¹ Hasa Joab weled ta Zeruiah lahizu gal gelba ta melik deiru shuf Absalom. ² yala Joab rasulu kelima le Tekoa wa jibu mara al zikiya le huwo .Huwo kelim le hia . arjuk mesil se ita fi husnan wa libisu malabith hasnan . arjuk mata masa jisim taki ma zeed , lakin kun ze mara al fi hasnan zaman towil ta mutu. ³ Yala ruah le Melik wa kelim lou an haja al ana bi wori “ yala Joab wori le hiya shinu al hia bi kelim le Melik. ⁴ Wokit al mara minTekoa kelim le Melik ,hia kutu wusa tehed wa kelim ,” saidu ana Melik “ ⁵ al Melik Kelim le hia ,sunu batal ? Hia juwabu “ al hak yau Ana armala ,rajli maat . hia juwabu , “ ⁶ Ana kadam taki ,indi ethnen aulat ,wa humon shakil fi zira wa mafi zol bi farigu humon .wahid dugu wahid wa mutu . ⁷ yala hasa kulu al ashira gum did tai ,wa humon gal ,wodi fi yeden tena al rajil al dugu aku de ,ashan ena Kaman bi katulu ashan dafa aku al katulu , ashan humon be demiru al warisa .munu yau bi batulu faham nar al ana sibu ,ashan humon ma bi sibu isim le rajil tai wala jil fi wash al ardi .” ⁸ yala al melik kelim le mara ,” amsi le bed taki ,ana bi amiru haja ashan bi amulu “ ⁹ Al mara ta Tekoa juwabu le melik ,” ya said tai ,Melik keli al batal fi ana wa fi bed Abui .al melik wa kursi towo ma batal “ ¹⁰ Al Melik juwabu ,” Aiya zol al kelimu aiya haja le ita ,jibu le ana , wa huwo ma bi lemesu ita tani mara .” ¹¹ yala hia kelim “ arjuk , keli melik zekiri Yahweh Allah taki ,ashan dafa dom ma bi demiru gidam tani ,ashan humon ma bi demiru weled tai .” al melik juwabu “ ze Yahweh aish ,wele shar wahit ta weled taki bi waga fi wata .” ¹² biga Mara de kelim ,arjuk keli kadam taki kelim ziada le melik said tai .” Huwo gal ,” kelim ¹³ yala al mara kelim , “ le ita amulu hajat ze did nas ta Israel ? fi kelimu de , al melik ze zol al galtan ,lianu al melik ma rajah wara jena towo al jere ¹⁴ . Ena kulu bi mut ,ena ze moyo kan kubu tehed ,ena ma bi limu tani .lakin Allah ma bi shilu haya ; be ax bi fetishu sika ashan del al turudu bara bi rijau . ¹⁵ Hasa yala ,shuf de al ana ja kelim le said tai al Melik ,ashan nas kutu ana kuwak ,yala kadam taki kelim lenefsu ,ana hasa bi kelim .huwo bikun imkin al melik bi amulu talab ta kadam towo ¹⁶ imkin al melik bi asuma le ana wa wodi risala ta kadam towo min yeden ta rajil albi demiru ana wa weled tai ,bara min al warisa al Allah wodi lena . ¹⁷ yala kadam taki seli ,” Yahweh ,arjuk keli kelima ta said tai Melik wodi leana raha ,ze Malaika ta Allah ,de Yau Melik said tai fi wori al kuwes min batal .keli Yahweh Allah taki kun maak .” ¹⁸ biga melik juwabu wa kelim le mara de ,” arjuk mata dusu min ana aiya haja kan ana asalu ita .” al mara juwabu ,”keli said tai melik hasa kelim .” ¹⁹ al melik kelim , Hal ma yeden ta Joab maak fi kulu de ? “ al mara de juwabu wa kelim ,”ze ita aish ,saidi al melik ma fi zol bi insahib le shamal wala yomin min haja al saidi melik kelim .de kadam taki Joab al amiru ana ashan kelim kulu de al kadam taki kelim . ²⁰ al kadam taki Joab amulu da ashan geiru tajah ta haja al gi hasil .saidi ziki ,ze zaka ta malaika ta Allah ,huwo bi arif aiya haja al bi hasil fi ardi .” ²¹ yala al melik kelim le Joab , “ shuf hasa , ana bi amulu haja de .ruah yala ,wa jibu al rajil al shaab de Absalom wara “ ²² yala Joab dengri wusa tehed fi wata ashan iktaram wa wodi tehiya le melik .Joab kelim ,Allela Kadam taki aruf inu ana ligo maaruf fi ena taki ,saidi melik ,fi de al melik amulu talab ta kadam towo .” ²³ yala Joab gum ruah le Geshur ,,wa jibu Absalom wa le orshelim. ²⁴ al melik kelim ,” huwo keli rija le bed towo ,lakin huwo mabi shuf wusa tai “ yala Absalom rija le bed towo ,lakin ma ainu wusa ta abu towo . ²⁵ Hasa fi Israel mafi zol al bi majidu fi sokol wosim aktar min Absalom .min dufur kura le fok raas towo mafi lom fi huwo. ²⁶ wkoit kan huwo gata shar towo min raas fi nihaya aya sena ,ashan biga tegil le huwo ,gi jeribu shar towo mitten shekel ,al wosin le hasap muasafat ta melik . ²⁷ le Absalom weledu talata aulat wa wahid binia ,al isim towo Tamar .hia kan mara jemil kalis. ²⁸ Absalom aish ethnen sena kamil fi orshelim ,budun ainu wusa ta melik . ²⁹ yala Absalom rasulu kelima le Joab ashan rasulu le Melik ,lakin joab ma agder ja le huwo . yala Absalom rasulu kelima le mara altani ,lakin Joab Kaman ma ja . ³⁰ yala Absalom kelim le kadamiin towo , “ ainu le mahal zara ta Joab gerib ma tai ,wa huwo indu dura fogo .ruah wa kutu nar fogo .” yala kadamiin ta Abusalom gutu nar fogo. ³¹ yala joab gum wa ja le Absalom fi bed towo wa kelim ,” le kadamiin taki kutu nar fi mahal zara tai ? ³² Absalom juwabu Joab , “ le ana ja min Geshur ? aksen le ana ashan kun hinak .ashan kida hasa ana ainu wusa ta melik ,wa iza kan ana galtan ,keli huwo katulu ana ,” yala Joab ruah le Melik wa wori le huwo . wokit melik nadi Absalom “ ³³ yala Joab ruah le melik wa wori le huwo . wokit al melik nadi Absalom , huwo ja le Melik wa dengir tehed fi wata gidam Melik ,wa al melik wodi gubla la Absalom .