¹ Ɗaŋngǝni ɗaŋ taa laatsǝ dlǝk gya yatl kǝ gya Amfiliya tǝ Apoloniya she tǝ tuli a gya yatl kǝ Tasaloniya, lǝb yo daŋ viin ladi Yahudawa ghai. ² Bulus ɗaŋ gi ɗaŋcayi fi a tlii ɓashi,nǝghǝ dzaŋ wolgi mayi, a yaa wul shi vi a vik Cognvon. ³ A ta ɗǝrǝshi vik Cogn von mǝn kǝnnda yi ɓokshi mǝn tu a naa cib yan ɗaŋ nǝ ɓorghǝni tǝ buŋ tǝ shishi ɗa,a mǝn mǝskǝni tǝpm namboŋ tak. A wul tu, Yesu ɗaŋ mya fuuki waanǝn yan kǝn cinǝ kabkǝ ɓorgghǝni." ⁴ Yahudawa gya gon a ta ɓishi raa meni, tǝ ta laaɓ gya Bulus tǝ Sila, yi cik ɗaŋ,tǝ monda ghǝ dǝllǝŋsǝ mǝnvaraŋsǝ guɗi. ⁵ Bed tǝ gi Yahudawa gya gi daŋ tǝ kab hŋǝi, raaghǝ kashi wasǝŋ shishi, tǝta nyom kusǝŋsǝzarsǝ ɗi a lǝb yo ɗaŋ a ci kasuwa ghai,tǝ jwaam zarǝi monda, tǝ vuu raa gib yatles mǝn. Tǝ taa tlǝn nda dǝn gya Jason pushuk, caa suu tu tǝ nyolar gya Bulus tǝ Silai ɗi dlǝk zarsǝ. ⁶ Bed tǝ gi ɗaŋtǝ ta ta tuushi hŋ tǝ ta nyom gya Jasoni tǝ Yesto gya gon nǝ naa tlyaaghǝni tǝ tlǝǝri a ken mǝnvaraŋsǝ yatl,cigha wulghǝni tlya-tlya tu, "Mǝn ɗaŋ taa tuli duun ɗaŋ. ⁷ Mǝnin ɗaŋ Jaso kaɓshi caa fi ngǝtn ɗaŋ caa nyaŋgasni ɓorki ghǝ Siza, caa wul tu gugnyi gon ɗa tu Yesu. ⁸ Gutuli zarsǝ tǝ gya Mǝnvaraŋ shi yatli ɗaŋ tǝum cik a vuushi raa mǝni. ⁹ Bed tǝ gi mǝn varaŋshes tǝ tu Jason tǝ zarsǝ gya gi cimshi washi tǝ vǝr wurɓa nǝgghǝ yelghǝni ɗa nǝ yatl tǝ taa dlaashi washi. ¹⁰ Ɗa kaviɗi gya kamtsǝ wasǝŋtǝ ta shinɗar gya Bulus tǝ Silai,Biriya. Ɗaŋ tǝ taa tuli ɗa ɗani tǝ taa tlii vin ladi Yahudawa. ¹¹ Ɗaŋni mǝni gya gi tǝ taa yi nǝ zarsǝ tǝ moɓ mǝn Tasolinika,yan tu tǝ ta kaɓ vies tǝ raa namboŋ ɗaŋ ta mɓii, cii paŋ vik Cogn ko dzaŋ gyo tǝ yel ko ngǝshi yi cik. ¹² Nǝ durghǝ gii monda tǝtaa caa wuumshi washi kǝ mǝn Helinawa guɗi tǝ mǝmonci ¹⁵ Bed tǝ gii daŋ Yahudawa mǝn Tasolinika tǝ ta wuumi Bulus cigha fuughǝni vik Cogn mǝn Beriya, tǝ ta tuli ɗa ɗani kǝnɗa tǝ yi vuu raa zarsǝ monda mǝni tǝ ndǝr tǝ caa shi a mɓuluŋ ɗuughǝni. ¹⁴ Kǝnda kyaɗ gya yesashi yan tǝ mǝn laabkǝni tǝǝ shinɗar ti a dlǝk zha, bed tǝ gigya Sila tǝ Timotawus taa naai ɗa ɗani. ¹³ Gya gyo ɗaŋ tǝ ya nda Bulus ɗa keni tǝ taa tular ti hal yatl Atlǝniya . Ɗaŋ tǝ ga Bulushi ɗan, taa fuushi vi ɗaŋ taa fuu ggya Sila tǝ Timotawus , tǝ labtǝ mon-motl yan ta ɗyaai. ¹⁶ Ɗaŋ Bulus tayi ɓashj ɓuɓkǝni ɗa Atlǝniyei , ɗaŋ a yel waar yo ɗa ci ɗa yatli, zhipti wos taa roghashi. ¹⁷ She tǝ ta wul gai tǝ Yahudawa ɗashi viin ladi.tǝ mǝni gya gi ɗaŋ caa mbuu Cognvon, cik ɗaŋ maa kasuwa wasǝŋ tǝ konu. ¹⁸ Bed tǝ gi tǝ ta vuutǝ ghai tǝ gya mǝn ɓitalghǝni a gya ngǝtn monda gya