1
۱۔ عیب جوئی نہ کرو تاں جو تہاڈی وی عیب جوئی نہ کیتی ونجے۔
2
۲۔ کیونکہ جیویں تُساں عیب جوئی کر یندے ہیوے اوُں وے ای تہاڈی وی عیب جوئی کیتی ویسی اَتے جیہڑی ترکڑی دے نال تُساں تولیندے ہیوے اوُں دے نال ای تُہاڈے کیتے وی تولا ویسی۔
3
۳۔ توں کیوں اپنے بھرا دی اِکھ دے ککھ کوُں ڈیدھا ہئیں اِپنی اَکھ دے شہتیر وَل غور کیوں نئیں کریندا
4
۴۔ اَتےٍ جڈاں تیڈی ہی اَکھ اِچ شہتیر ہِے تاں توُں اپنے بھرا کول کیویں آکھ سگدِیں کہ آ میں تیڈی اَکھ دے وچوں ککھ کوُں کڈھ ڈیواں؟ ۔
5
۵۔ اے ریاکار پہلے اپنی اَکھ دا ککھ تاں کھڈ تاں وَل توں اپنے بھرا دی اَکھ وچوں ککھ کوُ چنگی طرح ڈیکھ کے کڈھ سگسیں۔
6
۶۔ پاک شئیاں کُتیاں کوُں نہ ڈیوو تے اپنے موتی سوؤراں دے اگوں نہ سَٹو۔ اے ناں تھیوے کہ اوہ اُنہاں کوُں پیراں دے تلےگھیلن تے وَل مُڑ کے اوہ تہا کوُں وی پھاڑ ڈیون ۔
7
۷۔ منگو تاں تُہاکوں ڈِتا ویسی۔ گولیسو تاں لبھ ویسی۔ کھٹکھٹاسو تاں تُہاڈے کیتے کھولا ویسی۔
8
۸۔ کیونکہ جیہڑا کوُئی منگدا ہِے اوُں کُو مِلدا ہِے اَتے جیہڑا گولیندے اوُں کوُ لبھ ویندے۔ اَتے جیہڑا کھٹکھٹاندا ہِے اوندے کیتے کھولا ویسی۔
9
۹۔ تہاڈے وِچوں اوہ کیڑھا بندہ ہِے جنیدا پُتر اوُندے کولوں ٹُکر منگے تے اوہ اوُں کوُں پتھر ڈیوے؟
10
۱۰۔ اگر اوہ مچھی منگے تاں اوہ اوُں کو سَپ ڈیوے؟
11
۱۱۔ جے تساں بُرے تھی کے وی اپنے بالاں کو چنگی شئیاں ڈیوناں چاہندے ہیوے تاں تہاڈا آسمانی باپ جیہڑا آسمان تے ہِے اپنے منگن آلیاں کوُں چنگیاں شئیاں کیویں نہ ڈیسی؟۔
12
۱۲۔ جو کجھ تُساں چاہندے ہیوے کہ لوگ تُہاڈے نال کرن تُساں وی اونہاں دے نال اوُں وے ای کرو کیونکہ توریت تے نبیاں دی تعلیم ایہو ہِے۔
13
۱۳۔ تنگ دروازے وِچوں لنگھو کیوں جے اوُؤ ای دروازہ چوڑا ہِے او رستہ کُھلا ہِے جیہڑا بربادی وَلے گِھن ویندا ہِے۔ اَتے اُوندے وِچوُں لنگھن آلے بہوں ہِن۔
14
۱۴۔کیونکہ سوڑا ھے اوہ دروازہ تے اوکھی ہِے اوہ راہ جیہڑی جندڑی دی طرف گِھن ویندی ہے بہو ں تھوڑے ہن اوُں کوُں پاؤن آلے۔
15
۱۵۔ کوُڑےنبیاں تھوں ہوشیار راہو جیہڑے بھیڈاں دے ہُلئیے وِچ تہاڈے کول آندِن پر اوہ اصل دے وِچ اندروں پھاڑن آلے بھیڑیے ہِن۔
16
۱۶۔ تساں اُنہاں دے گماں کولوں اُنہاں کوں سُنجان گھنسو ۔ کیا جھاڑیاں تھوں انگورتے اوُنٹ کٹاریاں تھوں انجیریں توڑیندے ہِن؟۔
17
۱۷۔ ایویں ای چنگا رُکھ چنگا پھل ڈیندا ہِے اَتے بُرا رُکھ بُرا پھل ڈیندا ہِے۔
18
۱۸۔ چنگا رُکھ بُرا پھل نئیں گِھن آندا اَتے نہ ای بُرا رُکھ چنگا پھل گِھن آندے۔
19
۱۹۔ جیہڑا رُکھ چنگا پھل نہیں گِھن آندا اوُں کوُ وڈھ ڈِتا ویندا ھے اَتے اوہ اَگ اِچ سٹَ ڈَتا ویندا ہِے۔
20
۲۰۔ تُساں اُنہاں کوُ انہاں دےپھلاں تھوں سیان ویسو۔
21
۲۱۔ جیہڑے میکوُں اَے خُداوند اَے خداوند آدھے ہِن اُنہاں وچوں ہر کوُئی خدا دی بادشاہی دے وِچ نہ ویسی پر صرف اوُہو لوگ جیہڑا میڈے باپ دی مرضی تے چلدا ہِے ۔
22
۲۲۔ اوُں ڈینہ بہوں سارے لوگ میکوں آکھسن کہ اے خداوند اے خداوند! کیا اَساں تیڈے ناں تھوں نبوت نہیں کیتی تے تیڈے ناں تھوں بدروحوہاں کوُں نئیں کڈھیا؟ تے اَتے تیڈے ناں تھوں بہوں سارے معجزے نہیں ڈِکھائے۔
23
۲۳۔ اوُں ویلے میں اُنہاں کوُ صاف آکھ ڈیساں کہ میڈی تُہاڈے نال کڈایں وی واقفیت نہ ہائی۔اے بدکارو میڈے کولوُں دوُر تھی ونجو۔
24
۲۴۔ ایں پاروں ہر ہِک جیہڑا میڈا کلام سن دا ہِے تے اوُں دے تے عمل کریندا ہِےاو اوُں سیانے بندے دی وانگوں ہوسی جئیں اپنا گھر چٹان دے اُتے بنایا ہِے۔
25
۲۵۔ وَل مینہ وسیا تے پانی چڑھیا تے اندھاریاں جُھلیاں اَتے اوُں کوُ ٹکراں وی لگیاں پر اوہ نہ ڈَٹھا کیوں جو اوُں دی نیو چٹان دے اُتے رکھی گئی ہا۔
26
۲۶۔ اَتے وَل ہر ہِک جیہڑا میڈا کلام سندا ہِے اَتے اوُں دے تے عمل نہیں کریندا اوہ اوُں کملے وانگوں ہِے جئیں اپنا گھر ریت تے بنایا ہِے۔
27
۲۷۔ اَتے مینہ وسیا تے پانی چڑھیا تے آندھاریاں جُھلیاں تے بڑے زور دے نال گھر نال ٹکرائیاں تے اوہ ڈِیہہ پیا تے وَل سارا برباد تھی گیا۔
28
۲۸۔ وَل ایویں تھیا کہ جیہڑے ویلے یسوع نے اپنی تعلیم ختم کیتی تاں بھیڑ اُنہاں دی تعلیم تھوں بہوں حیران تھئی
29
۲۹۔ کیوں جو اوہ اُنہاں کوُں فقیہیاں دی کارنہیں بلکہ ہِک اختیار رَکھن آلے دی کار تعلیم ڈیندا ہائی۔