1
۱۔ وَل میں آسمان تھوں ہک بئے فرشتے کوُ لاہندے ہوئے ڈِٹھا جیندے ہتھ اِچ ڈوُنگہے ٹوئے دی کُنجی تے ہتھ اِچ سنگلی ہا۔
2
۔ اوُں نے اژدھا جیہڑا کہ پُرانا سَپ یعنی شیطان تے ابلیس کوُ پکڑ کے ہزار سال کیتے بادھ چھوڑے۔
3
۔ اوُں کوُ ڈوُنگہے ٹوئے وِچ سَٹ کے بند کر ڈِتا اَتے اوُندے تے ٹھپا لا ڈِتا تاں جو ہزار سال جڈاں تائیں پورے نہ تھی ونجن وَل قوماں کوُ گمراہ نہ کرے۔ ایندے بعد ضرور ہِے کہ تھوڑی دیر کیتے کھولا ونجے۔
4
۔ وَل میں تخت ڈِٹھے تے جیہڑے اُنہاں تے بیٹھے ہوئے ہَن عدالت اُنہاں دے سپرد کیتی گئی تے اُنہاں دیاں روُحاں کوُ وی ڈِٹھا جنہاں دے سر یسوع دی گواہی ڈیون تے خدا دے کلام دے پاروں کٹے گئے ہَن نہ اُنہاں نے حیوان دی عبادت کیتی ہا نہ اوُندے بت تے نہ ہی اوُندا ٹھپا اپنے متھے تے اپنے ہتھاں تے لوایا ہا اوہ زندہ تھی کے مسیح دے نال بادشاہی کریندے رہے۔
5
۔ باقی مُردے زندہ نہ کیتے گئے جڈاں تائیں ہزار سال پورے نہ تھی گئے۔ ایہہ پہلی قیامت ہِے۔
6
۔ مبارک تے پاک شخص اوہ ہِے جو پہلی قیامت اِچ شریک تھیوے ایہو جئے لوگاں تے ڈوجھی موت دا کوُئی اختیار نئیں اوہ خدا تے مسیح دے کاہن ہوسن تے اوُندے نال ہزار سال تک بادشاہی کریسن۔
7
۔ جڈاں ہزار سال پورے تھی ویسن تاں شیطان قید وِچوں آزاد کیتا ویسی۔
8
۔ اَتے اوہ زمین دیاں چاراں پاسوں قوماں یعنی جُوج ماجوج کوُ لڑائی کیتے کٹھا کریسی اوہ ایویں ہوسن جیویں سمندر دی ریت۔
9
۹۔ اوہ ساریاں قوماں زمین تے پھیل گئین تے اُنہاں نے پاک لوگاں دے لشکر گاہ تے پیارے شہر کوُ گھیر گِدے، پر آسمان تھوں بھا نازل تھئی تے اُنہاں کوُ ساڑ چھوڑے۔
10
۱۰۔ شیطان جئیں اُنہاں کوُ دھوکا ڈِتا ہا بھا دی بلدی ہوئی جھیل اِچ سَٹ ڈِتا جِتھاں اوہ حیوان تے کوُڑا نبی سَٹے گئے ہَن۔ اوہ ڈِیں رات ہمیشہ اوُں عذاب وِچ راہسن۔
11
۱۱۔ وَل میں ہک وڈا چٹا تخت اَتے جیہڑا اوُندے تے بیٹھا ہا ڈِٹھا۔ آسمان تے زمین اوُندے حضور تھوں دھروک گئے تے اُنہاں کوُ کتھائیں وی جاہ نہ ملی۔
12
۔ میں نکے تے وڈے مُردیاں کوُ اوُں دے سامنے کھڑے ڈِٹھا اَتے کتاباں کھولیاں گئیاں۔ کتاب حیات۔ کتاباں دے مطابق مُردیاں دا انصاف کیتا گیا جو کجھ اُنہاں نے کیتا ہا۔
13
۔ تے سمندر نے وی اپنے مُردے ڈے ڈِتے، موت تے عالم ارواح نے وی اپنے اندر دے مُردے ڈے ڈِتے، اُنہاں دا نصاف اُنہاں دے کماں دے مطابق کیتا گیا۔
14
۱۴۔ موت تے عالم ارواح بھا دی جھیل اِچ سَٹے گئے ایہہ بھا دی جھیل ڈوجھی موت ہِے۔
15
۱۵۔ اگر کئیں دا ناں کتاب حیات اِچ نہ ملیا اوُں کوُ وی بھا دی جھیل اِچ سَٹیا گیا۔