1
۱۔ وَل یسوع نے بارہ چیلیاں کوُ اپنے کول سَڈا کے اُنہاں کُوں پلید روُحاں تے اختیار ڈِتا کہ اُنہاں کوُ کڈھن تے ہر قسم دے روگاں تے ہر طرح دی کمزوری کوُ دوُر کرن۔
2
۲۔ اُنہاں بارہ چیلیاں دے ناں اے ہِن۔ پہلا شمعون جیہڑا پطرس اکھویندا ہِے اَتے اُوندا بھرا ا ندریاس. زبدی دا پُتر یعقوب تے اوندا بھرا یوحنا ۔
3
۳۔ فلپس تے برتلمائی۔ توما تے متی چوُنگی گھنن آلا۔
4
۴۔ حلفئی دا پُتر یعقوب تے تدی۔ شمعون قنانی تے یہودا اسکریوتی جئیں اوُں کوُں پکڑوا وی ڈِتا ہائی۔
5
۵۔ اِنہاں بارہ کوُ یسوع نے گھلیا تے اُنہاں کوُ حکم ڈِتا۔ کہ ڈوجھیاں قوماں دے پاسے نہ ونجنا۔اَتے سامریہ دے کئیں شاہر اِچ نہ ونجائے۔
6
۶۔ بلکہ اسرائیل دے گھرانے دی گُم تھیاں بھیڈاں کول ونجنا۔
7
۷۔ اَتے ٹُردے ٹُردے ایہہ مُنادی کرنا کہ آسمان دی بادشاہی نیڑے آ گئی ہَِے۔
8
۸۔بیماراں کوُں چنگا کرنا موئے ہوئیاں کو زندہ کرنا ۔ کوڑھیاں کو پاک صاف سُتھرا کرنا۔ تے ناپاک روحاں کُوں کڈھناں۔ تُہاکو مُفت مِلا ہے تے مُفت ڈیونا
9
۹۔ اپنی تھلیاں وِچ سونا یا چاندی نہ پیسے گھن ونجناں۔
10
۱۰۔ اپنے سفر دے کیتے سامان نہ گھن ونجناں نہ ہی ڈوُ ڈوُ چولے نہ جوتیاں تے نہ سوٹی کیونکہ مزدور اپنی مزدوری دا حق دار ہے۔
11
۱۱۔ وَل جئیں شاہر یا دیہات وچ تُساں ویندے ہیوئے گولو کہ کوئی ایں لائق ہے تے اپنی واپسی تک اُتھائیں راوآئے۔
12
۱۲۔ جیہڑے ویلے تُساں گھر وِچ وڑ وے ویلے اُنہاں وی سلامتی منگو۔
13
۱۳۔ اگر اوہ گھر اِیں لائق ہے تاں تُہاڈا سلام اوُں کوُ پہنچے اَتے اگر اوہ ایں لائق نئیں تاں تُہاڈا سلام تُہاڈے وَل مڑ آوے۔
14
۱۴۔ اَتے اگر کوئی تُہاکوں قبول نہ کرے تے تُہاڈیاں گالہیں نہ سُنے تاں اوُں گھر یا شاہر وِچوں بارھوں نکلدے ویلے اپنے پیراں دی مٹی چھنڈ ڈیوائے۔
15
۱۵۔ میں تُہاکوُں سچ آدھا ہاں کے عدالت آلے ڈِیں اوُں شاہر دی نسبت سدوم تے عمورہ دے علاقے دا حال زیادہ برداشت دے لائق ہوسی۔
16
۱۶۔ ڈیکھو میں تُہاکوں بھجیندا ہاں جیویں بھیڈاں کوُ بھیڑیاں دے وِچ۔ وَل سپاں دے وانگوں چلاک تے کبوتراں دے وانگوں بھولے بنو۔
17
۱۷۔ پر بندیاں کوُلوں ہوشیار راہو اوہ تُہاکوُں عدالتاں دے حوالے کریسن تے اپنی عبادت گاہواں وِچ تُہاکوُں کوڑے مریسن۔
18
۱۸۔ اَتے تُساں میڈے پاروُں بادشاہواں تے وڈیریاں دے سامنے حاضر کیتے ویسو تاں جو اُنہاں دے تے غیر قوماں کیتے گواہی تھیوے۔
19
۱۹۔ پر جیہڑے ویلے اوہ تُہاکوُں پکڑواون تاں فکر نہ کرائے کہ اَساں کیا آکھسُوں کیونکہ جو کجھ تُہاکوں آکھنا ہوسی اوُں ویلے ای تُہاکوں ڈسا ڈِتا ویسی۔
20
۲۰۔ کیوں جو علاون آلے تُساں نیں بلکہ تُہاڈے باپ دا روُح ہِے جیہڑا تُہاڈے وچوں بولیندا ہے۔
21
۲۱۔ بھرا کُو بھرا قتل کرواون کیتےحوالے کریسی پُتر کوُ پیوُ۔ تے پُتر اپنے ماں پیوُ دے خلاف کھڑے تھی کے اُنہاں کُو مروا ڈیسن۔
22
۲۲۔وَل میڈے ناں دے پاروُں سارے لوگ تُہاڈے کولُوں نفرت کریسن پر جیہڑا آخیر تائیں برداشت کریسی اوہو نجات پاسی۔
