¹ Al awulat ta al kuhana kelim le Alisha, ''Al makan al nina bi geni ma itakum biga suker kalis le nina kulu. ² Arjuk kede nina rua le al Ardon, wa kede ayi rajil gata sejera tehet inak, wa kede nina abinu makan le nina inak al nina biga bi geni fogo.'' Alisha juabu, ''Itakum bi agder rua gidam.'' ³ Wahid min umon kelim, ''Arjuk rua ma kadamin taki.'' Alisha juabu, ''Ana bi rua.'' ⁴ Kida uwo masa ma umon, wa zaman umon ja le Ardon, umon bada le gata asjar tehet. ⁵ Lakin ze wahid kan bi gata, al ras fas/balata waga fijua al moyo; uwo kore wa kelim, ''Ah la, said tai, uwo kan asalu!'' ⁶ Kida al rajul Allah kelim, ''Uwo kan waga wen?'' Al rajil wori le Alisha al makan. Uwo biga gata kasab, jadau fi la moyo, wa amulu sankal hadid. ⁷ Alisha kelim, ''Arfa uwo fuk.'' Kida al rajil midu iden tao wa amsuku uwo. ⁸ Hasa al melik ta Aram kan sabibu harb dit Israil. Uwo sawiru ma kadamin tao, kelim, ''Muasker tai bi kun fi wa makan zede.'' ⁹ Kida al rajul Allah rasal le a;l melik ta Israil, kelim, ''Kelik haris mata mur le makan dak, lianu al Aramien bi rua tija dak.'' ¹⁰ Al melik ta Israil rasal risala le al makan al yau rajul ta Allah kan wonusu wa anziru uwo. Aktar min wahid au itniin, zaman al melik masa inak, uwo kan biga haris. ¹¹ Al melik ta Aram kan zalan an inzarat delin, wa uwo nadi kadamin tao wa kelim le umon, ''Itakum ma mumkin bi wori le ana munu wasat nina yau le al melik ta Israil?'' ¹² Kida wahid ta kadamin tao kelim, ''La, said tai, melik, lianu Alisha al nebi fi Israil wori le melik ta Israil al kelimat al ita wonusu fi jua gurfa num taki!'' ¹³ Al melik juabu, ''Rua wa ayinu Alisha yau fi bewen kida Ana biga bi rasulu rijal wa bi gobudu uwo.'' Kan wori le uwo, Ayinu, uwo yau fi Dotham.'' ¹⁴ Kida al melik rasal hasasin le Dothan, markibat, wa jess ketir. Umon ja be lel wa gordonu al medina. ¹⁵ Zaman al kadam ta rajul ta Allah kalas gum bediri wa rua bebara, kalas, jess ketir ma hasain wa marakibat gordonu al medina. Kadam tao kelim le uwo, ''Ah, said tai! Nina bi amulu sunu?'' ¹⁶ Alisha juabu, ''Mata kafu, lianu delin al yau ma nina umon aktar min delin al yau ma umon.'' ¹⁷ Alisha seli wa kelim, ''Yahuah, Ana asalu gali ita bi fata uyun tao kede uwo biga ayinu.'' Biga Yahuah fata uyun al kadam, wa uwo saf. Kaman, al jebel kan malian be hasasin wa marakibat ta nar hawuli Alisha! ¹⁸ Zaman al Aramein ja tehet le uwo, Alisa sala le Yahuah wa kelim, ''Adrab nas delin amiyan, Ana asalu ita,''Kida Yahuah amulu umon amianin, bes ze Alisha kan asalu, ¹⁹ Biga Alisha wori al Aramien, ''De yau ma al sika, wele de yau al medina. Taal takun wara ana, wa Ana bi silu itakum le al rajil al itakum bi fetisu fogo uwo.'' Biga uwo gedimu umon le Samiria. ²⁰ Uwo kan biga hasal zaman umon kan ja jua Samiria, Alisha kelim, ''Yahuah, fata al uyuun ta rujal delin biga kede umon ayinu.'' Yahuah fatao uyuun tomon wa umon safu, wa kalas, umon kan fi nus ta al medina ta Samiria. ²¹ Al melik ta Israil kelim le Alisha, zaman uwo saf umon, ''Abu tai, kede Ana katulu umon? Kede Ana katulu umon?'' ²² Alisha juabu, ''Ita lazim ma bi katulu umon. Biga ita bi katulu delin al ita kalas salu asir/masajin ma sef wa kos/danga taki? Wodi akil wa moyo gidam umon, kede umon biga akulu wa asrab, wa rua said tomon.'' ²³ Kida al melik jahisu akil kifaya le umon, wa zaman umon kalas akal wa sirib, uwo rasal umon bara, wa umon masa wara le said tomon. Kimiya asakir ta Aramien delin biga ma rija le zaman towil fijua al art ta Israil. ²⁴ Bat dak Ben Hadad melik ta Aram de limu kulu jes tao wa hajam Samiria wa gobudu uwo. ²⁵ Kida inak kan jiyan/maja sedid fi Samaria. Biga , umon asiru uwo lakadi ras himar biga kan bi isteru/biu be tamania gitaat ta fida, wa robao ta awusak hamama be kamsa gitaat ta fida. ²⁶ Ze al melik ta Israil kan bi mur gerib be al heta/hos, mara tani kore le uwo, kelim, ''Saidi, said tai,melik.'' ²⁷ Uwo kelim, ''Kan Yahuah biga ma sayidu ita, kef biga Ana bi sayidu ita? Fi ayihaja inak bija min al maon degit au maon masurub?'' ²⁸ Al melik istamart, ''Sunu yau bi azibu ita?'' Hia juabu, ''Mara de kelim le ana, 'Wodi welet taki ashan nina bi akulu uwo alela, wa nina bi akulu welet tai bukura.''' ²⁹ Kida nina bi rakabu welet tai wa akulu uwo, wa Ana kelim le hia fi yom al tani, ''Wodi welet taki asahan nina bi akulu uwo, lakin hia kan dusu welet ta hia.'' ³⁰ Kida zaman al melik sima al kilimat ta al mara, uwo sarat gumsat tao(hasa uwo kan masi be al heta/hos(, wa al nas ayinu wa saf gali uwo indu gumassawal be rukba, dit gilit tao. ³¹ Biga uwo kelim, ''Kede Allah amulu kida le ana, wa kaman aktar, kan al ras ta Alisha welet ta Shaphat fadulu fogo uwo alela.'' ³² Lakin Elisha kan bi geni fi bet tao, wa al shiuk kan gaidin ma uwo. Al melik rasal rajil min uwo, lakin zaman al murasila ja le Alisha, uwo kelim le al shiuk, ''Ayinu kef welet de ta katil kan rasulu le silu ras tai bara? Ayinu, zaman al marasla ja, gofulu al bab, wa amsuku al bab mokful le uwo. De yau ma sort kurain ta said tao wara uwo?'' ³³ Zema uwo kan lisa bi wonusu ma umon, kalas, al murasula ja tehet le uwo. Al melik kan kelim, ''Kalas, muskila de ja min Yahuah. Le biga Ana bi istena le Yahauh bat kida?''