¹ Wa fi tamantashar sena ta yehoshaphat melik ta yahudiya, yoram jena ta ahab kan bada hukumu Israel min samariya, huwo hukumu le mudat itnashar sena. ² Huwo amulu haja al shar fi ena ta yahwah, lakin kan ma ze abu wa uma tou ashan huwo agila amud ta hajeer al ghudsi ta baal al abu tou kan amulu ³ Lakin huwo lisa gi shilu khataya ta yeroboam jena ta nebat al ghud Israel le amulu katiya wa huwo ma rijaa min humon. ⁴ Wa hasa mesha melik ta moab al indu khurfan, huwo wodi le melik ta Israel miya alf khoruf miya alf khoruf, khoruf al indu suf ⁵ Wa baad ahab kan mutu melik ta moab itmarad deed melik ta Israel ⁶ Wa melik yoram sibu samariya fi wokit dak ashan bi zahizu shaab ta Israel le harib ⁷ Huwo rasulu resala le yehoshaphat melik ta yshudiya, kelim melik ta moab itmarad deed ana, hal intum bi ruwa ma ana fi harib deed moab? Yehushaphat juwabu, ana bi ruwa ana ze inta, shaab tai ze shaab taki, hasiin tai ze hasiin taki ⁸ Biga huwo kelim, nina bi ruwa hajimu huwo bi yatu teriga yehushaphat juwabu, bi sika ta sahara ta edom." ⁹ Wa melik ta Israel ruwa ma melik ta yahudiya wa melik ta edom, humon kan lifu le muda saba yom, wa moyo kan biga mafi, moyo le jesh aw le haiwanat al ruwa ma humon ¹⁰ Biga melik ta Israel kelim, de shunu? Hal yahwah nadi talata muluk ashan bi silimu humon le ida ta moab ¹¹ Yehoshaphat keli, fi nebie ta yahwah hina, ashan nina bi rasulu yahwah bi wasat tou, wahid min khadam ta mulukta Israel juwabu wa kelim, Elisha jena ta shaphat fii hina, al kan kubu moyo fi edan ta Elisha ¹² Yehushaphat kelim, kelima ta yahwah ma inta wa melik ta Israel, yehoshaphat , wa melik ta edom ruwa le huwo ¹³ Elisha kelim le melik ta Israel, keli ana amulu le inta shunu? Ruwa le anbiya ta abu wa uma taki. Biga melik ta Israel kelim le huwo, laa ashan yahwah nadi talata muluk deel ashan bi shilu humon le ida ta moab ¹⁴ Elisha juwab yahwah allah ta junud al ana gi wogif gedam tou, iza ana ma kerimu wojud ta yehoshaphat melik ta yahudiya ana ma bi intibih le inta aw hata bi ainu le inta ¹⁵ Lakin hasa jebu le ana nas ta musika wa amulu musika wa ida ta yahwah nezil le Elisha ¹⁶ Huwo kelim kida abinu takum hufar fi wadi de ¹⁷ Ashan yahwah kelim kida intum ma bi ainu hawa, wele intum bi ainu motoro, lakin wadi de bi mala ma moyo wa intum bi ashrab intum wa haiwanat takum wa kulu wa kulu haja takum al hai ¹⁸ De haja besit fi ena ta yahwah wa huwo Kaman bi wodi le intum Intisar ala moabiteen ¹⁹ Intum bi katulu ayi medina al muhasan(Gowi) wa ayi medina al kwes, gata takum ayi shejar al kwes, wogifu takum kulu majari ta moyo, wa demiru takum ayi gata ta ardi ta hujaar al kwes." ²⁰ Wa fi sabah fi zaman ta gedimu zebiha, moyo beda jaa min itijah ta edom; beled kan maliyan be moyo ²¹ Wa zaman nas moabeen kulu asuma enu melik jaa ashan bi harib deed humon, humon bad limu nefsa tomon sawa ayi zol al bi agdeer libisu gumash ta harib wa humon ruwa wogif fi hudud ²² Humon gum sabah bedir wa shemish kan gi bada wala aakis fir as moyo wan as moab ainu moyo gedam tomon gi bienu ahmar ze doom ²³ Humon kore shedid, de doom muluk deel hagiga demiru wa humon katulu baad tomon, biga hasa keli nina ruwa seregu hajat min humon ²⁴ Zaman humon jaa le khima ta Israel shaab ta Israel gum wa hajimu moabin wa humon jere min gedam tomon. Jesh ta Israel turudu moabin wa katulu humon ²⁵ Humon demiru mudun wa ayi geta ardi al kwes kan ayi zol gi gada hajeer lahadi huwo kati kulu. Humon gofulu ayi majra ta moyo wa gata ayi shejar al kwes wa humon sibu bes kir hares ma hujaar al fogu, lakin asakiir al jahiziin hajimu huwo ²⁶ Zaman mesh melik ta moab ainu huwo gi tala khasran fi harib de huwo bada shilu maa huwo subumiya rujal gi istakhdimu seaf ashan humon bi ruwa le melik ta edom lakin humon fashal ²⁷ Biga jena tou al kebir al kan gi ruwa shilu hokum baad huwo, wa huwo gedimu jena de ze zebiha al gi haragu fir as syr (Heta) wa kan de wajaa shedid le Israel. Wa jesh ta Israel sibu melik mesha wa humon rejaa wara le ardi tomon.