¹ A kili gii ɗaŋ tǝ ta tuli byatl-byatl,she tǝ ta fumi tu sǝǝm danɗes tu Malita. ² Mǝn yatles tǝ ta kaɓmi tashi mblǝlǝŋ ,tǝ ta nɗǝr tǝ shami wud mǝn tu mǝ buus, durghǝ yo tu von a tayi a shighǝn, lǝǝb tayi ng Irǝrǝ. ³ Ɗaŋ Bulus ta jwaam ŋantsǝ she ɗaŋ a ta shiin ɗa wuuɗi she ŋiici kazar ata nyolɗi ɗa wuuɗes ,tai a taas kǝ Bulus. ⁴ Ɗaŋ mǝn yatlii tǝ ta yel ɗaŋ ngices caa kaaɓ tǝ a tas wos she tǝ ta wul dlǝǝŋsǝ wasǝŋ tu," Na jom-jomni murin, nǝ mǝrghǝ duughǝn zaar bed tǝ gii ɗaŋ a dya nyoli ɗi azhak ruum,bed tǝ gii ɗǝǝlghǝn vii a ga tǝ tǝ sǝǝghǝn hŋ."̃ ⁵ Ɗaŋ a ta zhighǝd taas wos she ngici-kazares ta vunɗai ɗa wuuɗes,a ta fi tǝ ngǝrshi gon hŋ. ⁶ Mǝnes tǝ gwaasŋ a gaaghǝn yir tugonghǝn won wo ngaɓ ti ko ya ngalei wo mǝshi. Ɗaƙŋ tǝ ta ga yir nǝ ghǝ kili monda, she tǝ ta manda tǝ wul tu ɓaŋɗǝŋ wos ci nǝ waar. ⁷ Mel ɗa yatles gya kiin won cii ɗa ɗani, ɗaŋ nǝghǝ guŋn yatli, sǝǝm wos tayi tu Babiliyas. A ta kaɓmiwopi ndǝr virmi ngǝn won ɗaŋ mya suu,hal nǝghǝ mɓudkǝn mayi. ⁸ She a ta naa tu, Daaghǝ Babiliyas taya gon ,dlii vaghǝn tǝ jwaaddkǝn taya vuutǝ. She Bulus ta ndai ɓastǝ,ga taas ɓastǝ karatǝ Cogn mǝn,she a ta fudi. ⁹ Ɗaŋ ngǝrshi gii a ta fi cik , mǝn gon ghǝn won ɗaŋ tǝ ta yi ɗa dandi yatlii tǝ ta man hal tǝ fuuɗi ɗaŋ. ¹⁰ Mǝnes tǝ ta zhimmi, tǝ zhimghǝni monda.Ɗaŋ mǝ ta ya ngal mǝ tlii, tǝ ta vǝrmi ngǝr yo ɗaŋ mya su. ¹¹ Ɗaŋ lǝmb mayi ta latsǝi mǝ ta sumi kaar a gib zhirgi zha wonɗaŋ a ta cinǝ watlǝŋ ɗa dandes , zhirgi zha mǝn Iskandariya,yo ɗaŋ ci tǝ zhipti mǝnmonci mbǝlǝŋ. ¹² Ɗaŋ mǝ ta tuli dǝǝllǝ yatl kǝ Sirakus,she mǝ ta fi mbukǝn mayi ɗaɗan. ¹³ Mǝ ta manda mǝ ga yatli gii mǝ tlii dǝǝlǝ yatl Rigiyum. A gib kǝ righǝn wom tǝ mɓudkǝn namboŋ yitar tlya-tlya a ta yishiɗi, a gibkǝ mɓudkǝnmbǝlǝm mǝ ta tuliButiyoli. ¹⁴ Ɗa ɗani mǝta tu mǝnwom,ɗaŋ tǝ ta karami mǝ ta fi mɓudkǝn wodtsǝmai. A tǝpmi giin ghǝn mǝ ta man Roma. ¹⁵ Ɗaŋ mǝn wom tǝ ta wuum vii a dulgaam wom, she tǝ ta nywaal tǝ tsal miɗi,nǝgǝǝ lǝb ɗiɓar ghe gǝtn mǝn Abiyas tǝ Rumfuna mayi. Ɗaŋ Bulus taye mǝn woshes a ta nyar Cogn mǝn,ndǝr tu tlyaghǝn modi ¹⁶ A kili gii ɗaŋ mǝ ta ndai gib Roma ,she