1
۱۔ ہک بہوں وڈا نشان آسمان تے ڈِٹھا: ہک عورت جیہڑی سورج کوُ پاتے ہوئے ہائی، تے اوُندے پیرا تھلے چند ہا، تے۔
2
۔ تاریاں دا تاج اوُندے سر تے ہا، اوہ ڈھِڈھ نال ہائی اَتے دردِزہ توں چّلاندی پئی ہائی۔ اوہ بال کوُ پیدا کرن دی تکلیف اِچ ہائی۔
3
۔ ہک ڈوجھا نشان آسمان تے ڈِٹھا: ڈیکھو! وڈا لال اژدھا ڈِٹھا جیندے ۷ سر تے ۱۰ سینگ ہَن، اَتے سَت ای تاج اوُندے سراں تے ہَن۔
4
۔ تے اوُندے پُچھ نے آسمان دے تہائی تارے چھک کے زمین تے سَٹ ڈِتے ۔ اَتے اے اژدھا اوُں عورت دے سامنے کھڑا تھی گیا جیہڑی بال پیدا کرن کوُ ہائی تاں جو اوہ اوُندے بال کوُ کھا ونجے۔
5
۔ اوُں نے پُتر کوُ پیدا کیتا ، جو کہ لوُہے دے عصا تے ساری قوماں تے حکومت کریسی۔ اوُندا بال جلدی نال جھپٹ کے خدا تے اوُندے تخت دے کول پہنچا ڈِتا گیا۔
6
۔ اوہ عورت بیابان اِچ بھج گئی، جتھاں خدا نے اُنہاں کیتے جاہ تیار کیتی ہائی، جتھاں ۱۲۶۰ ڈِیں تک اوُندی پرورش کیتی ویسی۔
7
۔آسمان تے ہک جنگ تھئی میکائیل تے اوُندے فرشتے اِیں اژدھا دے خلاف جنگ لڑے، تے اژدھا تے اوُندے فرشتے وی اُنہاں دے نال جنگ لڑے۔
8
۔ پر اژدھا زیادہ طاقتور نہ ہا جو جنگ جِت سگے ایں کیتے اُنہاں فرشتیاں کیتے آسمان تے کوُئی جاہ نہ رہی۔
9
۹۔ وڈا اژدھا جیہڑا کہ پرانا سَپ ہِے جیہڑا کہ ابلیس یا شیطان وی اکھویندے، اوہ ساری دُنیا کوُ دھوکا ڈیندا ہِے جینکوُ اوُندے فرشتیاں سمیت زمین تے سَٹ ڈِتا گیا۔
10
۱۰۔ وَل میں ہک وڈی آواز آسمان تھوں سُنی: ہُن نجات تے قدرت تے بادشاہی ساڈے خدا دی ہِے تے اوُندے مسیح دا اختیار ظاہر تھیا۔ اَتے جو ساڈے بھراواں تے الزام لیندے اوہ زمین تے سَٹ ڈِتا گیا۔ جو ساڈے خدا دے سامنے ڈیں تے رات اُنہاں تے الزام لیندا راہندا ہے
11
۱۱۔ اُنہاں نے بٗرہ دے لہو دے وسیلے نال تے اپنی گواہی دے ذریعے فتح پائی، اُنہاں نے اپنی زندگیاں نال پیار نئیں کیتا بلکہ موت گوارہ کیتی۔
12
۔ ہُن آسمانو تُساں خوشی مناؤ تے اوہ سارے جیہڑے اُتھاں راہندِے ہِن۔ پر اے خشکی تے سمندر تُہاڈے تے افسوس کیوں جو ابلیس تُہاڈے کول تھلے اُترا ہِے جو کہ نہایت غصے وِچ ہِے، کیوں جو اوہ جان دا ہِے کہ اوُندے کول بہوں تھوڑا ویلہ ہِے۔
13
۔ جڈاں اژدھا کوُ محسوس تھیا کہ اوہ زمین تے سَٹ ڈِتا گیا ہِے، تاں اوُں نے اوُں عورت دا پچھا کیتا۔ جئیں نے بال کوُ پیدا کیتا ہا۔
14
۱۴۔ اَتے اوُں کوُ ڈوُ عقاب دے پَر ڈِتے گئے، تاں جو اوہ اوُں جاہ بیابان اِچ سَپ دے سامنے توں اُڑ ونجے جو اوُندے کیتے تیار کیتی گئی ہا، تاکہ جتھاں اوُندی ہک زمانہ، وَل بئے زمانیاں تے اَدھے زمانے تک اوُندی پرورش کیتی ویسی۔
15
۱۵۔ اَتے اژدھا دے مُنہ اِچوں پانی نکلیا جیویں دریا، ایہہ سیلاب ہا جیہڑا اوُں عورت کوُ گھیلیندا گیا۔
16
۱۶۔ پر زمین نے اِیں عورت دی مدد کیتی۔ اِیں نے اپنا مُنہ کھولیا تے دریا کوُ نگل گِئی جئیں پانی کوُ اژدھا نے اپنے مُنہ اِچوں کڈھیا ہا۔
17
۱۷۔اَتے اوں وڈے سپ کو تریہمت تے بہوں غصہ آیا تے اوں دی باقی اولاد نال جیہڑی خدا دے حکماں تے عمل کریندی ہے تے یسوع دی گواہی ڈیون کیتے قائم ہےلڑن کو گیا "
18
۱۸۔وَل اژدھا کنارے دی ریت تے کھڑا تھی گیا۔