1
۱۔ وَل پنجویں فرشتے نے اپنا نرسنگا پھونکیا تاں آسمان توں ہک تارا ٹُٹ کے زمین تے ڈھاندے ہوئے ڈِٹھا۔ اوُں تارے کوُ ہک ڈنڈے تے لگی ہوئی بہوں ڈونگے ٹوئے دی چابی ڈِتی گئی۔
2
۔ اوُں نے اوُندے نال ڈنڈے تے لگی ہوئی چابی نال ڈونگے ٹوئے کوُ کھولے تاں دھوئیں دا ہک وڈا بدل اوُندے وِچوں باہر نکلیا، اوُں دھوئیں دے نکلن پاروں سورج اندھارے وِچ ڈُب گئے تے ہوا رُک گئی۔
3
۔ وَل اوُں دھوئیں دی وجہ توں ٹھوئیاں دی طاقت آلیاں ٹڈیاں باہر نکل آئیاں۔
4
۔ جِنہاں کوُ ایہہ حکم ڈِتا گیا ہا کہ اوہ زمین دی گھا یا کئیں وی ہرے درخت کوُ تباہ نہ کرن لیکن صرف اُنہاں لوگاں کوُ ہی نقصان پہنچاون جنہاں دے متھیاں تےخدا دی مُہر نہ لگی ہوئے۔
5
۔ ٹڈیاں کوُ اُنہاں لوگاں کوُ جان توں مارن دی نئیں بلکہ اُنہاں کوُ صرف تے صرف پنج مہینے تائیں ڈُکھ ڈیون دی اجازت ڈِتی گئی۔ اوہ ایہو جئیا ڈُکھ محسوس کریسن جیویں ٹھوویں نے کئیں کوُ کٹ گدا ہوئے۔
6
۔اوُں ویلے لوگ موت منگ سن پر اُنہاں کوُ نہ موت نہ مِلسی اوہ موت دی آرزو کریسن پرموت اُنہاں کولوں دُور بھج ویسی۔
7
۔ اوہو ٹڈیاں لڑائی کیتے گھوڑے بن ویسن۔ اُنہاں دے سراں تے تاج آلی کار کوُئی شئے ہوسی اَتے اُنہاں دے چہرےانسان آلی کار ہوسن۔
8
۔ اُنہاں دے سراں دے وال تریہمت دے والاں آلی کار اَتے ڈند ببرشیراں دے ڈنداں آلی کار ہَن۔
9
۹۔ اُنہاں دے سینہ بند (بکتر) لوُہے دے بکتر ہَن اَتے اُنہاں دے پراں دی آواز بہوں سارے رتھاں آلی کار ہائی جو لڑائی وِچ بھجدے ہوؤن۔
10
۱۰۔ اُنہاں دی پُچھ ٹھویاں دے ڈنگ آلی کار ہائی اَتے اُنہاں دی پُچھ اِچ لوگاں کوُ پنج مہینے تائیں نقصان پہچاون دی طاقت ہا۔
11
۱۱۔ بہوں ڈوُنگے ٹوئےدا ظالم بادشاہ ہک فرشتہ ہا۔ عبرانی اِچ اوُندا ناں اَبدوُن تے یونانی اِچ اپلیوُن ہے۔
12
۔ افسوس تاں پہلے ای تھی گیا ہِے ۔ ڈیکھو! اِیں دے بعد ڈُو وڈیاں آفتاں آؤن آلیاں ہِن۔
13
۔ چھیویں فرشتے نے اپنا نرسنگا پھونکیا تاں میں سنہری ذبح کرن آلی جاہ دے سنگاں وِچوں جو خدا دے سامنے ہِن آندی ہوئی ہک آواز سُنی۔
14
۱۴۔ اوُں آواز نے نرسنگا پھونکن آلے چھیویں فرشتے کوُ آکھیا، "اوُں چار فرشتیاں کوُ رہا کرو، جیہڑے فرات اِچ قید ہِن۔
15
۱۵۔ اوہ چاروں فرشتے جیہڑے اوُں ڈیں، اوُں مہینے اَتے اوُں سال ہر گھنٹے بعد ظاہر تھیندے ہوئے آزاد کیتے گئے ہَن۔ اوہ ہک تہائی لوگاں کوُ مار سَٹن کیتے تیار کیتے گئے ہَن۔
16
۱۶۔ گھوڑ سوار سپاہیاں دی تعداد ویہہ کروڑ ہا۔
17
۱۷۔ میں رویا وِچ ایہو جئے گھوڑ سوار ڈِٹھے جِنہاں دے سینہ بند (بکتر) اَگ، سُنبل تے گندھک جئے ہَن۔ اُنہاں گھوڑیاں دے سر ببر شیراں آلی کار ہَن اَتے اُنہاں دے مُنہ وِچوں اَگ، دُھواں تے گندھک نکلدی ہائی۔
18
۱۸۔ اِنہاں تریہاں آفتاں یعنی اوُں اَگ تے دھوئیں تے گندھک نال جو اُنہاں دے مُنہ وِچوں نکلدی ہا تہائی لوگ مارے گئے۔
19
۱۹۔ کیوں جو اُنہاں گھوڑیاں دی طاقت اُنہاں دے مُنہ تے اُنہاں دی پُچھ وِچ ہائی۔ اِیں واسطے جو اُنہاں دی پُچھ سپاں دی کار ہائی اَتے پُچھ دے سر وی ہَن اُنہاں دے نال ہی اوہ نقصان پہچاندے ہَن۔
20
۲۰۔ اَتے باقی لوگ جیہڑے اُنہاں آفتاں دے نال نہ مرے ہَن اپنے ہتھاں دے کماں تھوں توبہ نہ کیتی جو شیطاناں دی تے سونے تے چاندی تے پیتل تے پتھر تے لکڑی دی مورتاں دی عبادت کرن توں باز آون ہا جو نہ ڈیکھ سگدِن تے نہ ای سُن سگدِن۔ نہ ای چل سگدِن۔
21
۲۱۔ اَتے جو خون تے جادوگری تے حرامکاری تے چوری اُنہاں نے کیتی ہا اُنہاں توں توبہ نہ کیتی۔