23
۲۳۔ وَل تُہاکوں ہک شاہر اِچ تنگ کرن تاں ڈوجھے شاہر وِچ لگے ونجو کیوں جو میں تُہاکوُ سچ آدھا ہاں کہ تُساں اسرائیل دے سارے شاہراں وچ نہ پھر سگسو کہ ابنِ آدم آ ویسی۔
24
۲۴۔ چیلا اپنے اُستاد کولُوں وڈا نیں تھیندا ناں نوکر اپنے مالک کولُوں۔
25
۲۵۔ چیلے کیتے اے بہوں ہے کہ اوہ اپنے اُستاد آلی کار ہووے تے نوکر کیتے کے اوہ اپنے مالک آلی کار۔جیہڑے ویلے اُنہاں نے اپنے گھر دے مالک کُوں بُعلز بُول آکھیا تے وَل اُوندے گھر دے لوگاں کوُ کیوں نہ آکھسن؟۔
26
۲۶۔ اَتے اُنہاں کوُلوں نہ ڈرو کیونکہ کوئی شئے لُکی نئیں جیہڑی کھولی نہ ویسی تے نہ کوئی لُکی ہے جیکوں جانیا نہ ویسی۔
27
۲۷۔ جو کجھ میں تُہاکوں اندرھا ے وچ آدھا ہاں سوجھلے وِچ آکھو وَل جو کجھ تُساں کن وِچ سُندے ہیوے کوٹھیاں تے اُوندی منادی کرو۔
28
۲۸۔ جیہڑے بدن کُوں قتل کریندِن تے روح کوُں قتل نئیں کر سگدے اُنہاں کولوں نہ ڈرو بلکہ اوُندے کولُوں ڈرو جیہڑا بدن تے روُح ڈوہاں کُوں جہنم وِچ ہلاک کر سگد دا ہے۔
29
۲۹۔ کیا ہک پیسے دیاں ڈوُ چڑیاں نئیں وِکدیاں؟ تے اُنہاں وِچوں ہک وِی تُہاڈے باپ دی مرضی دے بغیر زمین نئیں ڈھے سگدی ۔
30
۳۰۔ بلکہ تہاڈے سِر دے وال وی سارے گنے ہوئے ہِن۔
31
۳۱۔ اَتے ڈرو نئیں تہاڈی قدر چڑیاں تُوں بہوں زیادہ ہے۔
32
۳۲۔ جیہڑا بندیاں دے سامنے میڈا اقرار کریسی میں وی اپنے باپ دے سامنے جیہڑا آسمان تے ہِے اُوندا اقرار کریساں۔
33
۳۳۔ پر جو کوئی بندیاں دے سامنے میڈا مُنکر تھیسی میں وی اپنے باپ دے سامنے جیہڑا آسمان تے ہے اُوندا مُنکر تھیساں۔
34
۳۴۔ اے نہ سمجھو بئی کہ میں زمین تے صُلح کرواون آیا ہاں صُلح کرواون نئیں ہتھوُں تلوار چلاواون آیا ہاں۔
35
۳۵۔ کیوں جو میں ایں کیتے آیا ہاں کہ بندے کُوں اُوندے پیوُ تھوں تے دھی کوُں اوندی ماں تھوں اَتے نونہہ کوُ اوندی سَس کولُوں اَینج کراں۔
36
۳۶۔ آدمیاں دے دشمن اُوندے گھر ہی دے لوگ ہوسن۔
37
۳۷۔ جیہڑا پیوُ یا ماں کُو میڈے کولُوں زیادہ عزیز رکھیندا ہِے اوہ میڈے لائق نئیں اَتے جیہڑا کوُئی پُتر یا دھی کُوں میڈے کولُوں زیادہ عزیز رکھیندا ہِے اوہ میڈے لائق نیں۔
38
۳۸۔ اَتے جیہڑا کوئی اپنی صلیب نہ چاوے تے میڈے پچھوں نہ آوے او میڈے لائق نیں۔
39
۳۹۔ جیہڑا کوئی اپنی جان کوُ بچیندا ہِے اوُں دے کولوں اوہ کھُس ویسی اَتے وَل جیہڑا میڈی خاطر اپنی جان ونجیسی اوہ اپنی جان بچا گھنسی۔
40
۴۰۔ جیہڑا تُہاکوں قبول کریندا ہِے اوہ میکوُں قبول کریندا ہِے اَتے جیہڑا میکوُں قبول کریندا ہِے اوہ میڈے گھلن آلے کُوں قبول کریندا ہِے۔
41
۴۱۔ جیہڑا نبی دے ناں تھوں نبی کوُں قبول کریندا ہِے اوہ نبی دا صلہ پاسی۔ وَل جیہڑا دیندار دے ناں تُھوں دیندار کو قبول کریندا ہِے اوہ دینداری دا صلہ پاسی۔
42
۴۲۔ اَتے جیہڑا کوئی چیلے دے ناں تُھوں اِنہاں نکیاں وِچوں کئیں کوُں ہک پیالہ ٹھنڈا پانی پلاسی میں تُہاکوں سچ آدھا ہاں اوہ اپنا صلہ ہرگز نہ گوانسی۔