1
۱۔ وَل میں ہک حیوان کوُ سمندر تھوں آندے ہوئے ڈِٹھا۔ اوُندے ۱۰ سینگ تے ۱۰ سر ہَن اوُندے سینگاں تے ۱۰ تاج ہَن، تے اوُندے سر تے کُفر دے ناں لکھے ہوئے ہَن۔
2
۔ ایہہ حیوان جو میں ڈِٹھا ہا اوُندی شکل تیندوے آلی کار ہا اَتے پیر ریچھ آلی کار تے مُنہ جیویں ببر آلی کار ہوئے تے اوُں اژدھا نے اپنی قدرت، اپنا تخت تے وڈا اختیار اوُں کوُ ڈے ڈِتا۔
3
۔ میں ہک حیوان ڈِٹھا جیندے سر تے جیویں ہک زخم ہا۔ پر ایہہ زخم چنگا تھی گیا، ساری دُنیا حیران تھی کے اوُندے پچھوں تھی پئی۔
4
۔ اُنہاں دے اژدھا دی وی عبادت کیتی، اِیں واسطے اوُں نے اپنا اختیار حیوان کوُ ڈے ڈِتا، اُنہاں نے حیوان دی وی عبادت کیتی، اُنہاں نے آکھیا کہ "کون حیوان دی طرح ہِے؟'' ''اَتے کون اوُندے خلاف لڑائی کر سگدے۔''
5
۔ اَتے حیوان کوُ کُفر بولن تے فخر کرن کیتے ہک بئیا مُنہ ڈِتا گیا۔ اوُں کوُ بیالہی مہینے تک کم کرن دا اختیار ڈِتا گیا۔
6
وَل حیوان نے اپنا مُنہ کھولیا تے خدا دے خلاف کُفر بکن لگا، اوُں دے ناں دی بےعزتی کیتی، تے اوُں جاہ دی جتھاں اوہ راہندا ہا تے اُنہان دی جو آسمان تے راہندے ہِن۔
7
۔حیوان کوُ اجازت ڈِتی گئی کہ پاک لوگاں نال جنگ کرے تے اُنہاں تے غالب آوے تے اوُں کوُ ہر قبیلے تے لوگاں، زباناں تے قوماں تے وی اختیار ڈِتا گیا۔
8
۔ اَتے سارے لوگ جو زمین تے ہِن جنہاں دا ناں کتاب حیات اِچ دُنیا دے بناون ویلے ہی نئیں لکھیا گیا جو کے ذبح کیتے ہوئے بّرہ دے کول ہِے، حیوان دی پرستش کریسن۔
9
۹۔ جیندے کن ہوون اوہ سُن گھنے۔
10
۱۰۔ جئیں کوُ قید ہوون آلی ہِے اوہ قید اِچ لگا ویسی۔ جیہڑا کوُئی تلوار نال قتل کریسی اوہ ضرور تلوار نال قتل کیتا ویسی۔ پاک لوگاں دے صبر تے ایمان دا ایہو ای موقع ہِے۔
11
۱۱۔وَل میں ہِک حیوان کوُ زمین وِچوں نکلدیاں ہویا ں ڈِٹھا۔ اوُندے برہ دی کار ڈوُ سینگ ہَن اَتے وَڈے سپ دی کار اوہ بولیندا ہا۔
12
۱۲۔اَتے اوہ پہلے حیوان دا سارا اختیار اوُندے سامنے کم اِچ گھن آندا ہا اَتے زمین تے اوُندے راہون آلیاں کولوں اوُں پہلے حیوان دی پرستش کرویندا ہا جیندا زخم چنگا تھی گیا ہا۔
12
۔ ایہہ پہلے حیوان دا سارا اختیار اوُندے سامنے ڈِکھیندا ہا۔ تے زمین دے راہون آلیاں کولوں اوُندی عبادت کرویندا ہا۔ جیندا زخم ٹھیک تھی گیا ہا۔
13
۔ اوہ بہوں وڈے معجزے ڈِکھیندا ہا، ایتھوں تک کہ لوگاں دے سامنے آسمان تھوں زمین تے اَگ برسیندا ہا۔
14
۱۴۔ تے معجزات کرن دی اوُں کوُ اجازت ڈِتی گئی ہائی اوُں نے زمین تے راہون آلیاں کوُ دھوکا ڈے کے آکھیا کہ حیوان دی عزت اِچ ہک بت بناؤں اوہ حیوان جیہڑا تلوار نال زخمی تھیا ہا اوہ ہُن تک زندہ ہا۔
15
۱۵۔ اوُں کوُ اجازت ڈِتی گئی کہ اِیں بت اِچ دَم پھونکے اَتے ایہہ بت بولے اَتے جیہڑا اِیں دی عبادت کرن توں انکار کرےاوُں کوُ قتل کیتا ونجے۔
16
۱۶۔ اَتے اوہ ساریاں عام تے خاص کوُ امیر تے غریب کوُ، آزاد تے غلام کوُ مجبور کرے کہ اوہ اپنے سجے ہتھ تے متھے تے نشان بنوائے۔
17
۱۷۔ ایتھوں تک کہ اُنہاں کیتے خریداری کرنا یا ویچنا وی اِیں حیوان دے نشان سے بغیر نہ ہا، ایہہ نشان اِیں دے ناں دا عدد ہا۔
18
۱۸۔ ایہہ حکمت اکھواندی ہِے اگر کئیں دے کول ہِے تاں اوہ حیوان دے نمبر کوُ گن گھنے۔ کیوں جو ایہہ انسان دا نمبر ہِے۔ اِیں دا ناں چھ سو چھیاٹھ ہِے۔