1
۱۔ خبردار اپنے راستبازی دے کم لوگاں کُوں ڈیکھاون کیتے نہ کرو۔ نئیں تاں تُہاڈے باپ دی ترفوں جیہڑا آسمان دے اُتے ہِے کوُئی صلہ نہ ملیسی۔
2
۲۔ تُساں خیرات کریندے ہیوئے تاں اپنے اگوُں ڈھول نہ وجاؤ جیویں کے ریاکار اپنے عبادت خانہ تے کوچیاں وِچ کریندِن ایِں کیتے کہ لوگ اُونہاں دِی تعریف کرن میں تہاکُوں سچ آدھا ہاں کہ او اپنا صلہ پا چُکے ہِن۔
3
۳۔ ول جیہڑے ویلے تُساں خیرات کرو تاں جیہڑا کم تُہاڈا سجا ہتھ کریندا ہے اوُندا پتا تیڈے کھبے ہتھ کوُں نہ تھیوے۔
4
۴۔ تاں جو خیرات لُک کے ڈِتی ونجے کیوں جو تُہاڈا باپ جیہڑا لُک کے تہاکوُں ڈیدھا ہِے تُہاکوں اُوں دا صلہ ڈیسی۔
5
۵۔ جیہڑے ویلے تُساں دُعا منگو تے ریا کاراں دی وانگر نہ بنو کیوں جو اوہ اپنے عبادت خانیاں تے بازاراں دے موڑاں تے کھڑے تھی کے دُعا منگناں پسند کریندِن تاں جو لوگ اوہناں کو ڈیکھن۔ میں تُہاکُوں سچ آدھا ہاں کہ اوہ اپناں صلہ پا چُکے ہن۔
6
۶۔ ول جیہڑے ویلے تُساں دُعا منگو تاں اپنے کوٹھری اِچ دروازہ بند کر کے اپنے باپ کوُلوں دُعا منگو جیہڑا لُک کے ڈیدھا ہِے اوہ تیکو صلہ ڈیسی۔
7
۷۔ ول جیہڑے ویلے دعا منگو تاں ڈوجیہاں قوماں دے لوگاں دی طرح بَک بَک نہ کرو کیوں جو اوہناں دا اے خیال ہے کہ ساڈے بہوں زیادہ علواون دے نال ساڈی سُنی ویسی۔
8
۸۔ تُساں اُنہاں دی وانگر نہ بنو کیوں جو تُہاڈا باپ تُہاڈے منگن کولوُں پہلے جان دا ہِے کہ توُُساں کیہڑی کیہڑی شئے دے محتاج ہیوے ۔
9
۹۔ اِیں کیتے تُساں ایِویں دُعا کیتا کرو اَے ساڈے باپ تُو جو آسمان تے ہئیں تیڈا ناں پاک منیا ونجے۔
10
۱۰۔ تیڈی بادشاہی آوے تیڈی مرضی جیویں آسمان تے پُوری تھیندی ہِے زمین تے وی تھیوے۔
11
۱۱۔ ساڈی روز دی روٹی اَج ساکوُ ڈے۔
12
۱۲۔ ساڈے قرض (قصور) ساکوُں معاف کر جیویں اَساں اَپنے قرض داروں کوُں معاف کریندے ہئیں۔
13
۱۳۔ ساکوُں آزمائش اِچ نہ پوون ڈے ہتھوُں بُرائی کولُوں بچا (کیوں جوبادشاہی تے قُدرت تے جلال ہمیشہ تیڈے اِی ہِن۔آمین)۔
14
۱۴۔ اِیں کیتے کہ اگر تُساں لوگاں دے قصوُر معاف کریسو تاں تُہاڈا آسمانی باپ وی تُہاکوں معاف کریسی۔
15
۱۵۔ پر اگر تُساں لوگاں دے قصوُر معاف نہ کریسو تے تُہاڈا آسمانی باپ وی تُہاڈے قصوُر معاف نہ کریسی۔
16
اَتے جیہڑے ویلے تُساں روزہ رکھو تاں ریاکاراں وانگوں اپناں منہ اُداس نہ بناو کیوں جو اوہ اپنا منہ ویگڑیندِن کے لوگ اُنہاں کوُں روزہ دار جانن۔ میں تُہاکوں سچ آدھاں ہاں کہ اوہ اپناں صلہ پا چُکے ہِن۔
17
۱۷۔ تاں وَل جیہڑے ویلے تُوں روزہ رکھیں تے اپنے سر اِچ تیل پا تے اپنا منہ دھو۔
18
