1
۱۔جڈاں سویر تھئی تاں سردار کاہناں تے قوم دے بزرگاں نے یسوع دے خلاف صلاح کیتی کہ اوُں کوُ مار سٹوُں۔
2
۲۔ اَتے اوُں کوُ بدھ کے گھِن گئے تے پیلاطُس دے دے حوالے چا کیتا۔
3
۳۔ جیہڑے ویلے اوُں دے پکڑاون آلے یہوداہ نے ایہہ ڈِٹھا کہ اوُں کوُ مجرم بنا ڈِتا گئے تاں اوہ بہوں پچھتایا اَتے تریہہ روپے سردار کاہناں تے بزرگاں دے کول واپس گھِن آیا تے آکھن لگا۔
4
۴۔ میں گُناہ کیتے کہ ہِک بےقصور کوُ قتل کیتے پکڑوائے اُنہاں نے آکھے ساکوُ کیاَ تُوں جان۔
5
۵۔ اَتے اوہ پیسیاں کوُ اوُں مَقدس اِچ سَٹ کے لگا گیا اوے ونج کے اپنے آپ کوُ پھا چا ڈِتے۔
6
۶۔ سردار کاہناں نے پیسے گھِن کے آکھے اِنہاں پیسیاں کوُ ہیکل دے خزانے وِچ پاونا چنگا نئیں کیوں جو ایہہ خون دی قیمت ہِے۔
7
۷۔ وَل اُنہاں نے مشورہ کر کے اُنہاں پیسیاں دے نال کُمہار دا کھیت پردیسیاں دے دفن کیتے گھِن گِدا۔
8
۸۔ ایں دے پاروُں اوہ کھیت اَج تائیں خون دا کھیت اکھواندے۔
9
۹۔ اوُں ویلے اوہ پورا تھیا جیہڑا یرمیاہ نبی دے پاروُں آکھیا گیا ہا کہ جیندی قیمت مقرر کیتی گئی ہا اُنہاں نے اوُں دی قیمت دے اوہ تریہہ روپے گھِن گدے۔(اوُں دی قیمت بعض بنی اسرائیلیاں نے مقرر کیتی ہائی)۔
10
۱۰۔ اَتے اوُں کوُ کُمہار دے کھیت کیتے ڈِتا جیویں خداوند نے میکوُ حکم ڈِتا ہا۔
11
۱۱۔ یسوع حاکم دے سامنے کھڑا تھیا اَتے حاکم نے اوُں دے کولوں ایہہ پُچھیا کہ کیا تُوں یہودیاں دا بادشاہ ہئیں؟ یسوع نے اوُں کوُ آکھیا تُوں آپ آدھیں۔
12
۱۲۔ اَتے جڈاں سردار کاہن تے بزرگ اوُندے تے الزام لیندے پئے ہَن اوُں نے کجھ جواب نہ ڈِتا۔
13
۱۳۔ وَل پیلاطُس اوُں کوُ آکھیا کیا تیکوُ سُندا نئیں ایہہ تیڈے خلاف کتنی گواہیاں ڈیندے پئے ہِن؟۔
14
۱۴۔ اوُں نے ہِک گالھ دا وی اوُں کوُ کوُئی جواب نہ ڈِتا۔ اِتھوں تائیں کہ حاکم بہوں حیران تھیا۔
15
۱۵۔ اَتے حاکم دا رِواج ہا کہ عید تے لوگاں کیتے ہِک قیدی جینکوُ اوہ چاہندے ہوون چھوڑ ڈِتا ونجے۔ اوُں ویلے برابا ناں دا ہِک مشہور قیدی ہا۔
16
۱۶۔ اوُں ویلے برابا ناں دا ہِک مشہور قیدی ہا۔
17
۱۷۔ وَل جیہڑے ویلے اوہ کٹھے تھئے تاں پیلاطُس نے اُنہاں کوُ آکھیا تُساں کئیں کوُ چاہندے ہیوے جو میں تُہاڈی خاطر آزاد کر ڈیواں؟ برابا کوُ یا یسوع کوُ جیہڑا مسیح اکھواندے؟۔
