1
۱۔ اِنہاں گالہیں دے بعد میں آسمان اِچ ہِک دروازہ کُھلیا ہویا ڈیکھیا اَتے جئیں کوُ پہلے میں نرسنگے جئی آواز دے نال اپنے نال گالہیں کریندے ہوئے سُنیا ہا، اوُں نے آکھیا "اِتھاں اُتے آونج اَتے میں تیکوُ اوہ سارا کجھ ڈیکھیساں جو اِنہاں گالہیں دے بعد تھیون آلیاں ہِن۔
2
۔ جلدی نال میں روح اِچ آگیا اَتے میں آسمان تے ہِک تخت ڈِٹھا جیندے تے کوُئی بیٹھا ہا۔
3
۔ جیہڑا اوُندے تے بیٹھا ہا اوہ سنگِ یشب تے عقیق جیا ڈکھائی ڈیندا ہا۔اوُں تخت دے آسے پاسے دھنک ہائی۔ دھنک زمُرد جئی نظر آندی ہائی۔
4
۔ اوُں تخت دے آسے پاسے 24 تخت ہَن، اَتے 24 تختاں تے 24 بزرگ بیٹھے ہَن جِنہاں نے چٹے کپڑے پاتے ہوئے ہَن اَتے اُنہاں دے سراں تے سونے دے تاج وی ہَن۔
5
۔ تخت وِچوں بجلیاں گرجاں تے طوفانی آوازاں نکلیاں، تخت دے سامنے سَت ڈیوے بلدے پئے ہَن۔ ایہہ سَت ڈیوے خدا دیاں سَت روحاں ہَن۔
6
۔ تخت دے سامنے بلور دی طرح صاف شفاف سمندر ہا۔ تخت دے آسے پاسے چار جاندار ہَن جِنہاں دے اگے پیچھے اکھیاں ای اکھیاں ہَن۔
7
۔ پہلا جاندار ببر دی مانند ہا، ڈوجھا جاندار لیلے دی مانند ہا، تریجھے جاندار دا مُنہ بندے جیہا ہا اَتے چوتھا جاندار اُڑدے ہوئے عقاب دی طرح ہا۔
8
۔ ہر جاندار دے چھی پر ہَن، اُنہاں دے اُتے تے تھلے اکھیاں ہَن اوہ ڈینہ رات لگاتار ایہہ آدھے ہَن، "قدُوس، قدُوس، قدُوس خداوند ساری مخلوقات تے حاکم! جو ہا، جو ہِے اَتے آون آلا ہِے"۔
9
۹۔ جڈاں چاراں جانداراں نے جیہڑا تخت تے بیٹھا ہا اَتے جیہڑا ہمیشہ تائیں زندہ ہِے دی وڈیائی، عزت تے شکرگزاری کیتی۔
10
۱۰۔ چووھی بزرگ اوُں دے سامنے جیہڑا تخت تے بیٹھا ہا سجدے اِچ ڈھے پئے تے اوُندی عبادت کرن لگ پئے جو ہمیشہ تائیں ہِے اَتے ایہہ آدھے ہوئے اپنے تاج اوُندے سامنے سَٹ ڈِتے۔
11
۱۱۔ " تُو ہی خداوند خدا جلال تے عزت تے قدرت دے لائق ہِے، کیوں جو تُو ہی ساریاں شئیاں خلق کیتیاں ہِن اَتے ایہہ تیڈی مرضی دے نال ہَن تے پیدا تھیاں۔