¹ ۱۔۔ مریم اور ہارون کی کُڑکُڑاہٹ اور مریم اور ہارون اُس کُوشی عورت کے سبب جس سے موسیٰ نے بیاہ کر لیِا تھا ۔ اُس کے سبب موسیٰ کے خلاف بولنے لگے۔ ² ۲۔۔اور کہنے لگے کیا خُداوند نے صرف موسیٰ ہی سے باتیں کیں؟ کیا ہم سے بھی برابر باتیں نہیں کیں؟ تو خُداوند نے یہ سُنا۔ ³ ۳۔۔اور موسیٰ بڑا ہی حلیم مرَد تھا ۔ سب آدمیوں سے زیادہ جو روئے زمین پر تھے۔ ⁴ ۴۔۔ اور فی الفور خُداوند نے موسیٰ اور ہارون او ر مریم کو فرمایا کہ تم تینوں خیمہ اجتماع کے پاس آؤ۔ چُنانچہ وہ تینوں آئے۔ ⁵ ۵۔۔ تب خُداوند بادل ستُون میں نیچے اُترا ۔ اور خیمہ کے دروازہ پر کھڑا ہُؤا اور اُس نے ہارون اور مریم کو بُلایا ۔ تو وہ دونوں آئے۔ ⁶ ۶۔۔ تب اُس نے کہا ۔میری بات سُنو۔ اگر تمہارے درمیان کوئی خُداوند کا نبی ہو۔ تو میَں اُس پر رویا میں ظاہر ہُوں ۔ یا اُس سے خواب میں بات کرُوں گا۔ ⁷ ۷۔۔لیکن میرا بندہ موسیٰ ایسا نہیں۔بلکہ وہ میرے سارے گھر میں امانت دار ہے۔ ⁸ ۸۔۔میَں اُس سے رُوبرُو اور ظاہراً باتیں کرتا ہوں اور نہ پہیلیوں میں نہ تشبیہوں میں۔ وہ خُداوند کا چہرہ دیکھتا ہے۔ تو تم کیوں نہ ڈرے ۔ کہ میرے بندہ موسیٰ کے خلاف بولے۔ ⁹ ۹۔۔اور خُداوند کا غضب اُن پر بھڑکا اور وہ چلا گیا۔ ¹⁰ ۱۰۔۔ جب خیمہ سے بادل ہٹ گیا۔ تو دیکھو مریم کوڑھ سے برف کی طرح سفید نظر آئی ۔ اور ہارون نے مریم کو دیکھا تو وہ کوڑھی تھی۔ ¹¹ ۱۱۔۔ تب ہارون نے موسیٰ سے کہا ۔ اے میرے آقا۔ یہ خطا ہمارے سر پر نہ ہو۔جو ہم نے نادانی سے کی ۔اور قصُوروار ہُوئے۔ ¹² ۱۲۔۔ اُسے اُس مرُدہ کی مانند نہ رہنے دے جو جب اپنی ماں کے پیٹ سے نکلے تو اُس کا آدھا بدن گلا ہُوا ہو۔ ¹³ ۱۳۔۔تب موسیٰ خُداوند کے پاس چِلایا۔ اور بولا ۔ اے خُدا ! اُسے شفا بخش۔ ¹⁴ ۱۴۔۔ تب خُداوند نے موسیٰ کو فرمایا۔ کہ اگر اس کے باپ نے اُس کے مُنہ پر تھوکا ہوتا۔ تو کیا واجب نہ تھا ۔ کہ سات دِن تک شرمندہ رہتی۔ تُو اُسے خیمہ گاہ سے باہر سات دِن تک الگ کر ۔ اور بعد اَزاں تُواُسے واپس لا۔ ¹⁵ ۱۵۔۔ تب مریم سات دِن تک خَیمہ گاہ سے باہر الگ رہی اور لوگوں نے وہاں سے کُوچ نہ کیِا۔ جب تک کہ مریم واپس نہ آئی۔ ¹⁶ ۱۶۔ کِنعان کے حالات کی دریافت اور اِس کے بعد لوگوں نے حصیرات سے کُوچ کیِا۔ اور دشتِ فاران میں آ اُترے۔