18
۱۸۔ کیوں جو اوُں کوُ پتہ ہا کہ اُنہاں نے یسوع کوُ حسد تھوں پکڑوایا ہِے۔
19
۱۹۔ وَل جڈاں اوہ تختِ عدالت بیٹھا ہا تاں اوُندی ذال نے اوُں کوُ اکھوا بھیجے کہ تُوں اِیں راستباز نال کجھ کم نہ رکھ کیونکہ میں اَج خواب وِچ اِیں دے پاروں بہوں ڈُکھ چاتے۔
20
۲۰۔ پر سردار کاہناں تے بزرگاں نے لوگاں اُکسائے کہ برابا کوُ منگ گھِنن اَتے یسوع کوُ مروا چھوڑن۔
21
۲۱۔ حاکم نے اُنہاں کوُ آکھیا اِنہاں ڈوہاں وِچوں کئیں کوُ چاہندے ہیوے کہ تُہاڈی کیتے چھوڑ ڈیواں؟ اُنہاں نے آکھے برابا کوُ۔
22
۲۲۔ پیلاطُس نے اُنہاں کوُ آکھے وَل یسوع دا کیا کراں جیہڑا مسیح اکھواندے؟ ساریاں نے آکھے اوُں کوُ مصلوب تھیون ڈے۔
23
۲۳۔ اوُں نے آکھے کیوں اِیں نے کیا بُرائی کیتی ہِے؟ پر اوہ اوُں تھوں وی زیادہ اُچی اُچی آواز نال چیکاں مارن لگ پئے تے آکھن لگے اِیں کوُ مصلوب کیتا ونجے۔
24
۲۴۔ جڈاں پیلاطُس نے ڈِٹھا جو ہُن کجھ نہ تھیسی بلکہ ہتھوں اُلٹا بغاوت تھیندی پئی ہِے تاں اوُں نے پانی منگوا کے لوگاں دے سامنے اپنے ہتھ دھوتے اَتے آکھیا میں اِیں راستباز دے خون تھوں بَری ہاں۔ ہُن تُساں جانو۔
25
۲۵۔ سارے لوگاں نے جواب ڈِتے اِیں دا خون ساڈی تے ساڈی نسلاں تے ہووے!۔
26
۲۶۔ وَل اوُں نے برابا کوُ اُنہاں دے کیتے آزاد کر ڈِتے اَتے یسوع کوُ کوڑے مروا کے اُنہاں دے حوالے کیتا کہ اِیں کوُ مصلوب کیتا ونجے۔
27
۲۷۔ ول صوبہ دار تے سپاہی یسوع کوُ قلعے وِچ تے ساری پلٹن اوُندے آسے پاسے جمع تھی تھی گئی۔
28
۲۸۔ اَتے اوُندے کڑے لہا کے اوُں کوُ قرمزی چوغہ پوایا۔
29
۲۹۔ وَل اُنہاں نے کنڈیاں دا تاج بنا کے اوُں دے سر تے رکھیا تے ہِک سرکنڈا اوُں ہتھ وِچ پکڑوایا تے اوُں دے اَگے جُھک کے اوُں دا مذاق اُڑاون لگے کہ اَے یہودیاں دے بادشاہ آداب!۔
30
۳۰۔ اَتے اوُں دے تھوکیا تے اوہو سرکنڈا گھِن کے اوُں دے سر تے مارن لگ پئے۔
31
۳۱۔ اَتے جیہڑے ویلے اوُں دا مذاق اڑا چکے تاں چوغے کوُ اوُں تھوں لہا کے وَل اوُں دے کپڑے اوُں کوُ اَتے مصلوب کرن کیتے گھِن گئے۔
32
۳۲۔ جڈاں باہر آئے تاں اُنہاں نے ہِک بندہ کرینی جیندا ناں شمعون ہا اوُں کو پکڑے کے مجبور کیتے تے اوُں کو آکھے یسوع دی صلیب چا پر تیکوُ اِیندی مزدوری کئے نہ مِلسی۔