gon tǝ wul tu. "Zaar ɓennɗǝmi gi ni ghǝn caa ŋal tǝ kon?" Gya gon ɗa tǝ wul tu , " A fi ɗaŋ tu, caa ŋal tǝ wulni zarsǝ tu tǝ laaɓni tursǝ Cognvon won," duryo tu a taa ya wulni vii a dulgam Yesu tǝshishighǝni wos a mǝn mǝskǝni ¹⁹ Tǝ ta mbi Bulus tǝ tlǝǝrti ɗa Arepagus a gha wul ghǝni tu, "Mya su mǝ yisǝŋ ngǝtn ghǝ muri ɗaŋ kaa gidi. ɗaŋ gi ɗaŋ kyaa wulghǝniyo? ²⁰ Yan tu kya lǝǝrmi ngǝtn mǝnɗi ɗaŋ nǝ sǝmɓǝr a kǝǝm wopm.Nǝ durghǝ gi mya suu mǝ yisǝŋ dei ghǝ ngǝshi gya gii." ²¹ ( Ɗaŋ nghǝni mǝn Ateniya tǝ sǝmɓǝrsǝ ɗaŋ Ci ɗa ɗani caa vyaa a righǝn ngǝtn won hŋ, she de tǝ wum ko tǝ kon ghǝn yo ɗaŋ yi nǝ muri.) ²² Bulus dlǝrni ɗa dlǝk Arepagushes a wul tu," Kyani mǝn Atlǝniya,mǝ yel kinnǝ mǝn laabkǝni Cogn na gwaami nǝ na vik lei hŋ . ²³ Ɗaŋ migha riighǝni ɗaŋ mǝ yaal mbun-mbun, mǝ yel gya ngǝtn yo ɗaŋ kya mbuu , she yel lǝbi gon ɗaŋ kanal nǝ dlaadkǝni ghai tu, "Kǝ coki gi ɗaŋ nǝ yisǝghǝni hŋ ŋǝi." Ngǝshi gi ɗaŋ kyaambuuti tǝ yisǝŋ gǝni waanhŋǝi, yani ngǝŋ mya fuuki waani. ²⁴ Cognvones ɗaŋ yan kǝn a nɗǝr ɗǝkǝs tǝ koni ɗaŋ yiɗa giɓi, tun ɗaŋ yanci Daaghǝ dǝn yatl tǝgaami, caa tsǝtn dǝn ɗaŋ tǝ tass hŋ ²⁵ .Cik hŋ ma caa fitǝ nghǝtn mǝn tǝ taas zaar hŋ,kǝn da tu caa ŋal gya ngǝtn won,tun ɗaŋ tu yan ngǝŋ caa vǝr zaar rai tǝ sǝǝghǝni wos tǝ koni ɗeɓad. ²⁶ Tǝ zaar nanboŋ a nɗǝr zaarsǝ ghǝko yatlgyo a dulghǝ ghǝ ɗǝghǝn,ɗaŋ ɓanɗǝŋ a yi ɓumtsǝ ari kǝ kili wasǝŋei tǝ ngyarghǝni wasǝŋ. ²⁷ Nǝdurghǝ gi a ndara tǝ ŋal Cognvon, gyo ɗaŋ taa ŋal tǝ tuu ti ko ɗan ŋ tu u ci ɗoghai tǝ myani hŋ. ²⁸ Yan tu a gibi wos kǝn migha tsǝtn ghǝn ghai mǝǝ ŋnal, ɗaŋ mǝǝ tuu gama wopm nghai ɗaŋ gi ɗaŋ murghǝ yisǝŋǝni waan a ta kon, 'Yan tu tturshi wopm mǝ mbwaaɗi ɓastǝ.' ²⁹ Yan ɗaŋ ta mǝ mbwaaghǝni wopm yia Cognvon ne durghǝ gi Cognvon cini ɗaŋ gya jinari ko azurfa,ko puus hŋ gyo ɗaŋ mǝ ɗǝrtǝ a ɓitalghǝni zaar hŋ. ³⁰ Nǝ durghǝ gi Cognvon a ga mɓighǝni yiiri nǝngǝtn ɗŋ a yisǝŋ hŋ. ɗaŋnighǝni caa wul zarsǝ ko te ɗo tu tǝǝ kab kab ndatkǝni wasǝŋǝi. ³¹ Gin yi cik yan tu a gaa dzaŋŋǝi ɗaŋ wo ɗǝǝl vi ɗǝgn mǝn nghai a taŋ-taŋyi wasǝŋ tǝ zaari gi ɗaŋ a bwaai . Cognvon a gid tu yi cik a zaari gin, a konu ɗaŋ ashisherti a mǝn mǝskǝni." ³² Ɗaŋ mǝn Atlǝniya ɗaŋ wumn durghǝ shisherghǝni mǝni ɗaŋ taa mǝshi,gya gon tǝ rya Bulus ; bed tǝgi tǝ wul tu,"Maa man wumn ghǝ ɗ adulgaam ngeshi gin." ³³ Ɗa kaari Bulus ga shi washi. ³⁴ Bed tǝ gi mǝnmonci gya gon tǝ laabte tǝ caa raai ,tǝ taa yini gya Diyonisiyus ɗaŋ nǝ mǝn Arepagus tǝ gǝd wonɗaŋ sǝǝm wos tu Damaris tǝ gya gon ngai ɗaŋ tǝ taa yi ciimshi.