¹ ۱۔ افسس دی کلیسیا دے فرشتہ کوُ ایہہ لکھ جیہڑا اپنے سجے ہتھ اِچ سَت تارے گِدی کھڑے، اوہ ایہہ فرمیندے جو اوہ جیہڑا سونے دے سَت ڈیویاں اِچ پھردے، ایہہ فرمیندے۔ ² ۔ جو کجھ تُوں کیتے، تیڈی سخت محنت تے صبر کوُں میں جان دا ہاں اَتے توں بُرے بندیاں کوُ برداشت نئیں کریندا، اَتے جیہڑے بُرے ہِن اُنہاں کوُں نئیں مِلدا، اَتے جیہڑے اپنے آپ کوُ رسول آدھِن پر ہِن کئے ناں، تُوں اُنہاں کوُ آزمائے تے اُنہاں کوُں کوُڑا پاتے۔ ³ ۔ میں تیڈے صبر تے تحمل کوُ جان دا ہاں جو تُوں میڈے ناں کیتے، ڈُکھ برداشت کریندے کریندے تھک نئیں گیا۔ ⁴ ۔پر ہِک گالھ تے میکوُ تیڈے نال گلہ ہِے جو تُوں اپنی پہلی جئی محبت کوُ چھوڑ ڈِتے۔ ⁵ ۔یاد کر کہ تُوں کِتھوں ڈھٹا ہئیں۔ توبہ کر تے پہلے دی طرح کم کر۔ اگر تُوں ایہہ نہ کریسیں تاں میں تیڈے کول آساں اَتے تیڈے ڈیوا رکھن آلی شئے کوُ اُتھوں ہٹا ڈیساں۔ ⁶ ۔ پر تیڈے وِچ ہِک گالھ ہِے کہ جو کجھ نیکلیاں نے کیتے تُوں اُنہاں گالہیں توں نفرت کریندا ہئیں جیندے تھوں میں وی نفرت کریندا ہاں۔ ⁷ ۔ اگر تُہاڈے کَن ہوؤن تاں سُنو کہ کلیسیاواں کوُ کیا فرمیندےکہ جو غالب آوے میں اوُں کوُں حق ڈیساں جو اوہ حیاتی دے درخت توں کھاوے، جو خدا دے بہشت اِچ ہِے۔ ⁸ ۔ سمرنہ دی کلیسیا دے فرشتے کوُ لکھ! جو اوّل تے آخر ہِے جیہڑا مَر گیا ہا تے وَل زندہ تھی گئے اوہ فرماندے۔ ⁹ ۹۔ میں تیڈیاں مشکلاں تے تیڈی غریبی کوُ جان دا ہاں بھاویں توں امیر ہئیں اَتے اُنہاں کوُں وی جیہڑے اپنے آپ کوُ یہودی آدھِن پر اوہ ہِن کئے ناں دراصل اوہ شیطان دی جماعت آے ہِن جیہڑے تیڈی بدگوئی کریندے ہِن۔ ¹⁰ ۱۰۔ جیہڑیاں تکلیفاں توں چاسیں اُنہاں توں نہ گھابر۔ ڈیکھ! تُہاڈے وِچوں کجھ کوُ شیطان قید اِچ سَٹن آلا ہِےتاں جو تُہاڈی آزمائش تھی سگے اَتے تُہاکوُ 10 ڈیِں تک مصیبتاں چاونیاں پوسن۔ "مَرن تائیں وفادار رِہ تے میں تیکوُ حیاتی دا تاج ڈیساں"۔ ¹¹ ۱۱۔ جیندے کَن ہوؤن اوہ سُنے جو روح کلیسیاواں نال کیا فرماندے جو غالب آوے اوُں کوُ ڈوجھی موت توں کوُئی نقصان نہ تھی سی۔ ¹² ۔ پرگمن دی کلیسیا دے فرشتے کوُ لکھ کہ جیندے کول ڈوُہاں پاسوں کٹن آلی تیز تلوار ہِے اوہ اِیں طرح فرمیندے۔ ¹³ ۔ میں جان دا ہاں جو توں جِتھاں راہندا ہئیں اُتھاں شیطان دا تخت وی ہِے۔ توں ہُن تک میڈے ناں تے مضبوطی نال قائم ریہا ہئیں اِتھوں تائیں کہ توں اوُں ویلے وی میڈا انکار نہ کیتے جیہڑے ویلے میڈے ہِک گواہ انتپاس شیطان دے اُتھاں تھیندے ہویاں قتل کیتا گیا ہا۔ ¹⁴ ۱۴۔ پر میکوُ ں کجھ گالہیں وِچ تیڈے نال گلہ ہِےیعنی تُہاڈے وِچ کجھ لوگ ہِن جیہڑے بلعام دی تعلیمات تے بہوں سختی نال قائم ہِن۔ جئیں نے بنی اسرائیل دے سامنے بلق کوُ ٹھوکر کھلاون آلا پتھر رکھن دی تعلیم ڈِتی، تاں جو اوہ بتاں دے اگے ڈِتی گئی قربانی وِچوں کھاؤن اَتے حرامکاری کرن۔ ¹⁵ ۱۵۔ ایویں ای تُہاڈے وِچوں کجھ لوگ ایہو جئے ہِن جیہڑے نیکلیاں دی تعلیم تے بہوں سختی نال قائم ہِن۔ ¹⁶ ۱۶۔ پس توبہ کرو! اگر تُوں توبہ نئیں کریندا تاں میں تیڈے کول چھیتی آساں اَتے میں اپنے مُنہ دی تلوار نال اُنہاں دے خلاف لڑساں۔ ¹⁷ ۱۷۔ جیندے کن ہوؤن اوہ سُنے کہ روح کلیسیاواں کوُں کیا فرمیندے جیہڑا غالب آسی میں اوُں کوُ لُکیا ہویا من ڈیساں اَتے اوُں کوُ چِٹا پتھر ڈیساں جیندے تے ہِک نواں ناں لکھیا ہوسی جینکوُ اُندے گھنن آلے توں علاوہ کوُئی نہ جان دا ہوسی۔ ¹⁸ ۱۸۔ تھواتیرہ دی کلیسیا دے فرشتے کوُ لکھ۔ "خدا دا پُتر جیندیاں اَکھاں بھا دے شعلے دی طرح ہِن اَتے جیندے پیر خالص پیتل آلے ہِن اوہ ایویں فرمیندے۔ ¹⁹ ۱۹۔ تُوں جو کجھ کیتے اوُں کوُ میں جان دا ہاں۔ تیڈی محبت، ایمان تے خدمت تے تیڈا صبروتحمل سب جان دا ہاں اَتے جو کجھ تُوں ہُن کیتے اوہ پہلے توں وی ڈھیر ہِے۔ ²⁰ ۲۰۔ پر میکوُ تیڈے نال ہِک شکایت ہِے: کہ توں ایزبل کوُ جیہڑی اپنے آپ کوُ نبیہ آدھی ہِے اوُں کوُ برداشت کیتا ہِے۔ اوہ اپنی تعلیم نال میڈے بندیاں کوُ دھوکا ڈیندی ہِے جو اوہ زنا کاری کرن تے بتاں دیاں قربانیاں کھاؤن۔ ²¹ ۲۱۔ میں اُوں کوُ موقع ڈِتا ہِے جو اوہ توبہ کرے پر اوہ بداخلاقی توں باز نئیں آندی۔ ²² ۲۲۔ ڈیکھو! میں اوُں کوُ بیماری دے بسترے تے سٹیندا ہاِں اَتے اُنہاں کوُ جیہڑے اوُندے نال زناکاری کریندے ہَن اُنہاں کوُ وڈی مصیبت اِچ پھسیندا ہاں جڈاں تائیں اوہ اُنہاں کماں توں جو کریندے ہِن توبہ نہ کر گھنن۔ ²³ ۲۳۔ میں اوُں دے بالاں کوُ جان تھوں مار ڈیساں اَتے ساریاں کلیسیاواں کو پتا لگ ویسی جو میں ای ہاں جیہڑا خیالات تے دِلاں توں واقف ہاں۔ میں تُہاڈے وِچوں ہر ہک کوُ اُندے کماں دے مطابق اجر ڈیساں۔ ²⁴ ۲۴۔ لیکن تھواتیرہ وِچ کجھ ایہو جئے لوگ وی ہِن جنہاں نے اِیں تعلیم تے عمل نئیں کیتا تے شیطان دی گہری گالہیں کوُ نئیں جان دے۔ میں تیکوُ آدھا ہاں کہ میں تیڈے تے بہوں زیادہ بھار نہ سٹیساں۔ ²⁵ ۲۵۔ ہاں میڈے آون تک جو کجھ تیڈے کول ہِے اوُں کوُ گھُٹ کے پکڑے راہو۔ ²⁶ ۲۶۔ جیہڑا غالب آوے تے میڈے کماں دے مطابق آخیر تائیں عمل کرے اوُں کوُ میں قوماں تے اختیار ڈیساں۔ ²⁷ ۲۷۔ اوہ اُنہاں تے لوہے دے عصا نال حکومت کریسی۔ جیویں مٹی دے برتن دے ٹوٹے ٹوٹے تھی ویندِن ²⁸ ۲۸۔ جیویں میں اپنے پیو دا اختیار پاتا ہِے، میں اوُں کوُ سویر دا تارا ڈیساں۔ ²⁹ ۲۹۔ اگر جیندے کن ہوؤن اوہ سُنے جو روح کلیسیاواں کوُ کیا فرماندے۔