1
۱۔ انہاں گالہیں دے بعد میں آسمان تے ہک وڈی بھیڑ کوُ ایہہ آدھے ہوئے سُنیا ہالیلویاہ،نجات، جلال تے قدرت ساڈے خداوند دی طرفوں ہِے۔
2
۔ اوُں دی قدرت ٹھیک تے راست ہِے اوُں نے کسبی دی وڈی عدالت کیتی جئیں نے اپنی حرامکاری دے پاروں زمین کوُ خراب کیتا ہا۔ اوُں نے اپنے پاک لوگاں دے خون دا بدلہ گھن گِدے جو اوُں (کسبی) نے وہایا ہا۔
3
۔ ڈوجھی وار وَل اُنہاں نے ہالیلویاہ آکھے ''اوُں کسبی تھوں ہمیشہ دھوں اُٹھدا راہسی۔''
4
۔ 24 بزرگ تے چار جانداراں نے ڈھے کے خدا جو تخت تے بیٹھا ہا سجدہ کیتے۔ اوہ آدھے پئے ہَن ''آمین۔ ہالیلویاہ!''۔
5
۔ وَل تخت تھوں آواز آئی ساڈے خدا دی تمجید ہوئے سارے اوُندے خادم بھاویں اوہ عام ہوون یا خاص جو اوُندے تھوں ڈردے ہِن۔
6
۔ وَل میں بہوں سارے لوگاں دی تے زور دے پانی دی تے بجلی دے سخت گرجن دی آواز سُنی۔ اوہ بھیڑ آدھی پئی ہا، ہالیلویاہ ساڈا قادرِ مطلق خدا ساریاں تے ہمیشہ تائیں بادشاہی کریندا ہِے۔
7
۔ آؤ اساں مزے کروں تے خوشی مناؤں تے اوُندی تمجید کروں کیوں جو بّرہ دا ویاہ آپہنچیا ہِے اَتے اوُندی کوار نے اپنے آپ کوُ تیار کر گِدا ہِے۔
8
۔ اوُں کوُ چمکدار تے صاف قیمتی کپڑے پاون دا اختیار ڈِتا گیا اَتے ایہہ کپڑے پاک لوگاں دے راستبازی دے کماں کوُ ظاہر کریندے ہِن۔
9
۹۔ فرشتے نے میکوُ آکھیا، ''مبارک ہِن اوہ جو بّرے دے ویاہ اِچ سڈائے گئے ہِن۔ اوُں نے ایہہ وی آکھیا کہ ''ایہہ خدا دیاں سچیاں گالہیں ہِن''۔
10
۱۰۔ اوُں کوُ سجدہ کرن کیتے اوُندے پیراں اِچ ڈھے پیا پر اوُں نے میکوُ آکھیا ایویں نہ کر میں وی تہاڈا اَتے تہاڈے ہم خدمت بھراواں وِچوں ہاں جو یسوع دی گواہی تے قائم ہِن۔ خدا دی عبادت کرو، یسوع دی گواہی نبوت دی روح ہِے۔
11
۱۱۔وَل میں آسمان کوُ کھلا ہویا تے اُتھاں ہک چٹے گھوڑے کوُ ڈِٹھا۔ اوُں دے تے جو بیٹھا ہا وفادار تے سّچا ہِے اوہ ایمانداری دے نال انصاف تے لڑائی کریندا ہِے۔
12
۔ اوُندی اکھیاں بھا دے شعلہ دی مانند ہِن اَتے اوُندے سر تے بہوں سارے تاج ہِن اُنہاں تے لکھا لاتھے ''کوئی اوُں کوُ نئیں جان دا سوائے اوُندے۔
13
۔ اوُں نے خون اِچ تَر تھئے ہوئے کپڑے پاتے ہوئے ہَن تے کلامِ خدا اکھواندا ہِے۔
14
۱۴۔ آسمان دیاں فوجاں چٹے گھوڑے تے چٹے صاف قیمتی کپڑے پا کے اوُندے پِچھوں پِچھوں چلدیاں ہَن۔
15
۱۵۔ اَتے قوماں کوُ مارن کیتے اوُندے مُنہ وِچوں تلوار نکل سی تے اوہ لوہے دے عصا نال حکومت کریسی تے قادرِ مطلق خدا دے سخت غصے دی مَے دے حوض اِچ انگور کچل سی۔
16
۱۶۔ اوُندے کپڑیاں تے اوُندی لَت تے ایہہ لکھا لاتھے ''بادشاہواں دا بادشاہ خداونداں دا خدا"۔
17
۱۷۔ وَل میں ہک فرشتے کوُ سِجھ تے کھڑا ڈِٹھا اَتے اوُں نے وڈی اُچی آواز نال آکھیا سارے اُڑن الے پنکھیو سارے خدا دی وڈی دعوت کیتے آؤ۔
18
۱۸۔ تُساں بادشاہواں دا گوشت، فوجی سرداراں دا گوشت، زورآوراں دا گوشت گھوڑیاں دا تے اُنہاں دے سواراں دا گوشت تے اُنہاں ساریاں دا جو بھاویں آزاد ہوون بھاویں غلام، بھاویں چھوٹے ہوون بھاویں وڈے، کھاؤ۔
19
۱۹۔ میں زمین دے حیواناں تے بادشاہواں تے اُنہاں دی فوجاں کوُ آپس دے گھوڑے سوار تے اوُندی فوج نال جنگ کریندے ہوئے ڈِٹھا۔
20
۲۰۔ اَتے حیوان تے اوُندے نال اوہ کوُڑا نبی پکڑیج گئے جئیں نے اوُندے سامنے ایہو جئے نشان ڈِکھائے ہَن جیندے نال اوُں نے حیوان دا ٹھپا گھنن آلیاں تے اوُندے بتاں دی عبادت کرن آلیاں کوُ گمراہ کیتا ہا اوہ ڈوحیں بھا دی جھیل اِچ جیوندے سٹے گئے جو گندھک نال بلدی ہِے۔
21
۲۱۔ تے باقی اوُں گھوڑے دے سوار دی تلوار نال جو اوُندے مُنہ وِچوں نکلدی ہا مارے گئے تے پکھی اُنہاں دے گوشت نال رَج گئے۔