¹ Wa ja baad de weled ta Daud Absalom indu oktu isim towo Tamar , wa weled ta Daud Amnon Bihibu hia . ² Amnon muku lakbad lahaid ma huwo biga tala ayan ashan Oktu Tamar . hia fata , yani saap le Amnon ashan amulu aiya haja le hia . ³ lakin Amnon indu sahbu al ismu kan Jonadab weled ta Shimeah , Aku Daud . Jonadab kan weled batal . ⁴ Jonadab kelim le Amnon , Le ya weled Melik ita indu afkar kulu sabaa ? ita ma bi wori le ana ? yala Amnon juwabu ,” Ana bihibu Tamar , okot ta Absalom akui “ ⁵ yal Jonadab kelim le huwo ,” num fi serir taki wa mesil gali ita ayan . wokit kan abu taki ja ashan ainu ita ,asalu huwo arjuk ita bi akder rasulu le ana okot tai tamar ashan wodi le ana haja ashan akul wa rakabu le ana , ashan ana bi ainu wa akulu min yeden towo ? “ ⁶ Yala Amnon num tehed wa mesil gal ayan .wokit Melik ja le huwo ,Amnon kelim le Melik ,” arjuk rasulu okotai Tamar ashan amulu Akil tani ashan ayan tai fi gidam tai ashan ana bi akulu min yeden towo .” ⁷ yala Daud rasulu kelima le Tamar fi mahal towo ,gal “ Rauah le bed akuk Amnon wa jahisu akil le huwo .” ⁸ yala Tamar ruah le bed aku Amnon mahal alhuwo naim fogo .wa hia shilu anjin wa amulu rekif fi gidam towo ,yala hia kutu fi furun . ⁹ hia shilu tawa de wa wodi Rekif le huwo ,lakin huwo aba akulu .yala Amnon kelim le nas tannin alfi ,” aiya zol keli tala bara min ana “ yala aiya zol tala bara minu .” ¹⁰ Amnon kelim le Tamar ,”jibu akil de fi gurfa tai ashan ana bi yakulu min yeden taki “ yala Tamar shilu rekif al hia amulu ,wa jibu le gurfa ta aku Amnon . ¹¹ wokit hia jibu akil le huwo ,hu amsuku hia wa kelim le hia ,” taal ,num ma ana , ya okti .” ¹² Hia kelim le huwo ,la akui mata asuru ana , haja ze de ma bi amulu fi Israel! .mata amulu fadiha ze de ¹³ kef ana bi tala min fadiha tai de ? wa ita ? ita bikun zewahid al belid fi Israel ! Hasa arjuk kelim le Melik huwo ma bi aba ana le ita “ ¹⁴ ashan kida ,Amnon ma deiru asuma le hia , wa huwo kan gowi min hia , huwo gelibu hia ,wa huwo num ma hia . ¹⁵ biga Amnon kerehu Tamar ma kulu kerehia .al kerehia al huwo kerehu ma hia kan saab min al hub al huwo kan hibu ma hia .Amnon kelim le hia ,” gum fok wa ruah ¹⁶ lakin hia kelim le huwo la ! ashan al shar al kebir al bi sibu ana ruah batal min al ita amulu le ana “ lakin Amnon ma asuma le hia. ¹⁷ bel ax ,huwo nadi kadam towo shaksi wa kelim ,shilu mara de bara min ana ,wa tarbasu bab warau“. ¹⁸ yala kadam de jibu hia bara wa tarbasu baab wara hia .Tamar kan labis jalabia jemil kalis ashan banad ta melik al fatayat gi libusu jalabia ze de . Hia kutu yeden fi raas wa talabara ,gi kore shedid wokit gi ruah . ¹⁹ Tamar kutu rumat fi raas wa sheretu jalabia aljemil de .hia kutu yeden fi raas wa ruah bara ,gi kore shedid zaman gi ruah. ²⁰ Absalom aku gal le hia , “ hal Amnon akuk geni maita ? hasa askut ya okti . Huwo akuk mata shilu haja de fi gelba “ yala Tamar fadulu barau fi be ta Aku Absalom . ²¹ lakin wokit Melik Daud asuma be kulu hajat del ,huwo kan zalan shedid. ²² Absalom ma kelim haja le Amnon ,le Absalom kerehu Amnon fi haja al huwo amulu le hia be teriga al huwo fadihu oktu Tamar. ²³ Ja biga baad sena ten kamil Absalom indu muraa ta korfan fi mahal ismu Baal Hazor ,algerib ma Ephraim ,wa Absalom nadi kulu aulat melik ashan ja hinak . ²⁴ Absalom ruah le melik wa kelim “ shuf hasa , kadam taki endu muraa ta korfan ,arjuk keli melik wa kadamiin ja maana ,kadam taki .” ²⁵ al Melki juwabu Absalom ,” la ,weledi , kuluna ma bi yemshi ashan nihna ma bikun lek tegila ,lakin huwo wodi le huwo baraka. ²⁶ yala Absalom kelim ,” kan ma kida ,arjuk keli akui Amnon ruah maana .yala al melik kelim le Amnon bi ruah maak ? ²⁷ Absalom asuru Daud ,yala huwo sibu Amnon wa kulu aulat al melik ruah mahu ²⁸ Absalom Amiru kadamiin towo gal “ asuma kuwes .wokit Amnon biga sakaran ma merisa wa kan ana kelim le itakum ,hajimu Amnon , yala katulu takum huwo .matakum kafu ,hal ana ma amiru itakum ? keli kum gowiin “ ²⁹ yala kadamiin ta Absalom amulu ze huwo amiru humon . yala kulu aulat al melik ruah ,wa aiya zol fiku huzan wa jere . ³⁰ yala biga ja ,wokit humon fi sika ,al kabara ja le Daud gal “ Absalom katulu kulu aulat al melik ,wa mafi wahid minum al fadulu ³¹ ” yala melki gum wa sheretu gumash towo ,wan um fi wata , wa kulu kadamiin towo wagifin ma gumashat moshroot. ³² Jonadab weled ta Shimeah ,aku ta Daud juwabu wa kelim ,” keli said tai ma amin gal humon katulu kulu al rujal shabab al aulat ta melik .Absalom katit de min fi yom al Abnon fadihu oktu Tamar. ³³ ashan kida kede said tai Melik ma shilu kabar de fi gelib ,ashan sedek al kulu aulat melik maat ,Amnon bes yau maat “. ³⁴ Absalom jere bara .kadam arfa raas wa shaf al nas jaain fi sika fi jebel fi tijah garibi ³⁵ yala Jonadab kelim le Melik ,Shuf ,aulat al melik jaain huwo bes ze kadam taki kelim “ ³⁶ Yala biga baad huwo kalasu kalam ,aulat al melik wasulu wa arfa sotomon wa kore .al melik ma kulu kadamiin Kaman kore shedid ³⁷ lakin Absalom jere wa ruah le Talmai weled ta Amihud ,almelik ta Geshur .Daud gi kore ashan weled towo kul ma yom. ³⁸ yala Absalom jere wa ruah le Geshur ,al huwo geni le muda talata sena ³⁹ Gelba ta melik Daud deiru ashan ruah ainu Absalom ,fa huwo arshidu ashan Amnon wa mutu towo .