¹ Bulus a ta tuli Darbi tǝ Listra ɗa ɗaŋ ,ŋaa dǝn won tǝ sǝǝm tu Timotawus a yi ɗani, naashi nǝ ŋaa Yahudawa gyo ɗaŋ a caa raai, daagos ta yi nǝ mǝn Helinawa. ² Tǝǝ yaa wul vik mbuni adul gaam,yaŋshi gya yes wopm ɗaŋ ci Listra tǝ Ikonum. ³ Bulus a taa ya suu ci rii cimtǝ : she a cim tǝ tlǝn sǝrǝti, nǝ dur yo tu Yahudawa tǝ ta yi a lǝɓi gya ges, yan tu taa tayisǝŋǝi daagos nǝ mǝn Helinawa. ⁴ Daŋ cigha righǝni wasǝŋɗa dǝllǝk gya yatles, tǝǝ vǝr gya ikilisiya gǝtn yo ɗaŋ taa fuushi tǝ laaɓ, gya ghǝshes ɗaŋ taa laaɓi nǝ gya mǝn laaghǝ shinngǝni tǝ mǝn varaŋshi ɗi Urshelima kǝn tǝ dlaad. ⁵ Nǝ durghǝ gi gya Ikilisiyes tǝ taa tlyaaghǝn moɗi a caaghǝni raa zarsǝ tǝdaɗak kai ko dzaŋ gyo ⁶ Bulus tǝ gya kamtsǝ laawos tǝ ta ndai a te yatl kǝFirgiya tǝ Galatiya, tun ɗaŋ zhipti var a ɗakshi atlǝǝrghǝni vik cogn a yatl kǝ Asiya. ⁷ Ɗaŋ tǝǝ man mel tǝ Misiya.tǝǝ boɗi nɗaghǝni Bitiniya, bed tǝ gi zhipti Yesu ɗakshi ghai ⁸ .Ɗaŋ tǝ latsǝi tǝ Misiya,she tee tuli agib yatl Tǝros. ⁹ Zhidkǝni Cogn mɓwaa Bulus mǝn ɗi a kaviɗ a yel mǝn Makidoniya won adlǝǝrghǝni ɗa ɗani,ciɓastǝ cimngǝni tu, "Man dlaari ɗuuni gib Makidoniya a sommiɗa." ¹⁰ Ɗaŋ Bulus yel zhiɗkǝni cokeshi kyaɗ mǝǝ nywali mǝtlim Makidoniya, mǝǝ mɓii tu Cognvon kǝǝn caa cimmi mǝǝ tlǝn fuushi vik wusni. ¹¹ Nǝ durghǝ gi mǝ ngaɓ zhirgi taŋ-taŋ ɗa Tǝros , she mǝǝ boɗi Samotǝras, ɗaŋ lǝb tlai she mǝǝ taa tuli Niapolis. ¹² Mǝǝshishi ɗani she mǝ boɗi Filipi , gyo ɗaŋ nǝ yatl kǝ Makidoniya, ya ɗaŋ cinǝ vares ɓuruk a gugndǝ yatl Makidoniya , gya gyo ɗaŋ caa laab gugndǝ Roma,mǝǝ ŋaa mɓudkǝni ɗa gib yatli. ¹³ Dzaŋ Wolgi mǝǝ taa nyol mɓilar mǝǝ gaa gib yatleshi ,a ɓitalghǝni wopm yin tu maa tuu lǝb karaghǝni cogn. mee taa tsǝtni kǝnnda mǝǝta wul vii tǝǝ guɗi ɗaŋ taa njwaammi. ¹⁴ Gǝd won ɗaŋ sǝǝm wos tu Lidiya,caa ɗiɓar lǝŋsǝ kǝ zhak shuni zheli, a mɓwaaɗi gib yatl Tiatira. gyo ɗaŋ caa mɓuu cogn a ta sǝǝmi kǝǝm. Daadǝn ta vǝrtǝ raa ɗaŋ wo sǝǝ kǝǝm a Bulus. ¹⁵ Ɗaŋ yan tǝ mǝn dǝn wos tǝ taa fishi baftismai ,a karami nyaŋ- nyaŋ cigha wulghǝni tu, "Ǝŋ kya yel ɗaŋcaaghǝni raatn a Daadǝn akǝǝmi, manin a tsǝtn ɗini ɗam dǝn." Hal raa wopm ta ndai ghai. ¹⁶ A ta mbwaaɗi tu ɗaŋ migha tlǝǝghǝni a lǝb ɗaŋ cii tǝ zhipti yelghǝni jan a ta tumi . A taya lǝǝr tughǝni gya mǝrghǝ dǝn wos mǝn monda nǝ durgǝ fuughǝni janes. ¹⁷ Naa gǝdes taa laaɓmi tǝ gya Bulus cigha dlaaghǝni vi tu, "Mǝnin cinǝ monsǝ ghǝ Cogn von murghǝ moɓkǝni ɓurukghǝi.Caa fuukini datǝpm yo ɗaŋ ka tu vuumghǝni." ¹⁸ A ta mbudkǝni cighai cik, bed tǝ gii ɗaŋ raaghǝ Bulus malarii monda a nyes , suutǝ kaar she wul zhiptes tu, "Mya dlwaaghǝ yer tu nyoli ɓastǝ a gibkǝ sǝǝmghǝ Yesu ɗaŋ nǝ ɓorghǝni." She kyaad a ta nyoliɗi. ¹⁹ Ɗaŋ gya mǝn dǝn wos tǝǝ yel tu tǝǝ man yir