¹ Dzaŋ gon ɗaŋ gya Bulus tǝ Barnabas tǝ ta man Ikoniya tǝ ndai viin ladi ghǝ Yahudawa tǝ tlǝŋ wul vii wusni ɗaŋ zaarsǝ monda a gib kǝ Yahudawa tǝ gya Helinawa tǝ ca raa ghai. ² Bed ti gi Yahudawa yo ɗaŋ tǝ nyangas wum ghǝn kǝǝm , tǝ shisher raa mǝn ɗǝgh tu tǝ mɓii raa tǝ vii gya kundaktǝ wasǝŋ. ³ Nǝ ghǝ gi tǝ ta tsǝn tǝ nghalai ɗa dani nda tǝ fushi vii tǝ ŋaskǝn raa tǝ vartǝ Daadǝn, ɗaŋ caa gid a dul gam shinghǝn ghǝ gyal wos . A fi gin tǝ vǝrghǝn gǝtn gid kǝn tǝ kwasarghǝn gin a gya Bulus tǝ Barnaba. ⁴ Nǝ ghǝ gi mǝn yatles kǝ va ri tǝ ta mɓǝlii mbǝlŋ; gya gon tǝ ta lab Yahudawa gya gon mǝnshigǝnnes. ⁵ Mǝn ɗǝŋ tǝ gya Yahudawa tǝ nghal jaghǝn raa mǝn varaŋshi wasǝŋ mǝn tǝ fir shi forum, tǝ ndǝr tǝ liid gya Bulus tǝ Barnaba, ⁶ ɗaŋ tǝ wuumi tǝ kir tǝ tlii yatl kǝ Ikoniya tǝListira tǝ Darbe,gya yatl gyo ɗaŋ ci mel ɓashi. ⁷ ɗani sad tǝ ci ken tǝ fuughǝni wasǝŋ vi wusni. ⁸ Ɗa Listiras murwon ɗaŋ a tsǝni,ci tǝ tlyaaghǝni a te yasǝŋ hŋ, nǝ gurum ɓanɗǝŋ ɓwavhǝn wos ,a yi rii dzaŋ gon hŋ. ⁹ Mures a wum Bulus a wul ghǝn vii.Bulus a yal yeltǝ sad, tu ci tǝ caaghǝn raa tǝ fuuɗi. ¹⁰ A wul tǝ tlya-tlya tu, "Shishi adlǝrni tǝ yasǝŋ wa." She mures diim ngab righǝni ɗa ɗani. ¹¹ Ɗaŋ zaarsǝ tǝ yel ghǝn yo ɗaŋ Bulus fi, tǝ wul vi tlya -tlya a risǝŋ mǝn Likoniya tu, "Mǝǝɗǝŋsǝ ta man a saighǝ zaarsǝ." ¹² Tǝ ta ciim Barnaba tu "zeus" (murghǝ nɗǝr ghǝn ɗǝgn) tǝ ciim Bulus gos tu,"Hermes" nǝ durghǝ yo tu yan ghǝ caa kwaan vies. ¹³ Sǝŋ waari ghǝ ' Zeus ' shes, lǝb waar wos yi ɗi mbǝdlǝŋ,yatles, a ta tlǝǝr galtsǝ ɗi mbǝtlǝŋ,byatli gwas ɗaŋ ta karghad shi ɗaŋ lǝǝtsǝ yan tǝ zaarsǝ wos ca suu tǝ vǝrtǝ ghǝtnghǝ nyarghǝn mǝn ghai. ¹⁴ Bed tǝ gi ɗaŋ gya Barnaba tǝ Bulus tǝ wumi ci, she tǝ ta dlaa tǝ gya luu wasǝŋǝi motlak tǝ ndai a dlǝk zaarsǝ tǝ riiŋ ¹⁵ tǝ ngab wulghǝn, "Mǝn wom nǝ nighǝn a caa kya fi ghǝrshi