¹ ۱۔ مطلب ایہہ ہِے میڈے بھراؤ! خداوند اِچ خوش راہو۔ہِک ای گالھ بار بار تُہاکوُ لکھن اِچ میکوُ تاں کجھ دِقّت نئیں اَتے تُہاڈی اَیندے وِچ حفاظت ہِے۔ ² ۲۔ کُتیاں کولوں خبردار راہو۔ کٹواون آلیاں کولوں خبردار راہو۔ ³ ۳۔ کیونکہ طہور کرواون آلے تاں اساں ہئیں جو خدا دے روُح دی ہدایت نال عبادت کریندے ہئیں اَتے مسیح یسوع تے فخر کریندے ہئیں اَتے جسم دا بھروسا نئیں کریندے۔ ⁴ ۴۔ بھاویں میں جسم دا بھروسا وی نئیں کر سگدا ہاں اگر کئیں بئے کوُ جسم تے بھروسا کرن دا خیال ہوے تاں میں اوُندے توں وی زیادہ کر سگدا ہاں۔ ⁵ ۵۔ اٹھویں ڈِیں میڈی طہور تھئی۔ اسرائیل دی قوم تے بنیمین دے قبیلے دا ہاں۔عبرانیاں دا عبرانی۔ شریعت دے اعتبار نال فریسی ہاں۔ ⁶ ۶۔ جوش دے اعتبار نال کلیسیا کوُ ستاون آلا۔ شریعت دی راستبازی دے اعتبار نال بےعیب ہامی۔ ⁷ ۷۔ پر جتنی وی شئیاں میڈے نفع کیتے ہَن اُنہاں ہی کوُ میں مسیح دی خاطر نقسان سمجھ گِدے۔ ⁸ ۸۔ بلکہ میں اپنے خداوند یسوع مسیھ دی پہچان دی وڈی خوبی دے پاروُں ساریاں شئیاں کوُ نقصان سمجھدا ہاں۔ جیندی خاطر میں ساریاں شئیاں دا نقصان چاتے اَتے اُنہاں کوُ کوُڑا سمجھدا ہاں تاں جو مسیح کوُ حاصل کراں۔ ⁹ ۹۔ اَتے میںاوُندے وِچ پایا ونجاں۔ نہ اپنی اوُں راستبازی دے نال جیہڑی شریعت دی طرفوں ہِے بلکہ اوُں راستبازی دے نال جیہڑی مسیح تے ایمان گھن آون دے پاروُں ہِے اَتے خدا دی طرفوں ایمان نال مِلدی ہِے۔ ¹⁰ ۱۰۔ اَتے میں اوُں کوُ اَتے اوُں دے زندہ تھیون دی قدرت کوُ تے اوُں دے نال ڈُکھاں ا،چ شامل تھیون کوُ معلوم کراں اَتے اوُندی موت نال نسبت پیدا کراں۔ ¹¹ ۱۱۔ تاں جو کئیں طرح مُردیاں وِچوں زندہ تھیون دے درجے تاک پہنچاں۔ ¹² ۱۲۔مطلب ایہہ نئیں کہ میں پا چُکا ہاں یا کامل تھی گیا ہاں بلکہ اوُں شئے دے پکڑن کیتے بھجدا ہویا ویندا ہاں جیندے کیتے مسیح یسوع نے میکوُ پکڑیا ہا۔ ¹³ ۱۳۔ اَے بھراؤ! میڈا ایہہ خیال نئیں کہ پکڑ چُکیا ہاں بلکہ سرف ایہہ کریندا ہاں کہ جیہڑیاں شئیاں پچھوں رِہ گئیِن اُنہاں کوُ بھُل کے اَگے دی شئیاں دے پاسے ودھدا ویندا ہاں۔ ¹⁴ ۱۴۔ نشان دے پاسے دوڑیا ہویا ویندا ہاں تاں جو اوُں انعام کوُ حاصل کر گھناں جیندے کیتے خدا نے میکوُ مسیح یسوع اِچ اُتے سَڈیا ہِے۔ ¹⁵ ۱۵۔ پس ساڈے وِچوں جتنے وی کامل ہِن ایہو خیال رکھن اَتے اگر کئیؐ گالھ وِچ تُہاڈا کوُئی بئیا خیال ہووے تاں خدا اوُں گالھ کوُ وی تُہاڈے تے ظاہر کر ڈیسی۔ ¹⁶ ۱۶۔ بہرحال جتھوں تائیں اساں پہنچے ہئیں اوُندے مطابق چلوُں۔ ¹⁷ ۱۷۔ اَے بھراؤ! تُساں سارے مِل کے میڈی کار بنو اَتے اُنہاں بندیاں کوُ سُنجان رکھو جیہڑے اِیں طرح چلدے ہِن جیں دا نمونہ تُساں ساڈے وِچ ڈیدھے ہیوے۔ ¹⁸ ۱۸۔ کیونکہ بہوُں سارے ایہو جئے ہِن جیندا ذکر میں تُہاڈے نال بار بار کیتے اَتے ہُن وی رو رو کے آدھا ہاں کہ اوہ اپنے چال چلن دے پاروُں مسیح دی صلیب دے دُشمن ہِن۔ ¹⁹ ۱۹۔ اُنہاں دا انجام ہلاکت ہِے۔ اُنہاں دا ڈھِڈ ہی خدا ہِے۔ اوہ اپنی شرم دیاں گالہیں تے فخر کریندِن اَتے دُنیا دی شئیاں دی خیال اِچ راہندِن۔ ²⁰ ۲۰۔ پر ساڈا وطن آسمان تے ہِےاَتے اساں ہِک مُنجی یعنی خداوند یسوع مسیح دے اُتھوں آون دے انتظار اِچ ہئیں۔ ²¹ ۲۱۔ اوہ اپنی اوُں قوت دی تاثیر دے موافق جئیں توں ساریاں شئیاں اپنے تابع کر سگدے ساڈی پست حالی دے بدن دی شکل بدل کے اپنے جلال دے بدن دی صورت تے بناسی۔