¹ Kili yo ɗaŋ Hiridus a caa taas kai tu tǝ vǝr forǝm mǝn laaɓkǝni. ² She aɗu Yakuɓ yeskǝ Yahayai tǝ delle ghǝ sǝɓǝr. ³ Ɗaŋ a yeli a nda Yahudawa a raa, she a ngaɓ Biturushi ɗaŋ. ⁴ A caa mǝn 'yaalghǝn wos wuɓsǝ, cigha suughǝn tlǝǝrghǝn wos a mǝn varaŋsǝ ǝŋ belak kǝ tlǝǝghǝni yaa laatsǝi. ⁵ To taa ngaɓ Biturushi Abet tǝ gii gya kamci mǝn varaŋsǝ viin laadi cigha karaghǝ Cogn nyaŋ nyaŋ nǝ dur wos. ⁶ Aa naa ɗa hŋ lǝɓ tǝ tlaai, ɗaŋ Hiridus wo dlii tii ɗa kaviɗi, Biturus cigha kuci a dlei ghǝ mǝn lyaaghǝn wos, nǝ naɗkǝn tǝ maraŋgusa mbǝtlǝm, mǝn lyaaghǝn wos ci ɓastǝ gaaghǝn yirr a ken ɓiil dǝnes. ⁷ Cig toɗag zhipti shinngǝn Cogn .a bwaaɗi ɓastǝ, wuɗ yaal ɗi ɗa viini, she a ǝn Biturus a laŋshi a wul tǝ tu, "Shishi motlak." She maraŋgusas tǝ tǝrǝŋǝi a dlii wos. ⁸ Zhipti shinngǝn Coghes wul tǝ tu, Naɗ miis waai aa ca kwate waai." Biturus fi cig; Zhipti shinngen Coghes wul tǝ tu, "Gǝm pǝri waai a yer waa aa laaɓǝm ɗi." ⁹ Biturus laaɓ zhipti shinngǝn Coghes tǝ nywaalii ɓidlǝm. A ngaɓ gaam ngǝtn yo ɗaŋ zhipti shinngǝn Coghes ca fi taŋ-taŋ hŋ, ca fitǝ ɗaŋkutu nǝ zhiɗkǝn Cogn. ¹⁰ Ɗaŋ tǝ laatsǝ mǝn lyaaghǝnes kǝ kenii tǝ kǝ mbǝtlǝmi, tǝ tulii a ɓiili gii ɗan tǝ ndǝr tǝ dwaamii, datepm gyo ɗaŋ a tlǝni giɓ yaatl, a ɗǝrǝi ngǝtnwos, tǝ nywaalii tǝ mbi datǝpm var,ɗa ɗan kyaɗ zhipti shinngǝn Coghes gaa tii. ¹¹ Ɗaŋ Biturus sutǝɗi a gaam wos a wul tu, "Taŋ taŋ ,ɗaŋngǝni mǝ yisǝŋǝi tu Daadǝn ǝŋ a shin zhipti shinngǝn wos ɗi tǝ vummi a taas kǝ Hiridus tǝ ngǝn ɗaŋ Yahudawa tǝ gaa gha raa. ¹² Ɗaŋ a yisǝŋ cig a tlii dǝn gya Maryamu, naa Yahaya, gyo ɗaŋ sǝm daagos tu Markus mǝn laaɓkǝn monda taa jwaam shi cigha karaghǝn Cogn. ¹³ Ɗaŋ a ɗu ken ɓiil dǝnes she nyi won ɗaŋ ca fi laa ɗa dǝnes ɗaŋ sǝm wos tu Ruda, a manɗǝrǝ ɓiili. ¹⁴ Ɗaŋ a yisǝŋ yer ghǝ Biturushii, a ɗyaa ɗǝrǝ ɓiili ɗa hŋ nǝ polghǝni, tǝ a sutu kaar motlak tǝ fuu shi tu Biturus ghǝn cigha ken ɓiil. ¹⁵ Tǝ wul tǝ tu, "Kaa ɗǝghǝrii." Beɗ tǝ gii a dlǝǝri ghai daɗ tu yi jomi. Tǝ wul tu, "Nǝ zhipti shinngǝn Cogn wos." ¹⁶ Beɗ tǝ gii Biturus ciken tǝ dlǝǝrghǝn ɗa ɓiili. Ɗaŋ tǝ ɗǝrǝ ɓiili she tǝ yel nǝ yaan, ngǝrshes kwasarshi monnda. ¹⁷ Biturus wul shi vii tǝ taas tu tǝ mwaali. She a fuu shi tǝpm yo ɗaŋ Daadǝn nyolar tǝ ɗi a lǝɓ yo ɗaŋ tǝ naɗ tǝ ghai ɗa jaarumi. A fuushi tu. "Fuun gya Yakuɓ tǝ mǝn waasǝŋ kaɓ ngǝtn yo ɗaŋ a tum." She a gaa ɗanii a tlii a lǝɓi gon ¹⁸ Ɗaŋ lǝɓ tlaai mǝn yaalghǝn nǝ Biturus tǝ vuui monnda ɗaŋkutu ta fini maandǝ tǝ dlǝŋsǝ waasǝŋ nǝ ngǝtn yo ɗaŋ a tu Biturus. ¹⁹ Ɗa kaari ɗaŋ Hiridus a ŋal tǝ a tu tǝ hŋ, a ceɗ mǝn yaalghǝn ɗa nǝ dǝnes. A wul tu tǝ tlaa shi waasǝŋǝi. She a shiidi te Yahudiya maaghǝnɗi Kaisariya a tsǝtii ɗa ɗan. ²⁰ Ɗaŋngǝni a tli Hiridus nyaŋ nyaŋ a mǝn Taya tǝ Sidon. She tǝ ta tlii ɓastǝ ci cimshi; tǝ tlǝn kara Bilastas, muryo ɗaŋ ca laaɓ guŋ, durghǝ yo tu tǝ somshi ɗa tǝ ndǝr tsǝtngǝn waasǝŋǝi durghǝ yo tu caa tu ngǝtn ngǝ cighǝn ɗi te ɓastǝ. ²¹ Dzaŋ yo ɗaŋ tǝ gaa Hiridus naɗ vwaa wos tlyaa tlyaa tǝ lǝŋsǝ tlǝn tsǝtni a daan guŋndu wos, kǝnnda a sǝǝɗshi vii. ²² Zarse tǝ dlaar vi tǝ wul tu gin nǝ yerghǝ cogn won, nǝghǝ zaar hŋ. ²³ Kyaaɗ Zhipti shinngǝn Cogn ɗu tǝ gǝmii durghǝ yo tu ngetn yo ɗaŋ a fi a vǝr Cogn luughǝni hŋ. Ɗa ɗan kyaaɗ zhiɓǝr tǝ citii hal a mǝshii. ²⁴ Beɗ tǝ gii vik Cogn ci ken tǝ basaŋngǝn. ²⁵ Ɗa kaari ɗaŋ gya Barnaba tǝ Shawulu tǝ ɓan laa waasǝŋǝi Urshelima, ci ɓashi sughǝn ɗi, tǝ man tǝ gya Yahaya gii ɗaŋ gii ɗaŋ sǝm daagos tu Markus. Barnaba tǝ Shawulu tǝ sushi Urshelima.