۱۸۔ تاکہ بندہ نیئں بلکہ تیڈا باپ جیہڑا تیکوُں علیحدگی ڈیدھا ہِے تیکوُ روزہ دار سمجھے- ایں صورت اِچ تیڈا باپ جیہڑا علیدگی اِچ ڈیدھا ہے تیکوُ صلہ ڈیسی۔
19
۱۹۔اپنے کیتے زمین تے مال کٹھا نہ کرو جِتھاں کیڑا تے زنگ خراب کریندِےتے چور پیندہ لگیدِن تے چوری کریندے ہِن۔
20
۲۰۔ بلکہ اپنا مال آسمان اُتے کٹھا (جمع) کرو جِتھاں نہ کیڑا خراب کریندے نہ زنگ تے نہ ہی چور چوری کر سگدے۔
21
۲۱۔ کیونکہ جتھاں تیڈا مال ہوسی اُتھاں تیڈا دِل وی لگا راسی۔
22
۲۲۔ بدن دا چراغ اَکھ ہے۔ ایں کیتے اگر تیڈی اَکھ چنگی اے تے تیڈا سارا بدن سوجھلے نال بھریا ہوسی۔
23
۲۳۔ پر اگر تیڈی اَکھ خراب ہےتاں تیڈا سارا بدن اندھا رے نال بھریا ہوسی۔ ول اگر اوہ سوجھلا جیڑا تیڈے اندر ہِے او اندھارا تھی ونجے تاں کیڈا وڈا اے اندھارا ہوسی!۔
24
۲۴۔ کوُئی بندہ وی ڈوُ مالکاں دی خدمت نئیں کر سگدِے یا تاں ہک نال نفرت کریسی تے ڈوجے نال محبت یا ہک نال مِلا راہسی یا ڈوجے کو کمتر ۔توُساں دولت تے خدا ڈوہاں دی خدمت نیں وے کر سگدے۔
25
۲۵۔ ایں کیتے میں تُہاکوُ آدھا ہاں اپنی زندگی دی فکر نہ کرنا کہ تُساں کیا کھا سو یا کے پیِسو؟ نہ اپنے بدن دی کہ اَساں کیاپاسوُں؟ کیا جان خوراک کولُوں تے بدن کپڑیاں کولوں وَدھ کے نئیں؟
26
۲۶۔ ہوا دے پنکھیاں کوُں ڈیکھو نہ اوہ وہیندِن تے نہ اوہ کپیندِن۔ نہ گودام وِچ کٹھا کریندِن تُہاڈا آسمانی باپ اُنہاں کُوں خوراک ڈینڈا ہے۔ وَل کیا تُہاڈی قدر اُنہاں کولُوں وَدھ نئیں؟۔
27
۲۷۔ تُہاڈے وِچوں ایہو جیہا کیہڑا ہِے جیہڑا فکر کر کے اپنی زندگی دا ہک لمحہ ودھا سگے ؟۔
28
۲۸۔ تُساں اپنے کپڑیاں دے بارے کیوں پریشان ہیوے؟ جنگلی سوسن دے رُکھاں کوُ غور نال ڈیکھو اوہ کیویں وَدھدے ہِن۔ اوہ نہ محنت کریندِن نہ اوہ کپڑے بنیندن۔
29
۲۹۔ تاں وی میں تُہاکوں آدھا ہاں کہ سلیمان اپنی ساری شان و شوکت دے تھیندے ہویاں اُنہاں دے وِچوں کئیں دی کار وی نہ ہا۔
30
۳۰۔ خدا میدان دی گھاہ کوُ جیہڑی آج ہے تے کل تندور وِچ سٹی ویسی ایہو جَے کپڑے پویندا ہِے تے اوہ تُہاکوں کیویں چنگے کپڑے نہ پویسی؟۔
31
۳۱۔ تاں وَل تُساں پریشان تھی کے ایہہ نہ آکھو کہ اساں کیا کھاسوُں یاکئی شئے پاسوُں؟۔
32
۳۲۔ کیونکہ اِنہاں ساریاں شئیاں دی فکر اِچ غیر قوماں راہندیاں ہن تے تُہاڈا آسمانی باپ جان دا ہے کہ تُہاکوں اِنہاں ساریاں شئیاں دی لوڑ ہے۔
33
۳۳۔ پر تُساں پہلے اوُندی بادشاہی تے دینداری دی تلاش کرو تے وَل ایہہ ساریاں شئیاں تُہاکوُں مل ویسن۔
34
۳۴۔ ایں کیتے کل دی فکر نہ کرو کل دا ڈینں اپنی فکر آپ کرگھنیسی۔ اَج کیتے اَج دا ڈُکھ کافی ہے۔