tǝ ta vǝr dǝǝl Bulus tǝ tsǝn ngǝnwos tǝ mǝrghǝ mandǝ won ɗaŋ caa paŋǝ. ¹⁷ Ɗa kaari tǝ mɓudkǝn mayi Bulus ta ciim mǝnvaraŋsǝ Yahudawa. Ɗaŋ tǝ ta jwaami, a ta wulshi tu, "Mǝn wom, durghǝ yo ɗaŋ, ma fi kuskǝ ghǝtn won mǝnǝn mǝn ko mǝ tsal ghǝr yo ɗaŋ gya daawom tǝ gami mǝn hŋ, bet tǝ gii, tun mi Urushelima tǝ gǝǝmi jarum a taas mǝn Roma. ¹⁸ Ɗaŋ tǝ ta ceɗǝm, teta su tǝ gǝmmi,nǝ durghe tu mafi ghǝrwon ɗaŋ wo caa ta duumi hŋ. ¹⁹ Bed tǝ gi Yahudawa tǝ ta dlǝǝri a ɓital ghǝn wasǝŋ, A naa mǝn cib mǝ ɓetar vies kai a ken Kaisar. Mǝ yir ghen yo ɗaŋ a caa ma tlǝǝr vii mǝn yatlǝn hŋ. ²⁰ Nǝ durghǝ vii ginǝn ghǝŋ mǝ su yel ngǝtn wan mǝ wul vii tǝ kyani. Ne durghǝ gaaghǝn raa Israila ghǝn a caa mi nǝ nadkǝn tǝ marangusan " ²¹ She tǝ ta wul tǝ tu. "Maa tu shinghǝn ghǝ dlyaadkǝn won a mǝn Yahudiya a dull gama hŋ,gon a man a giɓ kǝ mǝn wom ɗaŋ a lǝǝrvii wa ɗi hŋ. ²² Myaa suu mǝǝ wum ɓital ghǝn wa tǝ ghǝtn won ɗaŋ kǝ yeli a dul gaam mǝnes, mitǝ yisǝŋ ghǝn tu caa kon kuskǝ ngǝtn ko te ɗo a dul gama wasǝŋ." ²³ Ɗaŋ tǝ ta ga tǝ dzaŋ mǝn,zaarsǝ monda tǝ ta man ɓastǝ a lǝǝb won ɗaŋ caa tsǝn ghai .A ta fushi vies, a ta ya fuushi jom-jomni ghǝ guŋndǝ Cognvon.A ta su tǝ lǝǝr ɓital ghǝn wasǝŋ ɗi a dulgam Yesu. a gib kǝ tagarda Musa hal tǝ kab kǝ mǝnshingǝn Cogn. A tafi cik mɓintlǝ hal suutu. ²⁴ Gya gon tǝ kaɓ nghǝtn won ɗaŋ ta kon gya gon tǝ ta ngyaŋ ghas caa ngǝtn raa. ²⁵ Ɗaŋ tǝ kaɓ bital ghen dlǝǝŋsǝ wasǝŋ hŋ,she tǝ ta tlii nǝ vii won namboŋ ɗaŋ Bulus ta kon,"Zhipti var a wul gya jidwom,a te vii ghe Ishaya merghe shinngǝni Cogn. ²⁶ A wul tu,' Tlǝ a mǝnǝn a wultu, "Ka wumi ,bed tǝ gika yeli ka ɗyaa ka yisǝŋ ngǝtn yo ɗaŋ kǝ yeli hŋ. ²⁸ Nǝ durghǝ gin,yisǝŋǝn tu vuumngǝn Cogn nguŋ a shindar gya gyo mǝn ɗaŋ cini mǝn Israila hŋ, yaŋshi ma ta kaɓi." ²⁹ Ɗaŋ a ta kwaan vii gyan ni, she Yahudawa tǝ ta basaŋǝi. Tǝ tayi tǝ loŋsǝ tǝ dlǝŋsǝ wa sǝŋ. ³⁰ Bulus ta tsǝtn a dǝn ɗaŋ caa byani wurɓai nǝghǝ voni bǝtkǝm, ɓuruk gon ɗaŋ ya man ɓastǝ caa kabtǝ tashi bǝtlǝm. ³¹ A taya ŋalar guŋndǝ ghǝ Cogn yi ndǝr kuuɓar ngǝtn a dulgam Yesu ɗaŋ nǝ ɓorghǝni tǝ tlyaghǝn vwa.Gon won ɗa ɗaŋ a ta dlǝlartǝ hŋ.