¹ Ɗaa kaari Bulus ta tli Antakiya,a ta boɗi Korinti. ² A ta tu mǝn Yahudawa won ɗaŋ sǝǝm wos tu Akila ɗa dǝnes, cinǝ kun mǝn Buntus; aa ngaala tǝ tleeghǝn ɗa yaltles hŋ. Adlaamɗi Italiya tǝ gǝdiwos ɗaŋ sǝǝm wos tu Biskila, nǝ durghǝ yo tu Kalaudiyas a ta gǝm vi tu ɓuruk Yahudawa tǝga Romai,; she Bulus ta tli ɓastǝ; ³ Bulus ta tsǝtn ɗashi dǝn duryo tu ghen ghe sughǝdkǝn tass wos nǝ gǝtn namboŋni, tu nǝ mǝnlaaghǝ laaɗ fighǝn. ⁴ Bed tǝ gii a ta ya ylii vin ladi Yahudawa.Ciyi paŋ vik Cogn cimshi ko dzaŋ wolgi gyo. Kǝnda yi sutǝ mbmɓi raa Helinawa tǝ Yahudawa mǝn ghai. ⁵ A kiles ɗaŋ silla tǝ Timoti tǝ tuli makidoniya, zhjpti var ta caa Bulus tǝ fuu Yahudawa tu Yesu nǝ muri ɗaŋ nǝ ɓorghǝni. ⁶ Kiles Yahudawa tǝ ta du tǝ buluŋ mǝn tǝ caa tǝ vi. Bulus ta taar luu woshi a yir wasŋ wultu,"Votaŋŋes tǝ naa a gaam wan, ɗaŋ ni ma sum a mǝn yo ɗaŋ cimǝ Yahudawa hŋ. ⁷ Daŋ a ga lǝb yo ɗaŋ cighai a tli dǝn gya Titus Yustus mǝrghǝ luughǝn Cogn . Dǝn wos mel tǝ vin ladi Yahudawa. ⁸ Krispus yan ghen ci mǝnvar vinladYahudawos , yaan tǝ dǝnwos ɓuruk tǝ nai nǝ mǝn caaghǝn raa a Daadǝn .Korintiyawa monda tǝ wuum vik Bulus hi tǝnaai nǝ mǝn caaghǝn raa , tǝ taa fi shi baftismai. ⁹ Ɗa kaviɗes Daadǝ fuu Bulus a gibkǝ gid kǝnCogn , "Civǝrtǝ hŋ,bed tǝ gi wulshi vi, ɓak mwaali hŋ. ¹⁰ Nǝ duryo tu mi mɓaskǝ ɓanɗǝŋ,gon wo fighǝ kuskǝ ghǝn hŋ,nǝ duryo tu mi tǝ zarrsatn a yatlǝn." ¹¹ Bulus tsǝn ɗa ɗaan hal nǝ ghǝ voni namboŋ tǝ lǝmb liim, caa fuushi vik Cogn. ¹² Bed ti gi Galiyo a ta nai nǝ gwamna mǝn Akaya,Yahudawa tǝ ta duu buluŋ Bulus mǝn hal tǝ tlǝǝrti a kenghǝ danndal ghǝ ɗǝlghǝn vi; ¹³ Caa wultu, "Murin caa mɓǝrtǝ nǝ suughǝd kǝn raa zaarsǝ mǝn tǝ mɓuu Cogn gyo ɗaŋ nǝ waari ɓasmi." ¹⁴ Bed tǝ gi kǝnnda Bulus ta wul vi, Galiyo wul Yahudawa tu , "Kyani Yahudawa yaa n ciyini tu vii gyo ɗaŋ kǝ dlǝǝrɗi nǝ dǝllǝk ghǝtn ghǝ maalghǝn won kǝnnda a fi,mǝ nger vieshi. ¹⁵ Bed tǝ gi ,tun ɗaŋ nǝ gǝtn a dulgaam vi waari tǝ sǝǝmndǝ tǝ mborki