¹ A mbuɗkǝn gyaa gin, ɗaŋ lǝǝɓkǝn mǝri dǝnngǝ mǝn shinghǝn Yesu ta ciken tǝ bǝlghǝn, she Yahudawa gyaa gii ɗaŋ caa tsǝtn yatl Helinawai tǝ ta nda bwalghǝn a dulgam Yahudawa Isar'ila, dur yo tu ca vuu shi tǝ guɗi wasǝŋ gyaa gii ɗaŋ gyaa gurwasǝŋ taa mǝǝshi hŋ, a te ɓǝǝl ghǝn ngǝtnngǝ cighǝn ko dzaŋ gyo. ² Mǝn shinghǝnni dzuɓtliiti mbǝtlǝŋǝi tǝ ta cim jwaamngǝn mǝri dǝn mǝn shinngǝnni tǝ wulshi tu, ''A ndara mǝ ga vik Cognŋǝi mǝ sumi a vik laa bǝǝlghǝn ngǝtn cighǝn hŋ.'' ³ Nǝ durghǝ gi, bwaan gyaa ŋaa naa mǝn monci zarsǝ wattsǝmai a giɓ waan, mǝn yo ɗaŋ citǝ zinzini, gyaa gyo ɗaŋ nǝ yugnngǝnni tǝ zhiptivar tǝ yisǝŋngǝn, gya gyo ɗaŋ ma bwaashi nǝ laan. ⁴ Myaani, ma ciken tǝ karaghǝn Cogn ko dzaŋ gyo tǝ laa vik Cogn.'' ⁵ vii wasǝŋ ta pol ɓuruk zarsǝ ghai, tǝ ta bwaa Istifanus, zaar yo ɗaŋ cini yugnnghǝn caaghǝn raa tǝ zhiptivar, tǝ Filibus, Birokoros, Nikanar, Timon, Barnimas, tǝ Nikolas, mǝn Atakiya muryo ɗaŋ a ndai laaɓkǝn Yahudawa. ⁶ Mǝn laaɓkǝnnes tǝ ta lǝǝr mǝni gya gesɗi a ken mǝn shinngǝn, tǝ ta kara Cogn tǝ ndǝr tǝ gaa taas ɓastǝ. ⁷ Vii Cogn ta bǝlli, yugnngǝn mǝri dǝn ghǝ mǝn shinghǝn ta ci ken ghai tǝ yugnngǝn, gyaa pǝris monnda kǝ Yahudawa tǝ ta naa tǝ caaghǝn raa. ⁸ She Istifanus nǝ yugnngǝn tǝ shishili tǝ vartǝ, ata fi ngǝtn kwasarghǝ tǝ ngǝtn giɗkǝn a dlǝk zarsǝ. ⁹ Beɗ tǝ gi zarsǝ gya gon ɗaŋ tǝ ta mbwaaɗi viin ladi Yahudawa gyo ɗaŋ caa cim tu, viin ladi Yahudawa kǝ mǝn sǝkkǝn, yan gyaa Kuramiyawa tǝ Kilikiyawa tǝ gyaa gon tǝ ta sǝrdyer tǝ Istafanus ¹⁰ Beɗ tǝ gi tǝ ta ɗyaa tǝ lii Istafanus hŋ, nǝ durghǝ yisǝŋngǝn tǝ zhipti yo ɗaŋ ata ya wul vii ghai. ¹¹ She tǝ ta zǝghǝr gya gon nǝ mǝri tǝ tlǝn wul tu, ''mǝ wum Istafanus caa wul vii kyaskǝn avdul gam Musa tǝ Cogn.'' ¹² Tǝ tavzǝghǝr zarshes, tǝ mǝn varaŋsǝ tǝ mǝn dlyaaɗkǝn tǝ nda Istafanus ɗa, tǝ ta lǝǝrtǝ ɗi balgham. ¹³ Tǝ ta lǝǝr mǝn tlyaghǝn zha wasǝŋ kǝ mberniɗi, tǝ wul tu, ''murigin halghǝni a gaa vii gaaghǝn gǝǝɓ tǝ ndzaɗ-ndzaɗkǝn tǝ mborki Cogn hŋ. ¹⁴ Nǝ durghǝ yo mǝ wum tǝ caa wul tu, Yesu nǝn Nazareɗɗi wa dluɗ lǝɓǝnni sughǝɗ duul wan ɗaŋ Musa gaami mǝn.'' ¹⁵ Ɓuruk mǝn yo ɗaŋ yǝ ta yi ɗa balghames tǝ yaal tǝ yeltǝ, she tǝ yel yirwos ɗaŋ kǝ zhipti shinngǝn Cogn.