1
۱۔ وَل اوہ کشتی وِچ بہہ کے پار گیا تے اپنے شہر وچ آیا۔
2
۲۔ اَتے ڈیکھو لوگ ہک فالج آلے بندے کوُ کھٹ تے چا کے اوُندےکول گھن آئے۔ یسوع نے اُنہاں دا ایمان ڈیکھ کے فالج آلےکُوں آکھیا پُتر (خاطر جمع) رکھ تیڈے گناہ معاف تھی گئے۔
3
۳۔ وَل ڈیکھو کئی فقیہاں نے اپنے دِ ل اِچ آکھیا اے کفُر آدھا ہِے۔
4
۴۔ یسوع نے اُنہاں دے خیال جان کے آکھیا کہ تُساں کیوں اپنے دِلاں وِچ بُرے خیال گھن آندے وے؟۔
5
۵۔ سوکھا کیا ہے۔ ایہہ آکھناں کے تیڈے گناہ معاف تھی گئے یا ایہہ آکھنا کہ اُٹھ تے ٹُر پھِر؟۔
6
۶۔ اِیں کیتے کہ تُساں جان گھِنو کہ ابنِ آدم کُوں زمین تے گناہ معاف کرن دا اختیار ہے۔اوُں نے فالج آلے بندے کُوں آکھیا کے اپنی کھٹ چا تے اپنے گھر لگا ونج۔
7
۷۔ ول او اُٹھی کے اپنے گھر لگا گیا۔
8
۸۔ لوگ ایہہ ڈیکھ کے ڈر گئے تے خدا دی تعریف کریندے راہے جئیں بندیاں کُوں اے اختیار ڈِتا۔
9
۹۔ یسوع نے اُوں جاہ توں اَگے وَدھ کے متی ناں ہک بندے کوُں مصول چونگی تے بیٹھے ڈِٹھا تے اوُں کوُں آکھیا میڈے پیچھوں آ۔ اوہ اُٹھی کے اوُندے پچھوں تھی پیا۔
10
۱۰۔ جیہڑے ویلے اوہ گھر وِچ ٹُکر کھاون بیٹھا ہا تاں ایویں تھیا کہ بہوں سارے محصول گھِنن آلے تے گنہگار یسوع تے اوُندے چیلیاں نال ٹکر کھاون بیٹھے۔
11
۱۱۔ فریسیاں نے ایہہ ڈیکھ کے اوُندے چیلیاں کُوں آکھیا کہ تُہاڈا اُستاد محصول گھِنن آلیاں تے گنہگاراں دے نال کیوں کھاندا ہِے؟۔
12
۱۲۔ یسوع نے اے سُن کے آکھیا کہ تگڑیاں کُوں ڈاکٹر دی کوئی لوڑ نہیں بلکہ بیماراں کوُں ہِے۔
13
۱۳۔ پر تُساں ونج کے ایندےمعنی گولو کہ میں قربانی نئیں بلکہ رَحم پسند کرینداں ہاں کیونکہ میں دینداراں کوُ نئیں بلکہ گنہگاراں کوُ سَڈن آیا ہاں۔
14
۱۴۔اوُں ویلے یوحنا دے چیلیاں نے اوُندے کول آکے آکھا کیا وجہ ہِے کہ اَساں تے فریسی اکثر روزہ رکھیندے ہئیں تے تیڈے چیلے روزہ نئیں رکھیندے؟۔
15
۱۵۔ یسوع نے اُنہاں کُوں آکھیا کہ جڈاں تائیں گھوٹ اُنہاں دے نال ہے غم منا سگدِن؟ پر اوہ ڈیں آسن کہ گھوٹ اُنہاں کولُوں اَنج کیتا ویسی۔ اوُں ویلے اوہ روزہ رکھ سن۔
16
۱۶۔ نویں کپڑے دی ٹاکی پُرانے کپڑے تے کوُئی نیں لیندا کیونکہ اوہ ٹاکی کپڑے کولُوں اَنج تھی ویسی تاں کپڑا پہلے کولُوں زیادہ پھٹ ویندا ہِے ۔
17
۱۷۔ اَتے نویں مے پُرانی مَشکاں وِچ نئیں بھریندے اگر او ایویں کریسن تاں مشکاں پھٹ ویسن تے مے وَٹی ویسی تے مشکاں تباہ تھی ویسن ایندے بجائے نویں مے نویاں مشکاں اِچ بھرن تاں اوہ ڈوویں بچیاں راہندِن۔
18
۱۸۔ اوہ اُنہاں کُوں اے آدھا پیا ہا کہ ڈیکھو ہک سردار آیا تے اُوں کُو سجدہ کیتا تے اوُں کُو آکھیا میڈی دھی ہالی ہُن موئی ہِے پر تُساں چل کے اوُندے تے اپنا ہتھ رَکھیسیں تاں اوہ زندہ تھی ویسی۔
19