gya gine? myani ma mini zaarsǝ ɗaŋ kyani, mya wum ghǝr yo ɗaŋ kyani ma kya wumi ɗaŋ.Mǝ lǝǝe kini vii wusni mǝndi,tu a ga gya kusǝŋsǝ ghǝeshi gya gin a mandi a Cogn yo ɗaŋ ci gwaam gyo ɗaŋ a ndǝr tsogn tǝ dǝgn tǝ gya dǝllǝŋsǝ zha tǝ gya ghǝtn won ɗaŋ ci ɗa ɗebaaɗ. ¹⁶ A ta yi ɓandǝŋ , Cogn ta mǝn yatl ɓuruk tǝ rii a datǝpm wasǝŋ. ¹⁷ Bed tɛ gi ɗaŋni, Cogn a man muryo ɗaŋ wo tlyatǝ zha mǝn hŋ, nǝ duryo tu a fi ghǝn mɓuni, a vǝrmi vongami tsogn tǝ gya gǝfǝǝd tǝ watllǝŋ caa mbutarmi raa mǝn tǝ ghǝtn ghǝ cighǝn tǝ raa wusni. ¹⁸ Tǝ gya vi giin Bulus tǝ Barnaba tǝ ta fi tǝ ŋaaghii hŋ kǝnda tǝ dlǝlashi a vaghǝni ghǝn nyarghǝn wasǝŋ mǝn. ¹⁹ Bed tǝ gi gya yahudawa mǝn Antiyok tǝ kǝ mǝn Ikoniya tǝ ta man tǝ suughǝd shi raa mǝn,tǝ ta liid Bulus tǝ puus tǝ jaa tǝ,tǝ kuri ɗi bǝdlǝǝŋ, cighai tu a mǝshi. ²⁰ Cik mǝǝri dǝ Yesu tǝ tayi a dlǝrghǝn nǝ nghirrǝŋǝn ɓastǝ, a ta shishi she ndai ɗa gib yatl. Ɗaŋ lǝǝb ta tlai ,ta tliiɗi Darba tǝ Barnaba. ²¹ Ɗaŋ tǝ ta kwaan vi wusni ɗa gib kǝ yatles tǝ ta tu mǝn labkǝn wasǝŋ monda, tǝ ta sushidi Listira tǝ Ikoniya tǝ mɓwaaɗi Antakiya. ²² Tǝ ci ken tǝ tlyaaghghǝn mod raa ghǝ, mǝǝri dǝnes mǝn ,tu tǝ mɓǝrshi tǝ ci ken tǝ caaghǝn raa, tii wu tu,"A na cib mǝnda a gugndǝ Cogn tǝ bunghǝni. ²³ Ɗaŋ tǝ ta bwashi mǝn varaaŋsǝ mǝn a ko vin ladi gyo, tǝkaraghǝn Cogn tǝ ngabkǝn vi tǝ ta gashi a tass Daadǝn gyo ɗaŋ tǝ caa raa wasǝŋ ɓastǝ . ²⁴ Tǝ cik tǝ ta ciken tǝ latǝi Pisidiya tǝ tuliɖi Bamfiliya. ²⁵ Ɗaŋ tǝ ta man kwaan gǝgn Biriya tǝ ta boɗi Italiya. ²⁶ Ɗaŋ tǝ ta dlaarii Antakiya ɗani ghǝn da tǝ gashi a gyal ghǝ cogn nǝ laa yo ɗaŋ tǝfi dii. ²⁷ Ɗaŋ tǝ ta tuliɗi Antakiya, she tǝ ta jwaam mǝn vin ladeshi ɗiɓuruk a lǝb namboŋ kwaan ghǝn yo ɗaŋ Cogn a fishi mǝn,tǝ yo ɗaŋ a ɗǝrǝ ɓil caa ghǝn raa mǝn Ɗǝgn mǝn. ²⁸ Gya Bulus tǝ Barnaba tǝ ta ŋaalei monda tǝ mǝri dǝn wasǝŋes.