¹ A giɓ vin ladi kǝ Antakiya, mǝn shinngǝn Cogn tǝ malǝnshi tǝ ta yi ɗa. Tǝ ta yi nǝ gyaa Barnabas tǝ Saminu (gyo ɗaŋ caa cim tǝ tu jii) tǝ lukiya mǝn Kuramiya tǝ manayim(gyo ɗaŋ tǝ fi naa numvyaari wos tǝ guŋ Hiridus murghǝ guŋndui), tǝ Shawulu. ² A dǝǝl yo ɗaŋ tǝ ta ya mbuughǝn Daadǝn tǝ ngaɓkǝn vii, zhipti var ta wul tu, ''gaa mǝn Barnabas tǝ Shawulu mǝn, tǝ fi laa yo ɗaŋ mǝ cimshi.'' ³ Ɗa kaari ɗaŋ tǝ ta kara Cogn tǝ ngaɓkǝn vii, tǝ ta gaa taas ɓashi tǝ gaashi tǝ tlii. ⁵ she shawulu te Barnabas te ta laaɓ kǝn ngǝn ngǝ zhipti var tǝ ta tlii Sulukiya; tǝ ta gaa lǝǝɓi gi tǝ dlaari ɗandi kubrus. ⁴ Ɗaŋ tǝ ta yi giɓ kǝ yatl Salami,tǝ ta giɗ vik Cogn vin ladi Yahudawa. tǝ ta yi gya Yohanna markus murghǝ somghǝn wasǝŋ ɗa. ⁶ Ɗa kaari ɗaŋ tǝ ngilǝŋ dandes ɗaŋ tǝ dlaar ghai ɓuruk hal Bafusa, daŋ tǝvta tu mǝn Yahudawa won murghǝ sǝǝm tu Bar-yeshuwamurggǝ zuŋ tǝ murghǝ mbyerni. ⁷ Murghǝ zuŋes gyo ɗaŋ cii tǝ Makadas,Sarjus Bulus muryo ɗa ci tǝ dlwaŋnga nǝ ŋaa nyi hŋ. Mures ta cim Shawulu tǝ Barnabas duryo caa suu tǝ wum vik Cogn. ⁸ Beɗ tǝ gi Elimas ''murghǝ zuŋ''(sǝǝm wos ɗaŋ tǝ sughǝɗ ǝnndi) a ga gǝǝɓ tǝ yanshi, caa su tǝ sughǝɗ Makadeshes caaghǝn raa mǝni. ⁹ Beɗ tǝ gi Shawulu wuryo ɗaŋ caa cim tǝ tu Bulus ɗaŋ nǝ yugnngǝn tǝ var a ta ngaɓ tǝ yel ¹⁰ she wul tu, ''kyan kuni shetan, kinǝ yugnngǝn tǝ ɓuruk ngǝtn yo ɗaŋ nǝghǝ morghǝn tǝ kuskǝnni. kinǝ murghǝ nyaŋngaskǝn ɓuruk ngǝtn mbuuni.ka gaa ngwamdakǝn datǝpm taŋ taŋ kǝ Cogn von hŋaa? ¹¹ Yeli, taas Daadǝn yi duul ɓaskǝ ɗaŋnin, ka naai nǝ dwaan. ka yel dzaŋ gon nǝ dǝǝl njwatn. ''swaaɗ she ɓwaan tǝ lǝɓ jii tǝ dlǝpmtǝ yiri a ta ngaɓ vuughǝn caa ŋal zarsǝ ɗaŋ ta giɗ tǝ ghai a lǝɓ. ¹² Ɗa kaari ɗaŋ Makadashes a yel ngǝtn yo ɗaŋ a fi, a ca raai, nǝ duryo tu giɗkǝn a dulgam Daadǝn a kwasartǝ. ¹³ Bulus tǝ gya kamsashi tǝ ta ndi a zhirgi zha Bafusa tǝ tlii Firjiya giɓ Bamfiliya. Beɗ tǝ gi Yohanna ta gashi washiwasǝŋi sutǝ Urshelima. ¹⁴ Bulus tǝ gya kamsashi tǝ ta shishi Firjiya tǝ tlii Antakiya kǝbyatl Bisidiya. Ɗaŋ tǝ ta ndai vin ladi Yahudawa a dzaŋ wolngi tǝ tsǝtni. ¹⁵ Ɗa kaari ɗaŋ tǝ ta kwaan mborki mǝn shinngǝn Cogn, mǝn varaŋsǝ vin ladi yahudawes tǝ ta shinndarshi ngǝtn konghǝn mǝnɗi tu, ''mǝn wopm, ǝŋ yan kǝyir ngǝtn konngǝn won ɗuun nǝ kǝ tlyaghǝn moɗ zarsǝ, kwanǝnɗi.'' ¹⁶ Bulus ta shishi fishi taas, wul