gǝtn caaghǝn raa a datǝpm tuughǝniwasǝŋ ɗa hŋ, she tǝǝ nyom gya Bulus tǝ Silai naa tlyaaghǝni,tǝ nyomshi tlǝǝr a lǝb yo ɗaŋ caa ci kasuwa ghai, tǝ a mǝnvaraŋshi. ²⁰ Ɗaŋ tǝ tlǝǝrshi washi ɗi a mǝn ɗǝǝlghǝn vii, she tǝ wul tu, "Mǝnin cigha shisher ghǝni raa ɗa yatli cinǝ Yahudawa. ²¹ Caa kwaan ngǝtn ɗaŋ caa fi gya gyo ɗaŋ a ndara Romawa mǝn tǝ kab ko ci yi fii hŋ." ²² She zarshes ɗaŋ ci mondai, tǝ ta shisher gya Bulus mǝn tǝ Sila vi namboŋ, she mǝn ɗǝlghǝni vi tǝǝ tarshi luu mǝni, tǝǝ caa tǝ vodshi washi tǝ shirǝŋ. ²³ Ɗaŋ tǝ ta vodshi washi nyaŋ-nyaŋ tǝ cashi washi jarum,tǝǝ wul murghǝ jarum tu tǝ paŋshi mbun-mbun. ²⁴ Ɗaŋ tǝ ta fuuti cik murghǝ jarumes, a ta shin shi washi hal daaguŋshi,lǝŋ caahi washi a garaŋ. ²⁵ Dlǝk kavid var ɗaŋ gya Bulus tǝ Sila cigha waaghǝni ngil tǝ karagheni Cognvon,mǝni gya gi ɗa jarumes cii ɓashi wumghǝni. ²⁶ Gaɓak she yatli taa zhighǝɗi monda nǝ durghǝ gi daɗkǝ jarumes ta zhighǝɗ; swaɗ kyad kenɓiless ɓuruk tǝ taa ɗǝrǝi,konu marangusa wos taa ngyaari. ²⁷ Murghǝ jarumes ɗaŋ a ngaaɗi kuci she yel kemɓil jarumes cinǝ ɗǝrǝghǝni,she a dlii gita wos caa ŋal tǝ ɗuuni gaamas ,nǝduryo tu mǝn yo ɗaŋ ci ɗa jarumes ta kirii. ²⁸ She Bulus wul tlyaa-tlyaa tu. "Bak ngaa was gaama hŋ,nǝ duryo tu miiɗ duuni buruk" ²⁹ Murghǝ jarumes a caa tǝ lǝǝrtǝ wuɗ mǝnɗi she a ta kiir ndai ɗa jarumi, dlii wos a dlaar waaghǝni ɗaŋ vǝrtǝ a ɗuuti,she a ngubni aken gya Bulus tǝ Sila. ³⁰ She a nyolar shi washi ɗi ɗa gib jarumes. she wul tu, "Gya malǝm maa fini wur kǝnnda ma tu vuumngǝni ye?" ³¹ Tǝ wul tǝ tu. "Caa raai a Daadǝn Yesu, ka tu vuumnghǝni, kyan tǝ mǝn dǝnwaa. ³² Tǝ taa fuutǝ vik Daadǝn tǝ konu ɗaatǝ dǝn. ³³ She murghǝ jarumes ta nyomshi ɗa dlǝk kaviɗi,coɓshi gya wushi mǝni,kyad tǝ yan tǝ konu ɗaatǝ dǝn tǝ ta fishi baɓtima mǝni. ³⁴ Ɗaŋ a nyolar gya Bulus tǝ Silai ndarshi washi ɗaatǝ dǝn tlǝǝn gaa ngǝtn cighǝni a ken wasǝŋ a poltǝ nǝ na vik lei hŋ tǝ yan tǝ mǝn dǝn wos, yan tua caa raai a Cognvon. ³⁵ Ɗaŋ lǝɓ ta tlai, gyagya mǝn ɗǝlghǝn vies tǝ shi mǝn yalghǝn ɗa nǝ jarumi tǝ vii tu, "Dlaan mǝǝni tǝ tlii." ³⁶ Murghǝ jarumi a fuu Bulus ngotn yo ɗaŋ tǝǝ kon tu,"Mǝn ɗǝlghǝni vies tǝ shinɗi tu mǝ wul ki tu a tlǝǝni ngǝtn waano,nǝ durgǝ gi she a nywal a tlǝǝni tǝ raa wusni." ³⁷ Bed tǝ gi, Bulus a wul shi tu, "Ta vod mi wopi a dlǝk zarsǝ,tǝǝ ɗǝǝl minǝ vi mǝn hŋ,ko ɗaŋ tu minǝ Rimani,tǝǝ ndǝr tǝ caa mi wopi jarum. Kǝn caa suu tǝ nyolarmi wopi nǝ wadkǝnia?Tǝ man ngǝtn wasǝŋ tǝ man nyolar mi wopi. ³⁸ Mǝn yalghǝni ɗa nǝ jarumes tǝ fuu mǝn ɗǝlghǝn vies, ɗaŋ tǝ wum gya Bulus tǝ Sila tǝǝ tayi nǝ mǝn Romawa ,she vertǝ taa ngabshi washi. ³⁹ Mǝn vi ɗǝǝlghǝnes tǝ taa man tǝ nyomshi yatl tǝ nyolarshi washi ci ɓashi wulghǝni tu tǝǝ nywaal tǝ gaa yatleshi.