1
۱۔ جڈاں یسوع اپنے بارہ چیلیاں کوُں حکم ڈے ڈِتا تاں ایویں تھیا کہ اوہ اُتھوں لگا گیا تاں جو ڈوجھے شاہراں دے وِچ تعلیم ڈیوے تے منادی کرے۔
2
۲۔ اَتے یوحناؔ نے قید خانے دے وِچ مسیح دے چنگے کماں دے بارے وچ سُن کے اپنے چیلیاں دی رائیں پچھوا گھلیا۔
3
۳۔ کہ آون آلا توں اِیں ہِے جیہڑا آون والا ہِے یا اساں کئیں ڈوجھے دی راہ ڈیکھوں؟۔
4
۴۔ یسوع نے انُہاں کوُں جواب ڈِتا تے آکھیا کہ جو کجھ تُساں سُن دے ہیوے اَتے ڈیدھے ہیوےونج کے یوحنا کو خبر ڈیوو۔
5
۵۔ کہ انہے ڈیدھے ہِن تے لنگڑے چلدے ٹُردے ہِن تے کوڑھی پاک صاف کیتے ویندِن ڈورے سن دے ہِن اَتے مُردے جیوندے کیتے ویندِن تے غریباں کوُں خوشخبری سنائی ویندی ہِے۔
6
۶۔ اوہ بھاگاں والے ہِن جیہڑے میڈے پاروں تُھڈا نہ کھاون۔
7
۷۔ جیہڑے ویلے او بندے اپنی راہ تے لگے گئے تاں یسوع نے یوحنا دی بابت لوگاں کوُں آکھنا شروع کیتا کہ تُساں بیابان دے وِچ کیا ڈیکھن گئے ہاوے؟ کیا ہوا دے نال ہلدے ہوئے کانے کوں۔
8
۸۔ تاں وَل تُساں کیا ڈیکھن گئے ہاوے؟ کیا اوُں بندے کوُں جئیں چنگے تے مہانگےکپڑے پاتے ہووون؟ اے سچی گالھ ہِے بئی جیہڑے بندے چنگےکپڑے پاندے ہِن او بادشاہواں دے محل اِچ راہندِن۔
9
۹۔ تُساں وَل کیوں گئے ہاوے؟ کیا ہِک نبی کوُں ڈیکھن کیتے؟ ہاں میں تہاکوُں آدھا ہاں بلکہ نبی کولوں وی وڈے کوُ۔
10
۱۰۔ اے اوہو جنیدے بارے وِچ لکھا لاتھے کہ ڈیکھو تہاڈے اگوں ہِک پیغمبر بھجیندا پیا ہاں جیہڑا تہاڈے اگوں تہاڈا راہ سِدھا کریسی۔
11
۱۱۔ میں تہاکوں سچ آدھا ہاں کہ جتنے وی سوانیاں تھوں جمے ہِن اُنہاں وچوں کوُئی وی یوحنا بپتسمہ ڈیون آلے تھوں وڈا کوئی نہیں پر جو آسمان دی بادشاہی وچ جیہڑا سب کولوں نکا ہِے اوہ اوندے کولوں وڈا ہِے۔
12
۱۲۔ تے وَل یوحنا بپتسمہ ڈیون آے دے ڈینہ تھوں چل کے اَج تائیں آسمان دی بادشاہی تے زور تھیندا رہ گئیے اَتے زور آور اوُں کوُ چھِک گھندِن۔
13
۱۳۔کیوں جو سارے نبیاں تے شریعت نے یوحنا تک نبوت کیتی ہِے۔
14
۱۴۔ اَتے وَل تُساں چاہو تا اِیں کوُ من گھِنو۔ ایلیاہ جیہڑا آون آلا ہا ایہو ہِے۔
15
۱۵۔ اَتے جیندے سنن آلے کن ہوؤن اوہ سن گھِنے۔
16
۱۶۔ اَتے میں ہن ایندی نسل دی برابری کیندے نال کراں؟ اے تاں اوُں بالاں وانگوں ہِن جیہڑے بازار دے وِچ بیٹھے ہوئے اپنے دوستاں کوُ سَڈ کے آدھے ہِن۔
