1
۱۔ جیہڑے ویلے اوہ اوُں پہاڑ تھوں لتھا تاں بہوں وڈی بندیاں دی بھیڑ اوُں دے پِچھوں ٹُر پئی۔
2
۲۔ اَتے ڈیکھو ہِک کوڑھی آیا تے اوُں نے یسوع دے سامنے جھک کے آکھیا اے خداوند جے توں چاہیویں تاں توں میکوں پاک صاف کر سگدا ہئیں۔
3
۳۔ یسوع مسیح نے اپنا ہتھ ودھا کے اوُں کوُ اپنا ہتھ لایا تے اکھیا میں چاہندا ہاں کہ تو پاک صاف تھی ونج تے اوہ جلدی نال کوڑھ دی بیماری تھوں پاک صاف تھی گیا۔
4
۴۔ یسوع نیں اوُں کو آکھیا اِیں دے بارے کئیں کوُ نہ آکھیں بلکہ اپنے آپ کوُ کاہن کوُں ڈِکھا تے وَل نذرانہ پیش کر جیویں کہ بزرگ موسیٰ نے حکم فرمایا ہے جو ایں کیتے گواہی تھیوے۔
5
۵۔ جیہڑے ویلے یسوع کفر نحوم شاہردے وِچ گیا تے ہِک صوبیدار اوُں دے کول آیا تے اوُں دی منت کر کے آکھیا۔
6
۶۔ اے خداوند میڈے غلام کوُ فالج تھی گیا ہِے تے اوہ گھر دے وِچ بہوں ڈاھڈھی درد وچ پیا ھے ۔
7
۷۔ یسوع نے اوُں کوُ آکھیا کہ میں آساں تے اوُں کوُ ٹھیک کر ڈسیاں۔
8
۸۔ صوبہ دار نے جواب اِچ اوُں کوُ آکھیا وَل خداوند میں تاں اِیں لائق نئیں جو توں میڈی چھت دے تلے آویں توں صرف زبان نال ای آکھ ڈے تاں میڈا نوکر شفا پا ویسی۔
9
۹۔ کیوں جو میں وی ڈوجے دے حکم دے تابع ہاں اَتے سپاہی وی میڈے تابع ہِن میں ول اُنہاں وِچوں ہِک کوُں وی آکھاں کے ونج تاں او لگا ویسی تاں وَل ڈوجھے کوُ آکھاں آ تاں اوہ آ ویندے اَتے اَپنے نوکر کوُ کہ ایویں کر تاں اوہ کریندا ہِے۔
10
۱۰۔ یسوع اے سُن کے بہوں حیران تھیا تے جیہڑے اوُندے پچھوں آندے پئے ہَن اُنہاں کوُ آکھیا میں تہاکوں اے سچ آدھا ہاں کہ میں اسرائیل وِچ وِی ایہو جیہا ایمان نہیں ڈِٹھا۔
11
۱۱۔ اَتے وَل میں تہاکوں آدھا ہاں کہ بہوں سارے پورب تے پچھم تھوں آکے آسمان دی بادشاہی دی دعوت وِچ ابراہام تے اضحاق تے یعقوب دے نال شامل تھی ویسن۔
12
۱۲۔ پر بادشاہی دے پُتر جھکے اندھارے وِچ سَٹے ویسن۔ تے اُتھاں روونا تے ڈنداں دا پیسنا ہوسی۔
13
۱۳۔ یسوع نے صوبہ دار کوُں آکھیا لگا ونج جیویں تیڈا ایمان ہِے اوُیویں تیڈے کیتے تھیوے اِتے اوُں ویلے ای اوُں دا نوکرچنگا تھی گیا۔
14
۱۴۔ وَل یسوع پطرس دے گھر آیا تے پطرس دی سَس کوُں بخار وِچ ڈِٹھا۔
15
۱۵۔ یسوع نے اوُں کوُ ہتھ لایا تے اوُں دا بخار لہہ گیا اَتے اوہ اُٹھ کے کھڑی تھئی تے اوُں دی خدمت کرن لگی پئی۔
16
۱۶۔ جڈاں شام تھئی تاں اوُں دے کول بہوں سارے لوگاں کوُ یسوع دے کول گھن آئے جنہاں وِچ بدروھاں ہَن۔ اوُں نے اپنی زبان ای نال آکھ کہ بدروحاں کوُں کھڈ ڈِتا تے سارے لوگاں کوُ جیہڑے بیمار ہَن چنگا کر ڈِتا ۔
17
