¹ Ja kan ma baad de Absalom jahisu karlo wa husan le nefsu ,ma kamistashar rujal gi jere gidam towo . ² Absalom bi gum sabah bedri wa wogif jambu sika al gi ruah le baab medina . wokit zol indu muskila wa deiru melik ashan yahkim ,Absalom bi nadi huwo wa kelim , “ min yatu medina ita ja min fogo ? kadam taki min wahid min gebail ta Israel .” ³ yala Absalom bi kelim ,shuf , al muskila taki kuwes was a ,lakin mafi zol al gowi ma melik ashan auma le muskila .” ⁴ Absalom zidu ,ana itmana kan bikun gadi fi ardi de , ashan aiya rajil al indu muskila bi ja le ana ,wa ana bi wodi lou adala ! “ ⁵ yala ja ma baad wokit kan aiya zol ja bi iktaramu ,Absalom bi kutu yeden towo wa amsuku zol wa bozu huwo. ⁶ Absalom huwo amulu kida le kulu Israel al kan ja le melik ashan hokum .biga Absalom seregu gelba ta rujal ta Israel . ⁷ Ja fi wokit ta ma baad arba sena Absalom kelim le Melik ,minfadlak keli ana ruah wodi iktiram tai le Yahweh fi halifa al kan ana amulu le Yahweh fi Hebron . ⁸ le anu kadam taki amulu waad wokit kan ana aish fi Geshur fi Aram ,bigul ,iza kan Yahweh bi jibu ana tani fi orshelim ,ana bi abidu Yahweh “ ⁹ yala al melik kelim ,ruah be salama .” yala Absalom gum wa ruah le Hebron . ¹⁰ yala Absalom rasulu jawasis fi kulu gabail ta Israel ,bikelim ,min ma itakum bi asuma sot ta gurun ta koruf yala itakum bi kelim “ Absalom yau Melik fi Hebron .” ¹¹ ma Absalom ruah ma mitten rujal min orshelim ,al rahibu humon ruah hinak ligo ma arufu aiya haja al Absalom katitu . ¹² wokit Absalom gedim zebiha ,huwo rasulu le Ahithohel min medina al fi bed ta Giloh . Huwo murshid ta Daud .Muamara ta Absalom kan gowi ,wan as al gi tabi Absalom gi zidu daiman . ¹³ Murasula ja le Daud ,” gal, algelib ta rujal ta Israel gi taabi wara Absalom “ ¹⁴ yala Daud kelim le kulu kadamiin towo al fi orshelim ,” gum wa kede ena jere au mafi kulu ena bi jere min Absalom ,jahisu tawali ashan mamuriah ,au huwo bi kerimu ena ,au jibu damar be hajimu medina de ma sef . ¹⁵ Alkadam ta Melik kelim le Melik “ shuf ,kadamiin taki jahisiin ashan amulu aiya haja al said tena melik kelim . “ ¹⁶ Al melik tala wa kulu usra towo wara towo ,lakin al melik sibu ashara nasawin al kan refigat ,ashan hafizu alkasri. ¹⁷ Baad ma melik tala bara wa kulu al nas wara huwo ,Humon wogif fi bed al akir. ¹⁸ kulu kadamiin towo ruah mahu ,wa gedam towo ruah al Kerethites ,wa al pelethites ,wa kulu al Gittites – sitteen rujal al taabi huwo min Gath ma al melik ¹⁹ Al melik kelim le Ittai al Gettite ,” le itu gi ja ma ena ? rajah wa geni ma melik , le anu itu ajanib min bara .rija fi mahal kum . ²⁰ ze itu tala min umbari ,le ana bi sibu itu taab fi wara tena ? Ana zatu maaruf ana gi ruah wen .yala rija wa shilu rujal beled takum maak ,wa kede muhaba wa amana ruah maakum . ²¹ lakin itai juwabu melik wa gal ,” ze Yahweh aish ,wa ze said tai melik aish hagiga fi aiya mahal al said tai melik bi ruah ana Kaman kadam taki bikun ,kan manau mutu wala haya. ²² ” yala Melik kelim le Ittai “ ruah gidam wa istemir mena Ittai al Gittite ruah ma melik ,ma kulu rujal wa kulu usra ma huwo . ²³ kulu beled gi kore ma sot aali ze humon gi ruah abri jaduel ta kidron , ze melik Kaman gi kata .kulu nas gi ruah min sika al gi ruah le gaba . ²⁴ kaman Zadok ma kulu lawiin , gi arfa Tabut al ahad , kan mojudiin .Humon kutu al Taabut al ahat ta Allah tehed ,yala biga Abiathar limu ma humon .Humon intozur lahaidi nas kulu abir min dakil medina kulu. ²⁵ Al melik kelim le Zadok ,” Arfa al Tabut al Ahat ta Allah wara le Medina .iza kan ana ligo rahma fi ena ta Yahweh ,huwo bi jibu ana wara hini wa wori le ana tani mara al Tabut wa makan al huwo deiru yeish. ²⁶ lakin iza hu gal , ana ma moksut maak ,shuf ,ana hini ,keli huwo amulu le ana haja al kuwes le huwo .” ²⁷ wa melik Kaman kelim le Zadok al gesis ,” ita ma Gesis ? rijah fi medina ma salam ,wa ma ethnen aulat taki maak , Ahmaaz weled taki,wa jonatan weled ta Abiathar . ²⁸ ainu , Ana bi intozur fi gabah lahaidi kelima ja min intakum ashan kabiru ana .” ²⁹ yal Zadok wa Abiather arfa al Taabut le orshelim ,wa geni hinak . ³⁰ lakin Daud ruah kura afian wa gi kore fok jebel zeitun ,wa kan raas towo kati .wa kulu rajil al mahuwo kati raas ,wa humon ruah fok wa gi kore ze humon gi douru. ³¹ zol tani kelim le Daud ,Ahithophel huwo fi nus ta nas muamara ma Absalom .” yala Daud seli ,” O Yahweh ,arjuk gelibu irshadad ta Ahithophel le belid .” ³² ja fi wokit Daud wosulu fi fok sika ,al mahal al gi mejidu Allah ,Husai al arkite ja ashan gabilu ma suut moshroot wa turaab fi raas. ³³ Daud kelim lehu ,Iza ita ruah ma ana ,ita bikun taab le ana ³⁴ .lakin iza ita bi rija le Absalom ,ana bikun kadam taki melik ze ana kan kadam ta abu taki zaman ,yala hasa keli ana kun kadam taki yala ita bi showis irshadad ta Ahithophel le ana . ³⁵ Hal ita ma bi indu Gesis Zadok wa Abiathar maak ? ashan aiya haja al ita bi asuma fi kasri hinak ,ita bi wori le Zadok wa Abiathar al Gusus . ³⁶ shuf ,hinak humon indu ethnen aulat tomon hinak Ahimaaz weled ta Zadok wa Jonatan weled ta Abiathar .itu bi rasulu le ana be yeden tomon aiya haja al itakum asuma .” ³⁷ yala Hushai ,sabi ta Daud ,ja fi dakil medina ze Absalom wosulu wa dakalu fi orshelim .