17
۱۷۔ اَساں تُہاڈے کیتے بانسری وجائی تے تُساں نَچے وی ناں۔ اساں ماتم کیتے تے تُساں اَپنے سینے تے ہتھ نہ مارے۔؟
18
۱۸۔ کیوں جو یوحنا ٹُکر کھاون تے شراب پیون تاں نہ آیا ہا تے پر اوہ آدھے ہِن ایندے وچ بدروح ہِے۔
19
۱۹۔ ابنِ آدم کھاندا پیندا ہویا آیا اَتے اوہ آدھِن ڈیکھو کھاؤ تے شرابی ہِے۔ چونگی گھنن آلے گنہگاراں دا یار! پر حکمت اپنے کماں تھوں سچی ثابت تھئی۔
20
۲۰۔ اوہ اُنہاں شاہراں کوُ پھٹکارن لگا جتھاں اوُں نے بہوں سارے معجزے کیتے ہَن کیوں جو انہاں نے توبہ نئیں کیتی کہ۔
21
۲۱۔ تیڈے اُتے افسوس ہِے خُرازین! تیڈے اُتے افسوس ہِے اِے بیت صیدا! اگر اے معجزے صور تے صیدا وِچ تھیون ہا تاں اوہ ٹاٹ پا کے تے مٹی اِچ بیہہ کے کَڈَن دی توبہ کر گھِیندے۔
22
۲۲۔ اَتے میں تُہاکوں آدھا ہاں کہ عدالت دے ڈینہ صور تے صیدا دا حال تُہاڈے حال کولوں زیادہ برداشت دے لائق ہوسی۔
23
۲۳۔ ٍاَتے اِے کفر نحوم! توُں کیا سوچیندا ہئیں کہ توں آسمان تایں اوُچا کیتا ویسیں؟ نئیں بلکہ توُں تاں عالمِ ارواح دے وچ اُتر ویسیں کیونکہ جیہڑے معجزے تیڈے وِچ تھئے اگر سدوم اِچ تھیون ہا تاں اوہ اَج تائیں قائم راہندا۔
24
۲۴۔ پر میں تہاکوں آدھا ہاں کہ عدالت دے ڈینہ سدوم دا علاقہ تہاڈے مقابلے وِچ بہوں سوکھ پاسی۔
25
۲۵۔ اوُں ویلے یسوع نے آکھیا اِے باپ میں تیڈی حمد کریندا ہاں آسمان تے زمین دے خداوند۔ کیوں جو توں اے گالہیں عقلمنداں تےسمجھ داراں تے ظاہر نہ کیتیاں پر اوہناں تے ظاہر کیتیاں جیہڑے بالاں دے وانگوں ہِن۔
26
۲۶۔ ہاں اَے باپ کیونکہ ایویں ای تیکوُ پسند آئے۔
27
۲۷۔ میڈے باپ دے پاروں سارا کجھ میڈے حوالے کیتا گیا ہِےتاں جو کوئی وی میڈے پُتر کو کوئی نہ جان دا ہاں سوائے باپ دے تے کوُئی باپ کوُ نئیں جان دا سوائے پُتر دے اَتے اوندے تے جنیدے اُتے پُتر ظاہر کرنا چاہندا ہووے۔
28
۲۸۔اے بھار دے چاون آلیو تے بہوں تھکے ماندے بندیو سارے میڈے کول آؤ میں تہاکوں آرام ڈیساں۔
29
۲۹۔ میڈا جوا اَپنے تے چا گھِنو اَتے میڈے کولوں سِکھو کیوں جو میں حلیم تے دِل دا عاجز ہاں تے تُہاڈیاں جاناں آرام پاسن۔
30
۳۰۔ کیونکہ میڈا جوا ملائم ہِے اَتے میڈا بوجھ ہولا تے نرم ہِے۔