¹ ashan keda, nina indu khedma, wa bes ze ma nina ligo rahma, nina ma bi fashal ² lakin, nina aba hajat al gi dusu wa ta fadiya, nina ma gi ish bi shatara wa nina ma gi karabu kelima ta Allah. Lakin nina gi gedimu hagiga, nina gi sheja nufus ta nina le demir ta kulu zol fi gedam ta Allah. ³ Lakin iza kan injil ta nina kati, de kati bes le nas al gi mutu, ⁴ de nas al Rabuna ta duniya gufulu afkar tomon al gi aminu, wa biga homon ma agdeir ashan bi ainu nur ta injil ta mejid ta al Mesi. al howo sura ta Allah. ⁵ Leanu nina ma gi bashiru nufus ta nina, lakin Yesua al Mesi ze Rabuna, wa nufus ta nina le intum ze khudam min ajil Yesuah. ⁶ Leanu Allah yahu kelimu. ''Nur bi wala min duluma, howo wala fi gulub ta nina ashan bi wodi nur ta marafa ta mejid ta Allah fi usa ta Yesuah al Mesi. ⁷ Lakin nina indu surwa al fi suhana ta teen, ashan keli arufu inu al guwa al kebir de min Allah ma min ⁸ nina ablau nina fi kulu hajat lakin ma gulubu nina. nina mutuhayariin, ⁹ lakin nina ma ashur yaisiin azibu nina lakin ma sibu nina jadau nina tehet lakin ma demiru nina , ¹⁰ nina daiman gi arfa fi jesim ta nina mutu ta Yesuah ashan kaman bi ainu haya ta Yesuah fi jesim ta nina. ¹¹ Nina al haiyiin, nina jahisiin ashan bi mutu min aili Yesauh, ashan haya ta Yeshah bi ainu fi jesim ta nina, ¹² biga hasa mutu gi istakal fi nina, lakin haya gi istakal fi intum. ¹³ Lakin nina indu nefsa Roho ta iman hasab ma al katibu: ana ainu wa biga ana kelimu, nina kaman amin wa kaman nina kelimu, ¹⁴ leanu nina arufu indu zol al gum Rabuna Yesuah kaman bi gumu nina ma Yesush, wa bi jibu nina ma intum fi usa ta Yesuah al Mesi. ¹⁵ leanu kulu hajat le ajili intum ashan neima bi kun le nas ketiriin, wa sukur bi zedu le mejid Allah ¹⁶ Ashan keda keli nina ma fashal, hata iza kan nina gi kasiru jesim ta nina al ta bara lakin bi dakil nina gi jedidu yom wa kulu yom ¹⁷ leanu taab ta nina al fi zaman gusir de gi jahizu nina aktar wa aktar le mejid al abdiya ¹⁸ leanu nina ma gi ainu le hajat al gi ainu, lakin le hajat al ma gi ainu hajat al nina gi ainu de muakat, lakin hajat al ma gi ainu del homon abadiya.