid, wa homon biga zi dub al shilu jena tuo fi Ghaba. Abu taki howo rajil al harb; fi bellel de howo ma bi num ma jessh tuo sawa. ⁹ Asuma, hasa yemkin howo dusu nefso tuo fi ufura tani (khandak) aw fi mahal tani. Wa kan baad min rujal taki katulu fi bidaya ta harib (Hujum) Ayi zol al bi asuma kalam de howo bi kelim, adu katutus Jesh al kan ruwa wara Abshalam. ¹⁰ Biga hata jesh al gowiin, al gelba toman zi gelba ta aseed, homon bi azim, wa rujal al fii maa howa kamon gowiin shedid. ¹¹ Ashan keda Irshad tai le inta inu keli limu le inta shaab ta Israel kulu sawa, min dan lahadi beer shiba, yahu bi kun ghaed tomon. ¹² Wa nina bi hajimu howo zi nada al gi nizil fi trab (ardi) wa nina ma bi sibu zol min rujal tuo, aw howo zatu bi nefso tuo hayi. ¹³ Iza kan huwo rejaa le medina, biga jesh ta Israel kulu bi jebu hubal wa nina bi kasuru wa juru hujar ta medina de kulu fi bahar, lahadi ma bi kun fii hajeer sukier hinak” ¹⁴ Biga Abshalom wa shaab ta Israel kelim, “Irshad ta hushai afdal min Irshad ta Ahitophel” Yahwah bariku aba ta Irshad al kwes ta Ahitophet ashan keli kharaba hasil le Abshalom. ¹⁵ Big Hushai kelim le zadok wa Abiatar al Kuhana. Gal, Ahitophel arshidu abshalom wan as al kubar ta Israel bi teriga, lakin ana anshidu howo bi haja tani. ¹⁶ Big hasa, ruwa takum bi suraa wa wori takum le Daud; kelim takum le howo, keli howo ma amulu khima fi mahalat ta Arabah alella lakin bi ayi teriga keli howo gata le hinak, wa ila bi katulu al melik” ¹⁷ Hasa Yonathan wa Akimaaz kan gi geni fi wadi rogel. Mara khadima al kan daiman gi jaa wori le homon kalamat al homon deeru asuma. Ashan keli nas ma ainu homon gi ruwa le medina. Zaman homon asuna kalam (khabara) biga kan homon ruwa wa kelim le melik Daud. ¹⁸ Lakin fii weled ainu homon dur wahid wa howo wori le Abshalom. Biga Yonathan wa Akhimaaz jere bi suraa wa ruwa fi biet ya zol min Bahurim, kan howo indu bear fi nus biet tuo, wa homon nizil hinak. ¹⁹ Biga mara ta rajil de shilu beriish wa kati fi kasma ta bear de wa kubu dura fi ras tuo, ashan mafi zol bi arufu gal Yonathan wa akhimaaz homon fi juwa bear de. ²⁰ Rujal ta Abshalom jaa le mara ta biet de wa kelim, wenu Akhimaaz wa yonathan?” mara de kelim le homon, “homon gata bahar bi hinak” yala baad homon ainu mahalat wa homon ma ligu naferiin deel, homon rejaa le urshilim. ²¹ Wa zaman homon ruwa Yonathan wa Akhimaaz tala bara min bear de. Homon ruwa wori le melik Daud; homon kelim le howo, “gum fok wa gata bahar bi suraa ashan Ahitophel wodi Irshadat ashan bi katulu inta ,” ²² Biga Daud gum wan as kulu al kan ma howo, wa homon gata bahar al ur don. Wa fi zaman shimish bada tala ayi zol min homon kan gata bahar. ²³ Zaman Ahitophel ainu enu kalam al howo kelim de ma nifizu, howo mala humar ma hajat wa ruwa fi biet tuo fi medina tuo. Howo jahizi biet towo ashan howo gi ruwa katulu (kangu) nefsa tuo. Howo mutu wa dufunu howo fi magaber ta abu tuo. ²⁴ Biga Daud jaa fi mahanaim ma Abshalam, howo gata bahar al urdon, howo wan as ta Israel kulu kan ma howo. ²⁵ Abshalom bada Ikhtar Amasa ashan bi kun ghaed ta jesh bidal Yuab Amasa kan weled ta yether al Ishmaeli (Israeli) howo kan juazu Abigail, biniy ta nahash wa akut ta serviah, uma ta yuab. ²⁶ Biga Israel wa Abshalam geni fi ardi ta Gilaad. ²⁷ Wa zaman Daud kan jaa fi mahanaim, shobi jena ta nahash al min Rabbah ta Ammoniteen, wa maker jena ta Ammiel min ludebar, wa Barillia al Gilaadi min Rogelim, ²⁸ Hamon jebu martabat wa bataniyat wa afashat wa Gurumat, wa gimi, dejig ta shear, dura al haragu (nigetu), fasolia, Adiis. ²⁹ Aseel, zibda, khuruf, wa curds (gishta ta halib (lebin), ashan Daud wan as tuo bi agdeer akulu Rujal deel kelim, al shaab geniin taabaniin wa atshaniin fi sahra.