tu, ''mǝn Isar'ila kyani ɗaŋ kyaa luu Cogn, wumǝn. ¹⁷ Cogn ghǝ zarsǝ Isar'ila bwaa gya jiɗ wopm ndǝr fi zarshes tǝ lǝǝɗ nǝ kǝ kwaanghǝ hŋ a kili gi ɗaŋ tǝ ta yi giɓ yatl Masari, tǝ var tǝ wos ǝŋ a ta nyolar shiɗi ɗa giɓ yatli. ¹⁸ A ta duumvwa tǝ yaŋshi ɗa ndǝǝri nǝ kǝ voni tashi wuɓsǝ. ¹⁹ Ɗa kaari ɗaŋ a ta datsǝ yatl wattsǝmai giɓ yatl kǝ Kan'ana ata vǝr gya jiɗ wopm yatl wasǝŋ nǝ duul. ²⁰ Ɓuruk ngǝrshi gya gin taa fi nǝ kǝ voni kuri wuɓsǝ tǝ taashi nandam ɗaŋ a ta latsǝ a kaar ɓuruk ngǝrshi gya gin Cogn ta vǝr shi mǝn ɗǝǝl ghǝn vi hal manngǝn murghǝ shinngǝn Cogn Samaila. ²¹ She zarsǝ tǝ ta kara Cogn tǝ vǝrshi guŋ, Cogn ta vǝr shi Sawul kuni Kish, mǝn vuɗi ghǝ gya Banyami ta naai nǝ guŋ hal nǝghǝ fupm ghǝn vonivtaashi wuɓsǝ. Ɗaŋ Cogn ta dliti ɗa ɗan guŋndǝwos a ta mbi Dauda ta naai nǝ guŋwasǝŋ. ²² A dulgam Dauda ǝŋ Cogn ta wul tu, ''matu Dauda kuni Yessi, zaar yo ɗaŋ raatn ca suu; ca fivɓuruk ngǝtn yo ɗa mya su tu tǝ fi. ²³ A vuɗi murin gin ghǝn Cogn ta lǝǝr Isar'ila murghǝ kaɓkǝn wasǝŋ mǝn ɗi, Yesu, ɗaŋ a ta mbi raa tu wo fi. ²⁴ Ngǝrshi gin ta fi ǝŋnda Yesu ta man, Yohanna ta gǝmki vi nǝ baɓtisma kǝ gaghǝn kusǝŋsǝ ngǝtn ɓuruk zarsǝ Isar'ila. ²⁵ Ɗaŋ Yohanna ta ɓan laawoshi, a wul tu, ''a ɓitalghǝn wan minǝ nu? minǝ yaan hŋ. Beɗ tǝ gi wummǝn, gon cigha manngǝnɗi a kaaran, gyo ɗaŋ ma ɗya mǝ tǝrǝŋ tlǝrǝŋ kwate wos hŋ.'' ²⁶ Mǝn wopm, mǝri vuuɗi Ibrahim, tǝ gya gon a giɓi wan caa mbuu Chogn mǝn, nǝ duryo ɗaŋ ta shinndar vik kaɓkǝn ɗi. ²⁷ Nǝ durghǝ gya gi ɗaŋ caa tsǝtn giɓ Urshelima, tǝ guŋsǝ wasǝŋ, taa yisǝŋ tǝ hŋ, taa ndǝr tǝ yugn konngǝn mǝn shinngǝn Cogn ɗaŋ caa kwaan ko dzaŋ wolngi gyo a te ɗuughǝn wos. ²⁸ Beɗ ɗaŋ tu tǝ tu kariwon mbun mbun nǝ kǝ mǝǝskǝ wos hŋ, tǝǝ kara Bilatus tu tǝ ɗuuti. ²⁹ Ɗaŋ tǝǝ ta ɓan ɓuruk ngǝrshi gya gi ɗaŋ tǝ dlyaaɗ a dulgamashi, she tǝ shilarti ɗi a hǝmbǝlli tǝ gǝmti giɓ giir. ³¹ Beɗ tǝ gi Cogn shisherti amǝn mǝǝskǝn. ³⁰ Gya gyo ɗaŋ tǝ yiɗi Galilii tǝ Urshelima cimshi ɗaŋ tǝ ta manni, tǝǝ ta yel tǝ nǝ kǝ mbuɗkǝn monnda. Zarshi gya gin cii ni mǝn zarsǝ. ³² Mǝ lǝǝr kinǝ vik wusni mǝnɗi ɗaŋ Cogn ta wul tu wo fi gya jiiɗ wopm mǝn: ³³ A yungar mi mǝni, mǝri wasǝŋ, durghǝ gi a ta shisher Yesu a mǝn mǝǝskǝn. Ɗaŋ gi ɗaŋ yi nǝ dlyaaɗkǝn a ngil ghǝ Dauda kǝ mbǝtlǝmmi: ''kinǝ kuniyatn, yawon ma naai nǝ daagwa.'' ³⁴ Dek kǝ shisher ghǝ wos a mǝn mǝǝkǝn nǝ duryo tu dlii wos tǝ ras hŋ, Cogn wul vi ɗaŋ gin: ''ma vǝrghǝ ndzǝkkǝnni tǝ shilli shiktǝki ɗaŋ mǝ ta cagha raatn tu ma fi Dauda mǝn.'' ³⁵ Nǝ givǝŋ a man wul a ngil Dauda ɗa tu, ''kaa gaa murghǝ ndzǝkkǝn wa tǝ rashi hŋ.'' ³⁶ Ɗa kari ɗaŋ Dauda fi laa Cogn mǝn a giɓ raa wos ngǝtn tǝ yo ɗaŋ Cogn ca suu tǝ fi, a mǝǝshi; tǝǝ ta giiti tǝ gya jiiɗ wos dliiwos ta rashi, ³⁷ beɗ tǝ gi gyo ɗaŋ Cogn shishir a ras hŋ. ³⁸ Mǝǝm wopm, yisǝŋ ghǝnni tu a te murin ǝŋ ta fuuki vi dlaa ghǝn loŋsǝ kusǝŋ ngǝtn. ³⁹ Te ɓastǝ, ɓuruk muryo ɗaŋ ya ca raai wo nyolli a ngǝtn yo ɗaŋ mborki Musa nyollarki hŋ. ⁴⁰ Durghǝ gi ɗaghǝnɗa tǝ ngǝtn yo ɗaŋ mǝn shinngǝn Cogn tǝǝ kon tǝbtu ki hŋ: ⁴¹ ''yellǝn, kyani mǝn kemaskǝ lǝǝɓ, kaa vuui nǝ durghǝ kwasarghǝn kǝ ndǝr kǝ laaɓ zha.'' duryo tu mya fighǝ laa a mbuɗkǝn wan, laa yo ɗaŋ kaa kaɓ hŋ, ko gon ya konki mǝn.'' ⁴² Ɗaŋ gya Bulus tǝ Barnabas tǝ tlii, zarsǝ tǝ karashi tu. 'tǝǝ man giɗ vi gya gin ɗa a wolngi gi. ⁴³ Ɗaŋ mbughǝn ɗa vin ladi Yahudawos tǝ ta ɓani, Yahudawa monnda tǝ gyaa gyo ɗaŋ tǝ nda a lǝǝkǝ Yahudawes tǝ ta laaɓ gya Bulus tǝ Barnabas, tǝ ta sǝǝɗ shi vi tǝ ci ken tǝ laa gyalghǝ Cogn. ⁴⁴ Ɗaŋ dzaŋ wolngi ta tuliɗi, kǝ vari mǝn yatles tǝ jwaamshi a lǝǝɓ namboŋ dur yo tu tǝ wum vi Daadǝn. ⁴⁵ Kili gi ɗaŋ Yahudawa tǝ ta yel jwaamngǝn zarsǝ, tǝǝ ta nguɓ kashi cii nyaŋngas ngǝtn yo ɗaŋ Bulus kon she cii vyar tǝ. ⁴⁶ Beɗ tǝ gi Bulus tǝ Barnabas tǝ ta wul vi tǝ ŋaskǝn raa tǝ wul tu, ''A na ciɓ mǝ fuuki vi Cogn. Yel ghǝn tu kǝ kaɗ tǝ kǝ dlaa gamawan mǝni kǝ ndǝr kǝ sular gaama waan raa ghǝ mbeɗi a kaɓarki hŋ, durghǝ gii ma sumi a mǝn yo ɗaŋ cinǝ Yahudawa hŋ. ⁴⁷ Durghǝ gii Daadǝn caami yir, tu, ma caa a naa nǝ caar a mǝn ɗǝgn nǝ dur yo tu a lǝǝr kaɓkǝn ɗi a dǝgn ɗeɓaɗ. ⁴⁸ Ɗaŋ mǝn ɗǝgn tǝ ta wum gin ata polshi tǝ ndǝr luu viighǝ Daadǝn. Ɓuruk gya gyo ɗaŋ tǝ bwaashi tǝ tu raa nǝ kǝ mbeɗi tǝ ta gaa kusǝŋsǝ ngǝtn wasǝŋǝi. ⁴⁹ vii Daadǝn ta ɓǝli ɗa ɓuruk yatli. ⁵⁰ Beɗ tǝ gii Yahudawa tǝ ta zǝghǝr guɗi gya gon mǝn mbuughǝn, mǝn zinzini tǝ mǝn varaŋsǝ mǝn monci yatli. Gin ta shisher buŋngǝn Bulus mǝn tǝ Barnabas hal tǝ ta nyolarshi waashi a tei kǝ yatl wasǝŋ. ⁵¹ Beɗ tǝ gi Bulus tǝ Barnabas tǝ ta pwaashi guɗ guɗ kǝ yaasǝŋ wasǝŋ mǝn. Tǝ ta tlii yatl kǝ Ikoniya. ⁵² Beɗ tǝ gi mǝn shinngǝnnes tǝ ta yunŋǝi tǝ polghǝn tǝ zhipti var.