۱۹۔ یسوع اُٹھی کے اپنے چیلیاں دے نال اُوندے پچھوں تھی پیا۔
20
۲۰۔ اَتے ڈیکھو ہک تریمت نے جیندے بارہ سالاں تُوں خون وگدا ہا اوُں دے پچھوں اوُندے کپڑیاں دی نُکر کُوں ہتھ لایا۔
21
۲۱۔کیونکہ اوہ اپنے جی اِچ آدھی ہائی کہ اگرصرف اوُندے کپڑیاں کوُ ہتھ لا گھنساں تاں چنگی تھی ویساں۔
22
۲۲۔ یسوع نے مُڑ کے اوُندے وَل ڈِٹھا تے آکھیا دھیئے حوصلہ رکھ۔ تیڈے ایمان نے تیکوں چنگا کر ڈِتا ہِے تاں اوہ تریمت اوُں ویلے ای چنگی تھی گئی۔
23
۲۳۔ جیہڑے ویلے یسوع وڈیرے دے گھر آیا تے اُتھاں بانسری وجاون آلیاں کوُں تے لوگاں کو شور کریندے ہوئیاں ڈِٹھا۔
24
۲۴۔ تاں یسوع آکھن لگے پرے تھی ونجو کیوں جو چھویر موئی نیں بلکہ سُتی پئی ہے۔ اوہ اوُندے تے کھلن لگ پئے۔
25
۲۵۔ پر جیہڑے ویلے لوگاں کُوں باہر کڈ ڈِتا گیا تاں اوُں اندر ونج کے اوُں چھویر دا ہتھ پکڑے تے اوہ اُٹھ گئی۔
26
۲۶۔ اِیں گال دی خبر اوُں سارے علاقے وچ پھیل گئی ۔
27
۲۷۔ جیہڑے ویلے یسوع اَگے آیا تاں ڈو اَ نھے اوُندھا پیچھا کیتا اَتے اوہ ایہہ آدھے ہوئے کہ اے ابنِ داؤد ساڈے تے رَحم کر۔
28
۲۸۔ وَل جیہڑے ویلے یسوع گھر وِچ آیا تاں اوہ انھے اُوندھے کول آئے یسوع نے اُنہاں کُوں آکھیا کہ کیا تُساں ایمان رکھیندے ہیو ے کہ میں ایہہ کر سگدا ہاں اُنہاں نے اوُں کوُں آکھیا ہاں اے خُداوند۔
29
۲۹۔ وَل یسوع نے اُنہاں دی آکھیاں کُوں ہتھ لایا تے آکھیا بئی تُہاڈے ایمان دے مطابق تُہاڈے نال تھیوے۔
30
۳۰۔ اَتے اُنہاں دی اکھیاں کھُل گنیاں وَل یسوع نے سختی دے نال اُنہاں کُوںحکم ڈِتا تے آکھیا ڈیکھو کوئی وی ایندےبارے جانن نہ پاوے۔
31
۳۱۔ پر اُوں ڈو بندیاں نے باہر ونج کے اینں ساری خبر کوُں پورے علاقے وچ ڈس ڈِتا۔
32
۳۲۔ جیویں ہی او ڈوہیں بندے ویندے پئے ہن ڈیکھو ہک گونگا جیہڑا بدروح دے ہتھاں اِچ ہا اوُں کوُ یسوع دے کول گھن آئے۔
33
۳۳۔ جیہڑے ویلے بدروح کڈھ ڈِتی گئی تاں گونگا بندہ علواون لگ پیا اَتے لوگ بہوں حیران تھئے تے آکھن لگے کہ اسرائیل وِچ ایویں پہلے نہیں ڈِٹھا گیا۔
34
۳۴۔ پر فریسی اے آدھے پئے ہن کہ اے تاں بدروحاں دے سردار دی مدد نال بدروحاں کوُ کڈھیندا ہِے۔
35
۳۵۔ اَتے یسوع سارے شاہراں تے پِنڈاں وِچ پھردا ریہا یسوع اُنہاں دے عبادت خانیاں وِچ تعلیم ڈیندا تے بادشاہی دی خوشخبری ڈینڈا ریہا اَتے اُنہاں کُوں ہرقسم دی بیماریاں تُوں چنگا کریندا ریہا۔
36
۳۶۔ اَتے جیہڑے ویلے یسوع نے اُنہاں بندیاں کوُ ڈِٹھا تے اُنہاں تے ترس آیا کیوں جو اوہ ڈُکھ وِچ ہن او ایہو جئے ہن جیویں بھیڈاں آجاٹری دے بغیر ہوون تے جنہاں دا بہوں بُرا حال ہوئے۔
37
۳۷۔ وَل اوں نے اپنے چیلیاں کوُ آکھیا فصل تاں بہوں ہِے پر مزدور گھٹ ہِن۔
38
۳۸۔ اِیں کیتے فصل دے مالک دی منت کرو کہ اوہ اپنی فصل کیتے مزدور گھلے۔