۱۷۔تاں ایویں اوہ سارا کجھ پورا تھیا جیہڑا یسعیاہ نبی دی رائیں آکھیا گیا ہا اوُں نے آپ ساڈی بیماریاں تے تکلیفاں کوُں اپنے اُتے چا گِدے۔
18
۱۸۔ جیہڑے ویلے یسوع نے بہوں بھیڑ کوُں اپنے اگوں پچھوں ڈِٹھا تاں ڈوجھے پاسے پار ونجن دا حکم ڈِتا۔
19
۱۹۔ ہک فقیہ نے کول آ کے اوُں کوُآکھیا اے استاد توں جتھاں وی ویسیں میں تیڈے پچھوں چلساں۔
20
۲۰۔ یسوع نے اوُں کوُ آکھیا لومڑیاں دے تاں بھٹ ہوندِن تے آسمانی پکھیاں دے آہلنے پر اِبنِ آدم کیتے سرلکاون دی وی جاہ کئے نہیں۔
21
۲۱۔ وَل ہِک بئے چیلے نے آ کے اوُں کوُ آکھیا خداوند میکوں اجازت ڈے کہ پہلے ونج کے اپنے پیو کوُں دفن کر آواں۔
22
۲۲۔ یسوع نے اوُں کوُ آکھیا توں میڈے پچھے ٹُر اَتے مُردیاں کوُں اپنے مُردے دفن کرن ڈے۔
23
۲۳۔ جیہڑے ویلے یسوع کشتی دے وِچ چڑھ گیا تاں اوُں دے چیلے وی اوندے نال کشتی اِچ آگئے۔
24
۲۴۔ اَتے ڈیکھو جھیل اِچ ہِک وڈا طوفان آیا تے کشتی پانی وِچ لُک گئی پر اوہ سُتا پیا ہا۔
25
۲۵۔ چیلے اوُں دے کول آئے تے اوُں کوُں جگایا تےآکھیا اے خداوند ساکوں بچا! نئیں تاں اَساں مر ویسوں ۔
26
۲۶۔ یسوع نے اُنہاں کو آکھیا اے گھٹ ایمان رکھن آلیو ڈردے کیوں ہیوے؟ وَل اوُں اُٹھی کے ہوا تے پانی کوُ جھڑکیا تے بالکل چپ تھی گئی۔
27
۲۷۔ بندے وڈے حیران تھئے تے آکھن لگے کہ اے کیہو جیا بندہ ہِے کہ جیندا ہوا تے پانی وی حکم منیندے ہِن؟
28
۲۸۔ جیہڑے ویلے یسوع گدرِینیاں دے مُلک وِچ آیا تے ڈوُ بندے جیہڑے بدروحاں دے قبضے وِچ ہَن اوُں کوُں ملے اوہ قبراں دے علاقے وِچ راہندے ہَن۔ اوہ بہوں خطرناک ہِن اِیں پاروں کوُئی وی اوُں راہ تھوں لنگھ نہ سگدا ہا۔
29
۲۹۔ تاں ڈیکھو اُنہاں نے بہوں شور گھتیا تے آکھیا اے خدا دے پُتر ساکوُں تیڈے نال کیا کم ہِے؟ کیا توں ساکوں ویلے تھوں پہلے عذاب اِچ سَٹن آیا ہئیں؟۔
30
۳۰۔ اُنہاں کولوں کجھ دور سوراں دا ہِک وڈا اِجڑ اُتھاں چرن اِچ مصروف ہا۔
31
۳۱۔ وَل بدروُحاں نے یسوع دی منت کر کے آکھیا جے توں ساکوں کڈھیندیں تاں توں ساکوُں اِیں سوراں دے اِجڑ وِچ ونجن ڈے۔
32
۳۲۔ یسوع نے اُنہاں کوُں آکھیا ونجو۔ اَتے اوہ بدروُحاں نکل کے سوراں دے وِچ لگیاں گیاں تے وت ڈیکھو سارا اِجڑ اُچی پہاڑی تھوں چھال مار کےجھیل دے وِچ ڈھے پیا تے او پانی وچ ڈب کے مَر گیا۔
33
۳۳۔ اوہ بندے جیہڑے سور چریندے ہَن بھج کے شہر وِچ گئے تے انہاں نے سارا کجھ ڈسیا تے خاص طور تے اُنہاں بندیاں دے بارے جیہڑے بدروحاں دِے قبضے وچ ہَن۔
34
۳۴۔ اَتے ڈیکھو سارا شہر یسوع کوُں ملن کیتے نکلیا تے اوُں کوُ ڈیکھ کے اوُندی منت کیتی کہ ساڈے علاقے وِچوں نکل ونج۔