¹ Ɗaŋ tǝ ta kaɓi tu ma dlaar yatl Italiya tǝ ta vǝr Bulus tǝ gya mǝn wom ɗaŋ cin nɗadkǝn a taas ghǝ dǝllǝ murghǝ mandǝ ghǝ gugn dǝ Romawa sǝǝm wos tu yuliyas, nǝ kǝ gugndǝ dǝllǝ yatl. ² Mǝ ta ndai a zhirgi zha hal Adratamatiya gya goyo ɗaŋ cigha durghǝ shishigǝn mel tǝ lyaŋshi vik dǝllǝk zhak Asiya. She mǝ ta tli a dǝlle zhes. Aristakus nǝ mǝn Tasolinika ɗaŋ ci yatl Makidoniya tǝ ta tli cimshi. ³ Ɗaŋ lǝb ta tlai tǝ ta tuli a dǝllǝ yatl kǝ Sidon,a lǝb yo ɗaŋ a ta dzid zaari hal yi ga tǝ tli ngelaŋ a gya kamshi tǝ paŋtǝ bed. ⁴ Ɗa ɗan mǝ laab tǝ dǝllǝ zha mǝ tuli dandiSipurus duryo tu dǝllǝ yetar tayi ken wom daŋ wo vuumi raai. ⁵ Daŋ mǝ ta dlaari yatl kǝ yatl kilikiya tǝ Bamfiliya, mǝ ta man Mira tǝ dǝllǝ yatllisiya. ⁶ Ɗa ɗuun dǝllǝ murghǝnɗad kǝn mis ke Romawa a ta tu zhirgi zha a guɓbdi Iskandariya gya gyo ɗaŋ mǝ tli Italiya .she tǝ ta shinn miɗa gibi. ⁷ Ɗaŋ mǝ ta kab mǝ bodi sho -sho kǝ mbudkǝn monda ɗa kaari ɗaŋ mǝ ta tuli tǝ buŋgǝni mel tǝ Sinidus, yetar ta ɗakmi a righǝn, she ɗaŋ mǝ ta kog te Karita , mel tǝ Salmina. ⁸ Mǝ paŋ zhirgi zha agǝŋcigǝŋ tǝ lǝbvagǝn, she ɗaŋ mǝ ta tulia lǝb won tu lǝb watkǝn nɗara gyi ɗaŋ yi mel tǝdǝllǝ yatl kǝ Lasiya. ⁹ Ɗaŋ ni mǝ mbi dǝllǝ dǝǝl ,ɗaŋ nin kili ngabkǝn vi, Yahudawa a latsǝi, righǝnes bed tǝ gi a nai tǝ kushi. Bulus a sǝǝdshi vii, a wul tu, ¹⁰ "Zarsǝ ma yisǝŋǝi turighǝn wo man na mi mǝntǝ gya malarghǝn tǝ vuughǝn monda, vuugǝ nes yin tu gya ngǝtn wom ko zhirgi hŋ hal tǝ gya rai wom ghai. ¹¹ Bed tǝ gi dellǝ mǝnvar mǝn mandǝ Romawa a mob mɓighǝn gam a vik mǝnvaswas tǝ murghǝ zhirgi zhai ,amob ngǝtn yo ɗaŋ Bulus kwaan ¹² Tǝ cik ɗaŋ lǝb jwamghǝni zhirges wo wusǝŋ tǝ tsǝnghǝn tǝ yetar hŋ, zarsǝ monda ta sǝǝd vi mǝ ga lǝɓeshi, to tǝ cik mǝ ta tuli ayatl Finikiya nǝlǝb jwamghǝn zhirgi zha a yatl Karita,ci tǝ bandi gami tǝ zari tǝ bandi gǝshi tǝ zari . ¹³ A kili gyo ɗaŋ yitar ya ɗa vatkǝni tǝ bandi zari sho-sho she kitar ghǝn zhirgi zhes tǝ ta ga tu ghǝn yo ɗaŋ ca ŋal ta tui. She tǝ tǝrǝŋ tlǝrǝŋ zhirgi zhes tǝ lab te Karita mel tǝ ɓilaar. ¹⁴ Bed tǝ gi,tǝ mbutkǝn jwaan she yitar won tǝ tlaaghǝni ɗaŋ caa cim tǝ tu Yurokildon, a ngub mi ɗughǝn di ɗa dandi. ¹⁵ Akili yo ɗaŋ zhirgi zhes a ta ɗya tu yitari hŋ, she mǝ ta laab lǝb yo ɗaŋ a laabkai. ¹⁶ She mǝ ta laab lǝb yo ɗaŋ mǝ ta som ghǝnda mel tǝ te dandi ɗaŋ caa cim tǝtu,Kauda; bed tǝ gi mǝ naɗ ŋaa zhirgi zhes a kǝ vari. ¹⁷ Ɗaŋ tǝ ɓiti, tǝ fi laa tǝ tlǝrǝŋ tu tǝ nad zhirges nǝ kirghǝn tu zhirges tǝ ndai a nyatsa ghǝ Sirtis, tǝ gazhirges ci a tlǝghǝn. ¹⁸ Mi gha vuughǝn tǝ yetar von nǝ ŋaa jwan hŋ, ɗaŋ lǝb tlai mǝn laa zhirges thǝ naa ngyomghǝn gya ghǝtn wasǝŋ dlaghǝn ɗi. ¹⁹ A dzaŋkǝ mayi mǝn laaghǝ zhirges tǝ ta pas gya ghǝtnwasǝŋ di ɗa gib zhirges tǝ tas wasǝŋ. ²⁰ Mbudkǝn monda mayel lǝb yalii dzaŋ ko caar hŋ .Dǝllǝ yitar von ǝŋ caa ɗuumi, kwata wopm ma ta nyolar raai tu ma fud hŋ. ²¹ Ɗaŋ tǝ nghalai ta ci ghǝncighǝn hŋ,she Bulus a shishi a ken mǝnlaah zhirges a wul tu, "Zarsǝ ǝŋ ya kya wum kǝǝmati,mi shishin a yatl karita hŋ , ǝŋ ta mǝ yel buuŋǝn tǝ naaghǝn gya ghǝtn hŋ. ²² Ɗaŋnin mya kara kia duumvwa,tǝ cik gonma naa raa woshi hŋ,she zhirges ghǝnma naai tak. ²³ Na yawon tǝ kavid zhipti shighǝn Cogn gyo ɗaŋ yan mya laab tǝ gyo ɗaŋ mya mbutǝ zhipti shighǝn wos a dlǝǝr ɓasǝm mel . ²⁴ She awul tu, "Wum vǝrtǝ hŋ , Bulus . Yin cib a dlǝǝr a ken ghǝ kaisar ,a yel, Cognvon tǝ mbuni wos a vǝrghǝ buruk gya gyo ɗaŋ kya rin cim shi. ²⁵ Nǝ cik tlyan vwa zarsǝ duryo tu ma caa raa a Cogn tu ci ken mayeli, ɗaŋ gi ɗaŋ afuu mi. ²⁶ Bed tǝ gi yin cib zhirges tǝ sǝŋ ŋashi a yatlwon ɗaŋ ghirǝŋǝn tǝ zha ²⁷ Ɗaŋ kavid kǝ dzub tliti wubsǝs ɗaŋ atulli ɗi caa ŋaalarmi ken tǝ karɗa gib dǝllǝ zhak Adriyat ,mel tedlǝkavid var , mǝn laaghǝ zhirges tǝga tu ta naa mel tǝ yatl won. ²⁸ Ɗaŋ tǝ paŋ ghǝn paŋǝn shoŋǝn zha she tǝyel shoŋǝni wos azhidshi tu yi taashi mbǝlǝŋ aŋaalaŋ , tǝ paŋ ɗa a nai ngabkǝn taashi dzub tliiti nandam. ²⁹ Vǝrtǝ ta nghabshi washi tu ko ta duui a puus ɗa zhes, tǝ shin tlǝrǝŋ wubsǝ kǝ ngabkǝn zhirges yatl , she tǝ ta nghab kara ghen Cogn ɗa tu lǝb tǝ tlai kyad. ³⁰ Mǝnlaaghǝ zhirges tǝ ta yighagjal ghǝn tǝpi gyo ɗaŋ ta gaa dǝllǝ zhirgi zhai ,gi tǝ fi tu ta ngǝ ŋaa jwaati ɗa zhai, she tǝ fi ɗaŋ tu ta gǝmni tlǝrǝŋ ngǝ z zhirgi vares ɗa zhai. ³¹ Bed tǝ gi Bulus wul gya mǝn var mǝn mandes tǝ gya mǝn mandes tu, "Yan ta tsǝtn ghǝn wan ɗa gib zhirges hŋ ta mǝǝshi." ³² She mǝn mandes tǝ gyar gya tlǝrǝŋ nadkǝn ŋaa zhirgeshi tǝ ga tǝ zha tǝ ɓoɗi tǝ yan. ³³ Ɗaŋ lǝb nda yalghǝn ,Bulus a karashi ɓutuk wasǝŋ tu tǝ ci ghǝn cighǝn .A wul, "Yawan nǝ mbudkǝn dzub tliti wubsǝ ɗaŋ mbubkǝn ɗaŋ kaa cighǝn won hŋ. ³⁴ Mya karaki tu a ɓǝǝl ghǝn cighǝn a ci, gi na ciɓ ɗaŋ a fuuɗi. Gon wan wo naa ko mbǝtlǝŋ gaam namboŋ hŋ. ³⁵ Ɗaŋ akwaan cik, she a mbi ɗung an yar Cogn a yirghǝ konu. She a tsaali a nda cighǝn. ³⁶ A ta tlyaashi mod konu ta ci ngǝtn. ³⁷ Mǝ tayi zarsǝ 275 ɗa gib zhirges. ³⁸ Ɗaŋ tǝ ta ci a kǝmshi,she tǝ ta nyom alkama tǝ kuuri ɗa gib zhai tu zhirges tǝ nai fobtaŋ. ³⁹ Ɗaŋ lǝb tlai ,tǝ ta yisǝŋ tu ta tuli ɗa yatli hŋ,bed tǝ gi ,tǝ yal ɗaŋ dandi gǝrǝŋ zheshi tǝ ɓill zhe ɗaŋ ngyatsa ghai she tǝ ta wul tu tǝ kas zhirges tǝ tuli ɗa dani. ⁴⁰ She tǝ ta ngyaar gya tlǝlǝŋ ngeshi tǝ gaashi a gib dǝllǝ zhes.Tǝ tǝrǝŋ gya lǝrǝŋ shi vii namboŋ ɗaŋ caa filaai tǝ kas zhirges kai tǝ cik tǝ gaa ngabti ghǝ kaskǝn.zhirges yetar nyom tǝ ta ngab tlǝghǝn taŋ-taŋ ɗa laari. ⁴¹ Bed tǝ gi tǝ ta tuli a lǝǝb yo ɗaŋ tlǝrǝŋ zha mɓǝlǝŋ tǝman kaŋ ghai she dǝllǝ zhirges ta kir sǝn ngaɓi yatl .She kǝmes ta ŋashi ɗaŋ te ta kǝǝm ɓǝdshi ai hŋ ,bed tǝ gi she ŋantsǝ tǝ kari zhirges tǝ ngub tsalghǝn nǝ durghǝ tlaaghǝn tlǝrǝŋ zhes ⁴² Men mandes tǝ ta mɓumtsǝ tu ta tlaa mǝn jarumi buruk duryo tu ta ndya ta tlyaa zha ta kiri. ⁴³ Bet tǝ gi mǝ varghǝ mandes caa sutǝ vum Bulus , she ata dlǝǝlar ngǝtn yo ɗaŋ tǝ mbuntǝi wulshi tu,buruk ɗaŋ wo dya tlaaghǝn zheyi tǝ dim tǝ ndai tǝ tuli da dandes . ⁴⁴ Ǝŋ da mǝnmonci gyagi ɗaŋ tǝ nai tǝ labshi ɗ a kaari, gya gon wasǝŋ a dulghǝ ŋamtsǝ ɗaŋ tǝ tsa li ,gya gon a dulghǝ gya ghǝtn yo ɗaŋ ci ɗ gib zhirges . Tǝ cik kǝn buruk wom mǝ tuli ɗa dandes byatl-byatl.