¹ Ɗaŋǝni, dǝllǝŋsǝ mǝn shinngǝn Cogn zarsǝ gya gyo ɗaŋ ci giɓ Yahudiya tǝ wum tu mǝn fighǝn kusǝŋsǝ ngǝtn ma ta kaɓ vi Coŋǝi. ² Ɗaŋ Biturus tlǝ Urshelima, gya gyo ɗaŋ ta sǝrǝ shi washi tǝ kaɓtǝ a ngǝrshes hŋ; ³ tǝ wul tǝ tu mǝni yo ɗaŋ ta sǝrǝ shi hŋ kya ci ngǝtn ghǝ cighǝn cimshi. ⁵ Beɗ tǝ gi Biturus a ci ken tǝ fuughǝn wasǝŋ dal gha dal, a wul tu, ⁴ migha karaghǝn Cogn giɓ yatl kǝ Yafa she zhiɗkǝn Cogn wullǝm a dulgaam koɗ ɗaŋ cigha shinghǝnɗi dan kutu nǝ dǝllǝ pǝri ɗaŋ tǝ shilar ɗi tsognvon a te bandi wuɓsǝ she a shiɗi ɓasǝm. ⁶ Ɗaŋ mǝ yaal saɗ, mǝ yel tǝ, mǝ ɓitalǝm ghai mǝ yel tluŋsǝ mǝn yasǝŋ wuɓsǝ kaɓkǝ dǝgn kusǝŋsǝ tluŋsǝ, tǝ kaɓkǝ tlwaghǝn vwa yatl tǝ yetli ɗaŋ caa tliiɗ gami. ⁷ She mǝ wum yer won caa wul tu, ''shishi, Biturus a ngyer a ci'' ⁸ Mǝ wul tu yi cik hŋ daadǝn ma yi ci ngǝtnwon ɗaŋ ci tǝ ndzǝkkǝnni tǝ kuskǝ ngǝtn a vetn hŋ.'' ⁹ Beɗ tǝ gi, yer Coŋai a wullǝm tu, ''ngǝtn yo ɗaŋ Cogn cim tǝ tu, ngǝtn ghǝ ndzǝkkǝnni, gon tǝ wultǝ nǝ ngǝtn ndzǝkni hŋǝŋ. ¹⁰ Gini a fi tǝpm mayi she koni sutǝ tsognvon. ¹¹ Zhiptiwos a wullǝm ti mǝ laaɓshi, mǝ giɗshi tu mi mari-mari hŋ. ¹² Gya zarsǝ lim mǝ laaɓǝm mǝ tlǝ ndai dǝn mures. ¹³ A fumi kaɓ ngǝtn yo ɗaŋ tǝ fi ɗaŋ Zhipti shinngǝn Cogn a dlǝr ɗa tǝ dǝn ca wul tǝ tu, ''shin zarsǝ tǝ tlǝ Yafa tǝ ci Saminu gi ɗaŋ caa cim tǝ tu Biturus. ¹⁴ Gyo ɗaŋ wo fuki shinngǝn ɗaŋ kyan tǝ dǝn wa, ka tu kaɓkǝnni a ken Cogn'' ¹⁵ Ɗaŋ mǝ nguɓ wulghǝn vii tǝ yaŋshi, she zhiptivar shiɗi ɓashi ɗaŋ gi ɗaŋ a ta shiɗi ɓashi keni. ¹⁶ She mǝ ɓitallǝm vik Cogn ɗaŋ Yohanna fi baɓtisma tǝ zha, beɗ gi kyani ta fiki mǝn tǝvzhipti var. ¹⁷ Ǝŋ yan Cogn a vǝrshi vartǝ ɗaŋ gopi, kili yo ɗaŋ mǝ ca raa a Yesu daadǝn, minǝ nu ǝnnda mǝ wul Cogn tu yi cik hŋo? ¹⁸ Ɗaŋ tǝ wum nǝrshi gya gin, yǝvtu ngǝtn konghǝn hŋ, beɗ tǝ gi tǝ luu Cogn tǝ wul tu.. ''mǝn fighǝn kusǝŋsǝ ngǝtn beɗ Cogn caa kaɓ ndaɗkǝn wasǝŋǝi'' ¹⁹ She gya gon ɗaŋ tǝ ta basaŋ nǝ forǝm ɗaŋ tǝ ta tlya a kili yo ɗaŋ Istafanus ta mǝshi, tǝ ta basaŋǝi tǝ kaɓ lǝǝɓi hal yatl Finikiyawa, Kubrus tǝ Antakiya, beɗ tǝ gi tǝ taa ya fuuni vik Yesu Yahudawa ngǝtnwasǝŋ. ²⁰ Beɗ tǝ gi zarsǝ gya gon ɗaŋ tǝ dlamɗi Kuburus tǝ Kurane, tǝ Antakiya tǝ ta man wul vi tǝ Hellenawa, ca fuushi vik Daadǝn Yesu. ²¹ Hal ɗa ɗa vartǝ Daadǝn yi ɓashi, daŋ a ca zarsǝ monnda tǝ ta caa raa ghai Cogn tǝ sushiɗi a Daadǝn. ²² ngǝtn yo ɗaŋ ca fi ves ta tuliɗi kǝǝm balgham vin ladi Urshelima hal tǝ sushiɗi a datǝpm Daadǝn anda tǝ shin Barnabas tǝ tlǝ Antakiya. ²³ Ɗaŋ a man, a yel ghǝn mbuni ɗaŋ Cogn a vǝrshi, a poltǝ a tlyashi moɗ, ɗebaɗ tǝ tlya moɗ raa wasǝŋ. ²⁴ Durghǝ tu mures nǝ zaar mbuni, zhipti varva yunŋ ti tǝ caaghǝn raa. She zarsǝ monnda tǝ tu tlyaghǝn a datǝpm Daadǝn. ²⁵ She Barnabas a tli Tarsus, duryo tuvtǝ tlǝ ŋaal Shawulu ɗi. ²⁶ Ɗaŋ a tuti,a tlǝr tǝ Antakiya. Ana ɗa ɗan, hal voni namboŋ ca jwaamshi tǝ balgham vin ladi ca fuu zarsǝ vik Cognvon. Giɓ Antakiya ǝŋ tǝ ta nguɓ cimghǝn mǝri dǝn tu, ''mǝn laaɓkǝn.'' ²⁸ A mbuɗkǝnes, mǝn varaŋsǝ mǝn shinngǝn Cogn tǝ ta dlamɗi Urshelima tǝ Antakiya, ²⁷ gon giɓi ɗaŋ sǝǝm wos tu, Agabas, a dlam ɗiv shishi dlǝrnia wul vi tǝ zhiptivar,tu ta fi kuskǝ kuŋndǝ a dǝgn. Gin a ta fi a kili ghǝ Kalaudiya. ²⁹ She mǝri dǝnes tǝ ta mbi ɗ raa tǝ tlyaghǝn wasǝŋ tǝ vǝrghǝn yo ɗaŋ wo som mǝn Yahudiya nǝ ngǝrshi gya gon fighǝni. ³⁰ Tǝ ta fi cik , tǝ shin balgham vin ladi tǝ wurɓa a taas kǝ gya Barnabas tǝ Shawulu.