¹ She Agarbas ta wul Bulus tu,"Ka ɗyaa ka nyolar gamai. She bulus ta mbi taas gaami kon ngǝtn yo ɗaŋ wo nyolar gamashi. ² "A polǝm ngai Guŋ Agaribas,nǝ dulgaam ɗǝǝlghǝn viin ɗaŋ Yahudawa tǝ lǝǝr ɗi a ken wa yaawon nǝ caaghǝn vii waaseŋ ɗaŋ tǝ caam ɗeɓaɗ. Hal ma ɗaŋ kitǝ yisǝŋngǝn shoŋ shoŋ ngǝtn yo ɗaŋ Yahudawa ³ tǝ ta ya fi tǝ ngǝtn yo ɗaŋ taa fi ɓuru.Tǝ cik mya karaghǝ aa sǝǝm kǝǝm. ⁴ Jomi ɗeɓaɗ Yahudawa ta yisǝŋ tsǝnngǝnetn hal ɗaŋ mǝ ta yi nǝ tlǝɓǝr giɓ ɗaam yaalt tǝ Urshalima. ⁵ Taa yisǝŋ mii tun ɓaandǝŋ andara tǝ kaɓii tu tsǝtnngǝnetn yini ɗaŋ kǝ mǝn Farisawa nǝ zarsǝ won gyo ɗaŋ mǝ moɓv tlyaaghǝni a ngǝtn yo ɗaŋ mya laaɓ ⁶ Ɗaŋngǝnin mya dlǝǝr tu ɗǝǝlǝm vii mǝn durghǝ tu maa yisǝŋ mbiighǝn ɗa rai yo ɗaŋ Cognvon ata gya daagopm mǝn. ⁷ Gii ghǝn cinǝ mbiighǝn ɗa rai waan ɗaŋ giɓ dǝn wopii dzuɓ tliiti mbǝtlǝmmii taa ta caa raa da tu ɗan caa mbuu Cognvon kaviɗ tǝ dzaŋ. Nǝ durghǝ gaaghǝn rai gin, Guŋ Agaribas ghǝn Yahudawa caa caam vii ɗa. ⁸ Nii caa gon waan wo ɓital tu nǝ ngǝtnngǝ kwasarghǝn Cognvon tǝ shisher mǝn mǝǝskǝne? ⁹ A dǝǝ ɓitalǝm tǝ gamatn tu a ndara ma fi ngǝrshi gyagon ɗaŋ ma fi maandǝ tǝ sǝm Yesu Mǝn Nazarat. ¹⁰ Maa fi ngǝrshi gyagin giɓ Urshalima yaatl zarse mǝn laaɓken giɓ jaarum tǝ vartǝ yo ɗaŋ mǝ tu ɗi a gya dǝllǝŋsǝ pǝris, ɗaŋ tǝ ta yi ɓasshi tlaaghǝni, mǝ ta laaɓ kaar waasǝŋ. ¹¹ Maa vǝrshi forǝm a kili monnda a ɓuruk viin laadi Yahudawa, mǝ ta ndǝr mǝ caa shi ghai tǝ kemas Cogn. Mǝ ta yi tǝ malarghǝn raa nǝ naa vik lyai hŋ a dulgaam waasǝŋ, tǝ gii mǝ nder mǝ laaɓshi mǝ vǝrshi forǝm a yaatl gyagon. ¹² Ɗaaŋ mǝ taya fi gin , mǝ ta tlii Dimaskas tǝ vartǝ ghǝ dǝllǝŋsǝ Pǝris: ¹³ A tǝpm migha tlǝghǝn, a dlǝk dzaŋ nguŋ mǝ ta yel lǝɓ yaal ɗi gaami ɗaŋ a ta moɓ yaalgheni dzaŋ ɗaŋ a yaal a laŋsatn tǝ ko nuu ɗaŋ migha riighǝn cimshi. ¹⁴ Ɗaŋ ɓuruk ɗaŋ mǝ ndaaɗ yaatl, mǝ wum yer ɗi gaami ɗaŋ ca wulum vii a vik Ibraniyawa tu Saul,Saul, nii caa kya kuusem mǝne? Yi tǝ ɗakkǝn a mbwaa duwam yo ɗaŋ citǝ gya gakrǝmi. ¹⁵ She mǝ wul tu ,"Nǝ kyan nuu Daadǝn?" Daadǝn ta suɗa tu nǝ myan Yesu gyo ɗaŋ kya fiǝm forǝm. ¹⁶ Ɗaŋngǝni shishi aa dlǝǝrni tǝ yaasǝŋ waai;nǝ durghǝ gii mǝ mwaaghǝni mǝn ɗi mǝ bwaaghǝ aa naai nǝ mon tǝ mur ghǝ tlyaaghǝn zhaetn a dulgaam gya ngǝtn yo ɗaŋ ma zhiɗkǝ ɗa kaari; ¹⁷ tǝ cig mayi vungǝi a taas zarsǝ wa tǝ gya gyo ɗaŋ cinǝ Yahudawa hŋ gyagyo ɗaŋ ma shin ɗaaghǝ ¹⁸ ɓashi. A ɗǝrǝ yir waasǝŋǝi a nyolar shi ɗi a lǝɓ jii aa tlǝǝrii a lǝɓ yaali tǝ vartǝ shetani tǝ tlii a Cognvon, tu tǝ tu dlaaghǝn loŋsǝi tǝ duul ɗaŋ ma taashi gya gyo ɗaŋ fa maa ta bwaa nǝ gamatn nǝ te caaghǝn raa ɓasǝm. ¹⁹ Nǝ gii Guŋ Agaribas, mǝ ɗaghasǝm laaɓkǝn giɗkǝn Cogn ɗaŋ mǝ yel ɗi gaami hŋ, ²⁰ beɗ tǝ gii a lǝɓ gyagyo ɗaŋ ci Dimaskas kǝni tǝ Urshelima, tǝ buruk yaatl kǝ Yahudawa,beɗ tǝ mǝn yo ɗaŋ cinǝ Yahudawa hŋ mǝ taashi shinngǝn gin tu tǝ kaɓ ndaaɗkǝn waasǝŋǝi tǝ sushi gha Cogn, gya ngǝtn yo ɗaŋ taa fi tǝ kaɓ ndaaɗkǝn waasǝŋǝi. ²¹ Dei gin nguŋ Yahudawa tǝ ngaɓmii gha dǝn ngǝ Cogn caa suu tǝ ɗu mii. ²² Cogn aa somǝm ɗa hal ɗaŋ ɗaŋngǝnin ɗaŋ mǝ ɗyaa mǝ dlǝǝr a ken zarsǝ gya naa kui tǝ mǝn varaŋsǝ,mǝ ɗyaa mǝ zhiɗ tu ɗeɓaɗ gya ngǝtn yo ɗaŋ zarsǝ shinngǝn Cogn tǝ ngǝtn yo ɗaŋ Musa taya kon wo naai cig, ²³ yin tu ciɓ Kǝ Ɓorghǝn Coghǝi wo buŋ wo ndǝr naai nǝghǝ keni gyo ɗaŋ wo mǝs ndǝr shishiɗi a mǝn mǝskǝn wo ndǝr ŋalar vik lǝɓ yaali a Yahudawa tǝ gya gyo ɗaŋ nǝ Yahudawa hŋ." ²⁴ Ɗaŋ Bulus ɓan vii kaɓkǝn gamashii, Fetus wul tlyaa tlyaa tu, "Bulus kaa nderii; yisǝŋngǝn waa monda a caa kǝ daɓ kǝ ɗǝghǝrii." ²⁵ Beɗ tǝ gii Bulus wul tu, maa ɗǝghǝr hŋ, Cogn tǝ gaa Fetus ɗa; beɗ tǝ gii tǝ ŋaskǝn raa ghen mya wul vik jomjomni tǝ mbutarghǝn raa. ²⁶ Durghǝ tu guŋes ǝŋ aa yisǝŋ ngǝsheshii ɓuruk ǝŋ a caa mya wul tǝ raa feɗ,ma lya zha waashii mǝ waaɗ ngǝrshi gon ɓasǝm hŋ, dur yo tu tǝ fi ngershi gyagin a lyaŋshi hn, Agaribas. ²⁷ Ko ka caa raai a mǝn shinngǝn Cogn ,Guŋ Agaribas? ²⁸ Agaribas wul tu a ŋaa dǝǝlǝn kya ŋal a surǝm mǝ naai nǝ murghǝ laaɓkǝnian?" ²⁹ Bulus wul tu. "Mya kara Cogn, ko kili ŋaa njwaatn ko kǝ ɗoongai nǝ kyan ngǝtn waa hŋ, beɗ tǝ gii ko nuu ɗaŋ ci ɓasǝm wumngǝn yaawon tǝ naai ɗaŋ myani beɗ tǝ gya maraŋgusa jaarumatn hŋ." ³⁰ She gunyi a shishi dlǝǝrni tǝ gomnas tǝ Banice tǝ gya gyo ɗan tǝ ta yigha tsǝtngǝn cimshi. ³¹ Ɗan tǝ ta gaa dellǝ ghǝ viinii, tǝ ta wul vii tǝ dlǝŋsǝ waasǝŋ tu, Murin aa fi ngǝtn yo ɗaŋ a ndara ndara tǝ ɗu tii ko tǝ naɗ tii hŋ." ³² Agaribas wul Festus tu, Muri gin a kǝǝm cii gǝm tii yaan taa yi tlǝǝr vii wos a Kaisar hŋ."