¹ Wa naaman kan ghaed ta jesh ta melik ta aram, huwo kan azim wa zol mustaram fi ena ta said tou, ashan bi wasat tou yahwah kan wodi Intisar le aram, huwo Kaman kan gowi, rajil shujaa, lakin huwo kan indu juzan ² Arameen kan ruwa amulu harib fi mujmuat fi ardi ta Israel wa humon shilu biniya sukeir wa hiya gi ishtakal le mara ta naaman. ³ Biniya de kelim le saida tou, ana kan gi itmana enu said tai bi kun fii ma nebie al kan fi samariya, wa how kan bi aliju said tai min juzam tou de. ⁴ Biga naam ruwa wa kelim le melik lalam al biniya al sukeir al min ardi ta Israel de kelim. ⁵ Biga melik ta aram kelim, ruwa hasa, wa ana bi rasulu resala le melik ta Israel. Naaman ruwa wa shilu ma huwo ashara wazna ta fedha, sita alf gita ta dahab wa ashara geyarat min gumashat ⁶ Huwo Kaman juwab le melik ta Israel gi kelim, hasa kan resala de wosulu inta bi arufu huwo min juzam tou." ⁷ Zaman melik ta Israel agara juwab de, huwo sheritu gumashat tou wa kelim, hal ana allah, ashan bi katulu wa ashan bi hai ashan zol de bi kelim enu huwo deer ana keli aliju zol min juzam tou? Keli intum arufu kaanu huwo gi bada fetish mashakil ma ana." ⁸ Wa zaman Elisha rujul allah asuma gali, melik ta Israel sheritu gumashat tou huwo rasulu resala le melik gi kelim, leh inta sheretu gumashat taki? Hasa keli huwo jaa le ana, wa huwo bi arufu gal fii nebie fii Israel. ⁹ Biga naaman jaa ma hasiin wa arabat tou wa huwo wogif fi bab ta beit ta Elisha ¹⁰ Elisha rasulu marasula le huwo gi kelim, ruwa wa dakalu gisim taki fi nahri urdon sabaa marat wa gisim taki bi rejaa, wa inta bi kun nedif." ¹¹ Lakin naaman kan zaalan wa tala bara wa kelim, asuma, ana fekir enu huwo hagiga bi tala bara le ana wa bi wogif wa nadi isim ta yahwah allah tou, wa huwo bi hariku ida tou fi mahal ta ayan wa ana bi aliju min juzam tai ¹² Hal abanah wa pharpar, humon ma anhar ta demishg, ahsiin min kulu moya ta Israel? Kan keli ana beredu fi humon wa ana ma bi kun nedeif? Biga huwo rejaa wa ruwa be zalan. ¹³ Biga khudam ta naaman jaa gerib wa kelim le huwo, abu tai, iza nebie kelim le inta ashan bi amulu haja al saab, hal inta ma bi amulu wa kan bi ketier, biga, zaman huwo kelim le inta, dakalu nefsa taki wa inta bi kun nedief ¹⁴ Biga huwo ruwa wa dakalu nefsa tou saba marat fi nahri urdon, amulu irshadat ta rujal allah, lahan tou kan rejaa tani mara ze gisim ta jena sukeir, wa huwo kan biga kwes aliju. ¹⁵ Naaman rejaa le rujul allah, huwo wa kulu nas al ma huwo, wa jaa wa wogif gedam huwo, huwo kelim, asuma, hasa ana arufu gal mafi allah tani fi ardi de kulu ella fi Israel, ashan kida min fadlak shilu hadiya de min kadam taki ¹⁶ Lakin Elisha juwabu, yahwah hai, al ana gi wogif gedam tou. Ana ma bi shilu ayi haja. Naaman hanisu Elisha ashan bi shilu hadiya de, lakin huwo aba. ¹⁷ Biga naaman kelim iza kan laa, biga ana gi asalu inta ashan keli wadi le kadam taki itniin humula ta humar min turab, ashan min hasa wa le gedam, kadam taki ma bi wodi ayi tegdima al haragu wele zebiha le ayi allah ella yahwah ¹⁸ Wa bi teriga al wahid de keli yahwah afii kadam taki, wa de zaman al melik tai ruwa le biet ta rimmon ashan bi seli hinak, wa huwo teki fi ida tai wa asjud fi biet ta rimmon. Yahwah keli afi kadam taki fi haja de. ¹⁹ Elisha kelim le huwo, ruwa bi salam, biga naaman ruwa. ²⁰ Huwo safir bi masafa guseir wa gehazi khadam ta Elisha rujul allah kelim le nefsa tou, asuma, said tai aba naaman al aramati ashan huwo ma rudu hadiya min ida tou, yahwah hai, ana bi jere wara huwo wa shilu haja min huwo ²¹ Biga gehazi ruwa wara naaman, zaman naaman ainu huwo gi jere wara huwo, huwo nezil tehet min arabiya tou ashan bi gabilu huwo wa kelim hal kulu haja kwes? ²² Gehazi kelim kulu haja kwes said tai rasulu ana gal, asuma hasa fii itniin shabab min abna ta anbiya humon jaa min jebel ta Ephraim. Min fadlak wodi le humon wazna ta fedha wa itniin getaat ta gumashat." ²³ Naaman juwabu, ana muksut ashan bi wodi le inta itniin waznat naaman asalu gehazi wa robutu itniin wazna ta fedha fi itniin gufa ma itniin gear ta gumashat wa wodi humon le itniin min khudam tou al humon kan gi arfau akiyas de wa humon kan gi ruwa gedam ta gehazi ²⁴ Zaman gehazi wosulu fi jebel, huwo shilu akiyas ta fedha de min iden tomon wa dusu humon fi biet wa turudu humon bara wa humon ruwa ²⁵ Zaman gehazi ruwa wa wogif gedam said tou, Elisha kelim le huwo, inta jaa min wen ya gehazi? Huwo juwabu, khadam taki ma ruwa fi ayi mahal." ²⁶ Elisha kelim le gehazi, kan ruhu tai maa ma inta zaman al zol de rejaa arabiya tou ashan bi gabilu inta? Hal de wokit al bi shilu gurush wa gumashat, wa zieton wa karma wa ghanama wa bagara wa khadamin al rujal wa nuswan? ²⁷ Wa biga juzam ta naaman bi jaa le inta wa ajiyal taki lellabad. Biga gehazi tala bara min getam tou, indu juzam abiyat zi telij.