¹ Hal nina gi sukuru nufusna tani mara? intum ma deiru rasail ta towsiya le intum au min intum ze al nina gi amulu le bagi nas? ² intum bi nufus takum yahu resala ta towsiya ta nina, muktub fi gulub ta nina, agarau wa arufu ma kulu nas. ³ Intum gi beinu in intum inu intum resala min al Mesi, nina yahu khatimu, ma katibu bi hebir lakin bi Roho ta Allah al hai. al ma katibu fi alwah ta hajir lakin fi alwah ta gulub ta nas. ⁴ Wa de yahu sega al nina indu bi wasat al Mesi gedam Allah. ⁵ Nina ma indu gudura fi nufus ta nina ashan nina bi kelimu gal ai haja gi ja min nina, lakin gudura ta nina gi ja min Allah, ⁶ de Allah howo al amulu nina guwiin ashan bi kun kudam ta ahaad al jedid. de ahaad al ma ta resala lakin ta Roho ashan harif gi katulu , lakin al Roho gi wodi haya. ⁷ Biga iza kan khdma ta mutu katibu fi hujar bi harif ja fi shekil ta mejid al shaab ta Israeal ma bi agdeir ashan bi ainu usa ta musa wa de ashan mejid ta usa tou, mejid al gi intahat. ⁸ biga mejid ta khedma ta Roho bi amulu gudur shunu? ⁹ Leanu iza kan khedma ta deyinuna indu mejid, biga guduru shunu khedma ta biir bi amulu wa bi zedu fi mejid! ¹⁰ fi hagiga mejid biga ma bi agdeir mejid, be sabab ta mejid al futu kulu. ¹¹ Leanu iza kan al gi woduru indu mejid, wa biga guduru shunu le haja al sabiit bi indu mejid! ¹² Wa iza kan nina indu raja ze de, nina bi kun mushajeiin, ¹³ Nina ma ze musa, al howo kutu haja fi usa tou, leanu ital ta Israeal kan ma agdeir nihaya ta mejid al kan gi ruwa. ¹⁴ Lakin afkar tomon kan mukful, lahadi yom ta Allah kan homon gi agara ahaad al gedim, bagi wasaka de gi fadulu, kan ma agdeiru shelu, ila bes fi al Mesi yahu shilu hajat del bara. ¹⁵ Lakin hata fi yom ta alela, kula ma Musa gi agara, geta ta gumash de gi kati gulub tomon. ¹⁶ Lakin iza kan zol reja le Rabuna, geta de shilu bara. ¹⁷ Lakin Rabuna howo Roho, fi mahal al Roho ta Rabuna fi logo, bi kun fi huriya. ¹⁸ biga hasa nina kulu, bi usa al nedif, ainu mejid ta Rabuna. biga geiru nina le sura ta mejid al min mustawa ta mejid le mejid tani, bes ze min Rabuna al howo Roho.