1
۱۔ میں نگاہ کیتی تے کیا ڈیدھا ہاں کہ بّرہ اُتھاں صیحون تے میڈے سامنے کھڑا ہِے۔ اَتے اوُندے نال 144،000 لوگ ہَن جنہاں دے متھے تے اوُں دا تے اوُں دے پیو دا ناں لکھا ہویا ہا۔
2
۔ میں آسمان تے ہک ایہو جئی آواز سُنی جو زور دے پانی جیویں وڈی گرج ہووے اَتے جیہڑی آواز میں سُنی اوہ ایویں ہائی جیویں بربط نواز بربط وجاندے ہِن۔
3
۔ اُنہاں نے تخت دے سامنے چاراں جانداراں تے بزرگاں دے سامنے ہک نواں گیت گایا اَتے 144،000 لوگ جیہڑے کہ زمین تھوں لائے گئے ہَن اُنہاں دے سِوا کوُئی ایہہ گیت نہ سکھیا۔
4
۔ ایہہ اوہ ہِن جنہاں نے عورتاں دے نال اپنے آپ کوُ ناپاک نہ کیتے، اُنہاں نے جسمانی طور تے اپنے آپ کوُ پاک رکھیا۔ ایہہ اوہ ہِن جیہڑے بّرہ دے پچھے پچھے چلدے ہِن جتھاں اوہ ویندا ہِے۔ ایہہ خدا تے برّہ کیتے پہلے پھل ہوون کیتے خرید کیتے گئے۔
5
اُنہاں دے مُنہ وِچوں کڈائیں کوُڑ نہ نکلیا ہا، اوہ بےعیب ہِن۔
6
۔ میں ہک بئے فرشتے کوُ آسمان دے وِچ اُڑدے ہوئے ڈِٹھا، جئیں دے کول، ہر قوم، ہر قبیلے اَتے ہر زبان دے لوگاں کیتے جو زمین تے ہِن سُناون کیتے ہمیشہ دی خوشخبری ہِے۔
7
۔ اوُں نے اُچی آواز نال سڈیا، ''خدا کولوں ڈرو اَتے اوُں دی تمجید کرو'' اوُں دی عدالت دی گھڑی آپہنچی۔ اوُں دی ستائش کرو جئیں نے زمین، آسمان، سمندر، چشمے تے پانی کوُ پیدا کیتے۔''
8
۔ وَل ایندے بعد ہک بئیا وی ڈوجھا فرشتہ ایہہ آدھے ہوئے آیا ''ڈھے پیا، وڈا عظیم شہر بابل ڈھے پیا، جئیں نے اپنی حرامکاری دی مَے ساریاں قوماں کوُ پلائی۔''
9
۹۔ وَل ایندے بعد تریہجہ فرشتہ اُنہاں دے پچھوں اُچی آواز نال آدھے ہوئے آیا "اگر کوُئی حیوان تے اوُندے بت دی عبادت کرے اَتے اوُندا نشان اپنے متھے یا اپنے ہتھ تے لگوائے''۔
10
۱۰ تاں اوہ خدا دے قہر دے پیالے کوُ وی پیسی جیہڑا اوُندے غصے نال بھرا ہویا ہِے، جیہڑا بندہ ایہہ پیسی اوہ فرشتیاں تے بّرے دے سامنے اَگ تے گندھک اِچ سٹیا ویسی۔
11
۱۱۔ اُنہاں دے غضب دا دھوں ہمیشہ ودھدا ویسی، اوہ جنہاں نے حیوان تے اوُں دے بت دی عبادت کیتی ہا اَتے اوندا نشان لایا ہا اوہ ڈِیں رات آرام نہ کریسن۔
12
۱۲ ۔ ایہہ (ایمانداراں) پاک لوگاں دے صبر دا ویلہ ہِے۔ اُنہاں دا جو خدا دے حکماں دی تابعداری کریندے تے مسیح تے ایمان رکھیندے ہِن۔
13
۔ میں آسمان تے ایہہ آواز سُنی: ایہہ لکھ ''مبارک ہِن اوہ لوگ جیہڑے خداوند اِچ موئے'' ہاں، روح آدھے ''اپنی محنتاں توں اوہ آرام پاسن کیوں جو اُنہاں دے اعمال اُنہاں دے نال ہوسن۔''
14
۱۴۔ وَل میں نگاہ کیتی تے ڈِٹھا جو کوئی چٹے بدّل تے ابنِ آدم جیہا بیٹھا ہا اوُندے سر تے سونے دا تاج ہا اَتے ہتھ اِچ تیز درانتی ہائی۔
15
۱۵۔ وَل ہیکل توں ہک بئیا فرشتہ آیا جیہڑا بدّل تے بیٹھا ہا اوُں نے اُچی آواز نال سڈیا، ''اپنی درانتی گھن تے کٹائی شروع کر کہ کٹائی دا ویلہ آ پہنچیا ہِےتے زمین دی فسل پک گئی ہِے۔''
16
۱۶۔ وَل اوہ جیہڑا بدّل تے بیٹھا ہا اوُں نے درانتی زمین تے ماری تے زمین دی فصل کٹ گئی۔
17
۱۷۔ وِل ہک بئیا فرشتہ آسمانی ہیکل توں آیا اوُندے کول وی تیز درانتی ہا۔
18
۱۸۔ وِل ہک بئیا فرشتہ قربان گاہ کولوں نکلا، ایہہ اوہ فرشتہ ہا جیندا اَگ تے اختیار ہا اوُں نے اوُں فرشتے کوُ جیندے ہت اِچ درانتی ہائی اُچی آواز نال پکار کے آکھیا، ''اپنی تیز درانتی گھن تے زمین دے انگور دے گچھے کٹ کیوں جو انگور پک گئے ہِن۔''
19
۱۹۔ فرشتے نے اپنی تیز درانتی زمین تے لہرائی تے انگور دی فصل اکٹھی کر کے خدا دے قہر دے حوض اِچ سَٹ ڈِتی۔
20
۲۰۔ اَتے شہر دے باہر اوُں حوض اِچ انگور لتاڑے گئے اَتے حوض توں اتنا خون نکلے جو گھوڑیاں دی واگاں تائیں جا پہنچیا اَتے سولہ سو فرلانگ (۲۹۶ کلومیٹر)تک پہنچیا۔