¹ ۱۔ وَل میں ہِک بندے کوُ تخت تے بیٹھے ہوئے ڈِٹھا جیندے سجے ہتھ اِچ میں ہِک کتاب ڈِٹھی جیندے اندر تے باہر آلے پاسے لکھا ہویا ہا، اَتے جئیں کوُ سَت مُہراں لا کے بند کیتا گیا ہا۔ ² ۔ وَل میں ہِک طاقتور فرشتے کوُ اُچی آواز نال ایہہ آدھے ہوئے سُنیا، " جو کون اِیں کتاب کوُ کھولن تے ایندی مُہراں توڑن دے لائق ہِے؟"۔ ³ ۔ آسمان تے زمین تے یا زمین دے تھلے کوُئی نئیں جیہڑا اِیں کتاب کوُ کھولن تے پڑھن دے لائق ہووے۔ ⁴ ۔ میں بہوں زور دے نال روُنا کیوں جو کوُئی وی اِیں قابل نئیں ملا جیہڑا اِیں کتاب کوُ کھولے تے پڑھے۔ ⁵ ۔ پر ہِک بزرگ نے میکوُ آکھے، "نہ رو۔ ڈیکھو! یہوداہ دے قبیلے دا شیر ببر جو داؤد دی نسل تھوں ہِے۔ جیہڑا فتح مند ہِے اوُہو اِیں کتاب کوُ کھولن تے اوُندی سَت مُہراں کوُ کھولن دے لائق ہِے۔ ⁶ ۔ میں تخت تے چاراں جانداراں تے بزرگاں دے وِچ ہِک ذبح کیتے ہوئے بّرے کوُ کھڑے ڈِٹھا جیندے سَت سینگ، سَت اکھیاں۔ ایہہ خدا دیاں سَت روُحاں ہَن جنہاں کوُ خدا نے ساری دُنیا وِچ بھیجے۔ ⁷ ۔ اوہ گیا تے تخت تے بیٹھے ہوئے دے سجے کنوں کتاب گھن گِدی۔ ⁸ ۔ جڈاں اوُں نے اوہ کتاب گِدی تاں چاراں جانداراں تے 24 بزرگاں نے جنہاں دے ہتھ اِچ بربط تے سونے دے کٹورے جو عود نال بھرے ہوئے ہَن جیندے وِچوں ایمانداراں (پاک لوگاں) دیاں دعاواں ہَن اُنہاں نے زمین تے ڈھے کے بّرے کوُ سجدہ کیتا۔ ⁹ ۹۔ اُنہاں نے نواں گیت گایا: "تُساں ہی کتاب کوُ گھنن تے اوُندی مُہراں کھولن دے لائق ہو جیہڑا ذبح کیتا گیا ہِے، اَتے اپنے خون دے نال خدا کیتے لوگاں کوُ ہر قبیلے، ہر زبان توں تے ہر قوم توں خریدا۔ ¹⁰ ۱۰۔ اُنہاں کوُ ہِک بادشاہی تے کاہن ساڈے خدا دی خدمت کیتے بنا ڈِتا، اَتے اوہ زمین تے بادشاہی کریندے ہِن۔ ¹¹ ۱۱۔ وَل میں ڈِٹھا اَتے بہوں سارے فرشتیاں دی جیہڑے تخت تے چاراں جانداراں تے بزرگاں دے آسے پاسے ہَن آواز سُنی، جنہاں دی تعداد لکھاں تے کروڑاں ہائی۔ ¹² ۔ اوہ اُچی آواز نال آدھے پئے ہَن "ذبح کیتا ہویا بّرہ ہی طاقت، دولت، حکمت،قوت،عزت، جلالتے ستائش دے لائق ہِے"۔ ¹³ ۔ میں ایہہ سُنے کہ ہر پیدا کیتی گئی شئے جیہڑی آسمان دے اُتے، زمین دے تھلے تے سمندر دے اُتے اَتے جو کجھ اُنہاں وِچ ہا آدھی پئی ہا، "جیہڑا تخت تے بیٹھا ہِے اوُں بّرہ دی ستائش، عزت، جلال تے طاقت، حکومت ہمیشہ ہمیشہ تائیں راہوے"۔ ¹⁴ ۱۴۔ چاراں جانداراں نے آکھے "آمین!" اَتے بزرگان نے ڈھے کے سجدہ کیتا اَتے اوُں دی ستائش کیتی۔