waan mbutarǝn vieshi nǝ gwaan maa naa nǝmuurghǝ dǝǝlghǝni a ngǝshes." ¹⁶ Galiyo kadshi ɗa danndalghǝ ngyerghǝn ves. Nǝ durghǝ cik tǝ ta ngab Sastanisui ,tǝ taa voɗtǝ nǝ ghǝ na vik lei hŋ a kenngǝ dandal ghe ngyerghǝn ves . ¹⁷ Bed tǝ gi Galiyo ta vuu ko tǝ ɓannɗar ves wuri hŋ. ¹⁸ Bulus ɗa kaari ɗaŋ aa tsǝtn cimshi nǝ ghǝ mɓudkǝn monda, a gaa mǝnwoshi laaɓ zhirgi zha nǝ ghǝ Suriya,ci tǝ gya Birskila tǝ Arkila. Ɗaŋ tǝ ga lǝbkǝ gaaghǝn gya zhirgi zhe shi ɗaŋ yi Sankuriyei,a ta tli nǝ duryo tu tǝ tlaa gaam woshi ,a mbi ɗa raai ɗaŋ zaar bakummbai. ¹⁹ Ɗaŋ tǝ ta tuli Afisa, Bulus ta gaBirskila tǝ Akila ɗa ɗan.She a ta ndai vin ladi Yahudawa ci paŋ vik Cogn cimshi. ²⁰ Ɗaŋ tǝ kara Bulus tu tǝ tsǝtn cimshi nǝ ghǝ kili monda, a nyaŋgas shi mǝn. ²¹ A ngab tǝpm tli gashi wul tu, " Cogn ya kaɓin mǝni ma suumndi ɓaski dzaŋgo." A ta ndai ɗi zhirgi zha,Afisa. ²² Caa naa shi Kaisariya tsǝn ,a ta Urshelima tǝ wuuru mǝn Laabkǝn tǝ ndǝr tǝ boɗi Antakiya. ²³ Ɗaŋ a tsǝtn ɗa ɗaan nǝ kili njwaan, Bulus ta ngab tǝpm tlii tǝ gya Galatiya tǝ Firjiya ɗa ɗan a ta tlyaa mod mǝrǝdǝnɓuruk. ²⁴ Mǝn Yahudawa won ɗa ɗaan sǝǝ wos tu Afolos, nǝ bwaaghǝn Iskandariya,a man Afisa. Nǝ mǝrghǝ yisǝŋ ghǝn vik cogn. ²⁵ Tǝ gid Afolos vik cogn shoŋ ̵ shoŋ. Cinǝ muryo ɗaŋ caa dartǝghai a zhipti caa fuushi tǝ gid kǝni a dulgam Yesu ɗa giiri bed tǝ gii ayisǝŋni baftisma yohana kurum. ²⁶ Afolos a ngab fuughǝni vik cogn zarsǝ tǝ tsalghǝni raa hŋ a gib viin ladi Yahudawa. Birskila tǝ Akila ɗaŋ tǝ wum tǝ tǝǝ tlen ngab kamɗǝ tǝ yaan ,da ɗak fuukǝn ghai nǝ durghǝ tǝpm Cogn. ²⁷ Ɗaŋ a nda laatsǝghǝn gib Akaya mǝnghǝ Cogn tǝ ylyaa tǝ moɗ,tǝ dlaad tagarta mǝri dǝn wasǝŋ ɗaŋ ci raya,duryo tu tǝ kaɓtǝ taashi mbǝlǝŋ. Ɗaŋ a ta tuli ɓashi,a tlyaa mod mǝnwos ɗaŋ taa caa raa wasǝŋǝi nǝ durghǝ gyaal Cogn. ²⁸ Afolos a fii ngǝtn ghǝ kosar ghǝn a mǝn Yahudawa nǝ gǝtn ghǝ vartǝ ɗaŋ yir tǝ ɗyaaghǝn wos,nǝ ghǝtu caa gid shi a gibkǝ vik cogn tu Yesu yaan ci nǝ ɓorghǝni.