1
۱۔ سردیس دی کلیسیا دے فرشتے کوُ لکھ: جیندے کول خدا دی سَت روحاں تے سَت تارے ہِن ایویں فرمیندے " میں تیڈے کماں توں واقف ہاں۔ تیڈی شہرت ایہہ ہِے کہ تُو زندہ ہِے، پر تُو ہِے مُردہ۔
2
۔ جاگ اَتے جیہڑیاں شئیاں باقی ہِن اَتے جو ختم تھیون آلیاں ہِن اُنہاں کوُ مضبوط کر کیونکہ میں تیڈے کماں کوُ اپنے خدا دی نظر اِچ کامل نئیں ڈیدھا۔
3
۔ پس یادکر جو کجھ تیڈے کول ہِے اَتے جو کجھ تُوں سُنیا ہِے اوُں دی فرمانبرداری کر تے توبہ کر پر اگر تُوں نہ جاگیا تاں میں چور دی مانند آساں اَتے تُوں نئیں جان دا کہ میں کیہڑے ویلے تیڈے خلاف آ ویساں۔
4
۔ لیکن سردیس اِچ کجھ ایہو جئے لوگ وی ہِن جنہاں نے اپنے کپڑیاں کوُں گندا نئیں کیتا، اوہ چٹے کپڑے پا کے میڈے نال نال چلسن۔
5
۔ جیہڑے غالب آئے ہِن اُنہاں کوُ میں چٹے کپڑے پاؤن کوُ ڈیساں، کیوں جو اوہ ایِں لائق ہِن اَتے میں اُنہاں دا ناں کتاب حیات وِچوں ہر گز نہ مٹاساں اَتے میں اپنے پیو دے سامنے تے اوُندے فرشتیاں دے سامنے اوُں دا اقرار کریساں۔
6
۔ جیندے کن ہوؤن اوہ سُن گھنے کہ روح کلیسیاواں کوُ کیا فرمیندے۔
7
۔ فلدلفیہ دی کلیسیاواں دے فرشتے کوُ لکھ: جیہڑا پاک تے سچا ہِے۔ جیندے کول داؤد دیاں کنجیاں ہِن، جیندے کھولے ہوئے کوُ کوُئی بند نئیں کر سگدا اَتے جیندے بند کیتے ہوئے کوُ کوئی کھول نئیں سگدا ایویں فرمیندے۔
8
۔ میں تیدے کماں کوُ جان دا ہاں ڈیکھ، میں تیڈے سامنے ہِک دروازہ کھول رکھے جینکوُ کوُئی بند نئیں کر سگدا، میں جان دا ہاں جو تیڈے وِچ کجھ زور ہِے، اَتے ایہہ کہ تُوں میڈے ناں دا انکارنئیں کیتا۔
9
۹۔ ڈیکھ! اوہ لوگ جنہاں داتعلق شیطان دی جماعت نال ہِے اَتے اوہ جیہڑے اپنے آپ کوُ یہودی آدھے ہِن پر ہِن کئے ناں، اوہ کوُڑے ہِن میں اُنہاں کوُں تیڈے کول آؤن اَتے تیڈے پیراں وِچ جھکن تے مجبور کر ڈیساں اَتے اُنہاں کوُ پتا لگ ویسی جو میں تیڈے نال میں محبت کیتی ہِے۔
10
۱۰۔ چونکہ تُوں میڈے صبر دے کلام تے عمل کیتے اِیں کیتے میں اِیں امتحان اِچ تیڈی مدد کریساں اِیں امتحان دے ویلے جو زمین دے راہون آلیاں کیتے پوری دنیا اِچ آؤن آلا ہِے۔
11
۱۱۔ میں چھیتی آؤن آلا ہاں۔ جو کجھ تیڈے کول ہِے اوُں کوُ مضبوطی نال پکڑے رہِ تاں جوکوئی تیڈا تاج تیڈے کولوں چھک نہ گھنے۔
12
۔ جیہڑا غالب آوے اوُں کوُ میں اپنے خدا دے گھر وِچ ہِک تھمی بنیساں اَتے اوہ کڈائیں وی باہر نہ نکلسی۔ میں اوُندے تے اپنے خدا دا، اپنے خدا دے شہر (نواں یروشلیم) دا جیہڑا آسمان تھوں میڈے خدا دے کول اُترن آلا ہِے اوُندے تے اپنا نواں ناں لکھساں۔
13
۔ جیندے کن ہوؤن اوہ سُنے روح کلیسیاواں کوُ کیا فرمیندے۔
14
۱۴۔ لودیکیہ دی کلیسیا دے فرشتے کوُ لکھ: جیہڑا امین، قابلِ بروسہ، سچا گواہ اَتے خداوند دی ساری مخلوق تے حاکم ہِے ایہہ فرمیندے۔
15
۱۵۔میں تیڈے کماں کوُ جان دا ہاں اَتے اے وی کہ تُو نہ ٹھڈا ہئیں نہ گرم ہئیں، میں چاہندا ہاں کہ تُو ٹھڈا یا گرم تھی!۔
16
۱۶۔ کیوں نہ تُو ٹھڈا ہئیں نہ گرم بلکہ کوسا جئیا ہئیں۔ اِیں کیتے میں تیکوُ اپنے مُنہ وِچوں باہر کڈھ سٹن کیتے تیار ہاں۔
17
۱۷۔ کیوں جو تُوں آدھیں "میں امیر ہاں، اَتے میں بڑا مالدار ہاں اَتے میکوُں کئی شئے دی کمی کئے نئیں " پر تُوں نئیں جان دا کہ تُوں کمبخت، خوار، غریب اندھا تے ننگا ہئیں۔
18
۱۸۔ میڈی نصیحت کوُ غور نال سُن: میڈے کولوں بھا وِچ تپایا ہویا سونا خرید گھن، اَتے اپنے ننگے پن دی شرمندگی دے ظاہر تھیون توں بچن کیتے شاندار چٹے کپڑے گھن۔ اَتے ڈیکھن کیتے اپنی اکھیاں کو لاون کیتے سُرمہ گھن گھن۔
19
۱۹۔ جِنہاں کوُ میں عزیز رکھیندا ہاں اُنہاں کو تربیت ڈیندا تے سکھیندا ہاں جو اُنہاں کوُں کیویں زندگی گزارنی چاہیدی ہِے۔ پس سرگرم تھی تے توبہ کر۔
20
۲۰۔ ڈیکھ! میں دروازے تے کھڑا کھٹ کھٹیندا ہاں جو کوُئی میڈی آواز سُن کے دروازہ کھولیسی، میں اوُندے گھر آساں تے اوُندے نال کھانا کھاساں۔
21
۲۱۔ جیہڑا غالب آسی میں اوُں کوُ ایہہ حق ڈیساں تاں جو اوہ میڈے نال تخت تے باہوے، جیندے تے میں غالب آکے اپنے پیو دے نال اوُندے تخت تے بہہ گیا ہاں۔
22
۲۲۔ جیندے کن ہوؤن اوہ سُنے روح کلیسیاواں کوُ کیا فرمیندے۔