¹ Zaman daud ruwa bied shuiya min fok ta jebel, huwo bad gabilu ma khadam ta Mephibosis indu itnin humar gi shilu hajat fi dahar tomon. Wa kan fugu metin (200) gufa ta reghif (esh), meaya (100) akiyas ta zebib, wa meaya, wa meaya rubta ta tiin, wa jerhis ja merisa (khamra) ² Melik kelim le ziba, “leh inta jebu hajat deel? ‘ziba juabu gal, itniin humar deel le usura ta melik ashan bi arkab fugu. Akiyas ta iesh wa kaak ta tiin deel le rujal taki ashan bi akulu, wa jerkis ta merisa de le ayi zol al kan tabaan wa waga fi sahra ashan bi asurubu. ³ Al melik kelim, biga wenu jena ta weled ta sead taki? Ziba juabu le melik, “ainu, huwo fadulu wara hinak fi urshelim, ashan howo kelim gal, alella de biet ta Israel bi rejaa le ana mumlaka ta Abu tai. ⁴ Biga Al melik kelim le Ziba, “asuma, ayi haja al kan ta Mephibosis hasa biga taki” ziba juabu, “ana bi dengeri tehet le inta, ya melik tai ya seadi. Keli ana ligu neama fi ena taki. ⁵ Wokit melik Daud wosulu fi Bahurim, kan fi zol gi jaa howo min bab ta usura ta shaul, isim tuo shimie weled ta Gera. Huwo kan gi jaa wa zi sitemu. ⁶ Huwo jada hujar le Daud ma kulu asakiir ta melik kulu, bi raghmi kan fii jesh wa huras fi yemin wa shimal ta melik. ⁷ Shimie kan gi shitmu keda, “Ruwa, tala bara min hini, ya zol bataal, inta zol ta doom! ⁸ Yahwah rejaa kulu le intum doom al kan intam dufugu fi usura ta saul, fi mahal al inta hukumu. Yahwah wodi mamlaka de fi ida ta jena taki Abshalom. Inta jaa ashan bi karabu ashan inta zol ta doom ⁹ Biga Abishai jena ta Zeruiah, kelim le melik, “leh Al kelib al meet de bi laanu sead tai al melik? Min fadlak keli ruwa wa gata ras tuo bara.” ¹⁰ Lokin al melik kelim, ana bi amulu shunu ma inta ya Jena ta Zerisah (surweya)? Yemkin howo bi laanu (siimu) ana ashan Yahwah yahu kelim keli howo sitimu (laanu) Daud; munu tani bi kelim le howo, “malu inta bi sitimu (laanu) al Melik”? ¹¹ Biga Daud kelim le Abishai wa kulu khudam bituo. “ Asuma, wled tai, al ana Yahu weledu min Jesin tai kan deeru katulu ana hasa ma aktar min zol al Beniyamini de al deery demiru ana? Sibu takum howo barau wa keli howa sitimu, ashan Yahwah yahu kelim le howo keli amulu keda. ¹² Yemkin Yahwah bi ainu le tab al fii ana, wa howo bi dafa le ana bi al kwes ashan howo sitimu ana alella” ¹³ Big Daud wa rujal tuo deel gi ruwa fi sika wa shimie gi ruwa min ras jebel min taraf sika de, howo gi laanu wag i jada hujar wa kubu turab zi ma howo gi ruwa. ¹⁴ Biga melik wa kulu nas al kan ma howo tala yaabaniin shedid, wa zaman biga bellel howo bad wogif wa kudu raha ¹⁵ Ama abshalom ma kulu nas min rujal ta Isreal al kan ma howo, homon jaa fi urshelim, wa Ahitophel kan fii ma howo. ¹⁶ Wa fi wokit al hushai al min Arkite, sabi ta Daud, howo jaa le Abshalom, wa hushai kelim le Abshalom, “ Yahiya al melik yahya al melik!” ¹⁸ Abshalom kelim le Hushai, “Hal de yahu haja al kwes al inta bi amulu le sabi taki? Maju inta ma ruwa ma howo? ¹⁷ Hushai kelim le Abshalom, “la! Belals, zol al Yahwah wa shaab de ma kulu rujal ta Isreal azilu, de yahu zol al an bi kun tabie le howo, wa ana bi geni ma howo. ¹⁹ Kaman, yalu zol yahu ana bi khadimu? Hasa de ana yahu bi amulu khidma le weled tuo? Zi ana amulu khidma le Abu taki, ana amulu khidma le inta” ²⁰ Biga Abshalom kelim le Ahitophel, “wori le ana Irshad and ashan nina keli amulu shunu.” ²¹ Ahitophel juwabu Abshalom, Ruwa num ma nuswan ta kada miin ta Abu taki al howo sibu ashan bi haresu ghasir (biet), wa shaab ta Israel kulu bi asuma gali abu taki biga bi akrahu inta. Yala ida ta nas al gi dowuru ma inta bi tala gowi” ²² Biga homon sala le Abshalom khima fok fi ghasir (biet), wa Abshalom ruwa num ma nuswan ta khadamiin ta abu tuo fi gedam ta shaab ta Israel kulu. ²³ Hasa Irshad ta Ahitophed al howo wori fi ayamat dak biga zi insan asuma min kasma ta Allah zatu (bi nefsu) ashan keda kulu Irshadat al kan Ahitophed wori biga Deris le Daud wa Abshalom.