33
۳۳۔ وَل اوُں جاہ جیہڑی گُلگتا یعنی کھوپڑی دی جاہ اکھواندی ہِے پہنچ کے۔
34
۳۴۔ اوُں کوُ پِت ملی ہوئی مَے پیون کوُ ڈِتی پر اوُں نے چکھ کے نہ پیتی۔
35
۳۵۔ وَل اُنہاں نے اوُں کوُ مصلوب کیتے اَتے اوُندے کپڑیاں تے قرعہ پا کے آپس اِچ وَنڈ گِدے۔
36
۳۶۔ وَل اُتھاں بیہہ کے اوُں دی نگرانی کیتی۔
37
۳۷۔ اَتے اوُندا الزام لکھ کے اوُں دے سر دے اُتے لا ڈِتا کہ ایہہ یہودیاں دا بادشاہ یسوع ہِے۔
38
۳۸۔ اوُں ویلے اوُندے نال ڈو ڈاکوُ وی مصلوب کیتے گئے۔ ہِگ سجے پاسے تے ڈوجھا کھبے پاسے۔
39
۳۹۔ اَتے آندے ویندے لوگ سر ہلا ہلا کے اوُندا مذاق اڑاندے ہَن اَتے آدھے ہَن۔
40
۴۰۔ اَتے مِقدس دے ڈھاون آلے اَتے تریئے ڈیہاں وِچ بناون آلے اپنے آپ کوُ بچا۔ اگر تُوں خدا دا پُرت ہئیں تاں صلیب تھوں لیہہ آ۔
41
۴۱۔ ایویں ای سردار کاہن وی فقیہیاں تے بزرگاں دے نال مِل کے مذاق نال آدھے ہَن۔
42
۴۲۔ اِیں نے ڈوجھیاں کوُ بچایا۔ پر اپنے آپ کوُ نہ بچا سگسی۔ ایہہ تاں اسرائیل دا بادشاہ ہِے۔ اگر ہُن وی صلیب تھوں لیہہ آوے تاں اَساں ایندے تے ایمان گھِن آسوں۔
43
۴۳۔ اِیں نے خدا تے بھروسہ کیتا ہِے اگر اوہ چاہوے ہا تاں اِیں کوُ چھُڑا گھِنے ہا کیوں جو اِیں نے آکھیا ہا کہ میں خدا دا پُتر ہاں۔
44
۴۔ اِیں ویں ای ڈاکو وی جیہڑے اوُندے نال مصلوب کیتے گئے ہَن اوُندا مذاق اُڑاندے ہَن تے لعن طعن کریندے ہَن۔
45
۴۵۔ اَتے ڈوپاہراں تھوں گھِن کے تریجھے پاہر تائیں سارے مُلک اِچ اندھارا تھیا ریہا۔
46
۴۶۔ اَتے تریجھے پاہر دے نیڑے یسوع نے وڈی آواز نال آکھے ایلی۔ ایلی۔ نویں گھنٹے کے قریب یسوع نے وڈی آواز دے نال چیکاں ماریاں تے ول آکھا ایلی۔ ایلی لما شبقتنی؟ جیندا مطلب ہِے اَے میڈے خدا! اَے میڈے خدا! تُوں میکوُ کیوں چھوڑ ڈِتے؟۔
47
۴۷۔ جیہڑے اُتھاں نیڑے لوگ کھڑے ہَن اُنہاں وِچوں بہوں سارے لوگاں نے سُن کے آکھیا ایہہ تاں ایلیاہ کوُ سڈیندا پئے۔
48
۴۸۔ اَتے بہوں جلدی ہِک بندے نے سپنچ گھِن کے تے سِرکے وِچ ڈبو کے اَتے اوُں کوُ سرکنڈے تے رکھ کے یسوع کوُ چُسایا۔
49
۴۹۔ پر باقیاں نے آکھے رُک ونجو۔ ڈیکھوں تاں ایلیاہ اوُں کوُ بچاون آندے یا نئیں۔
50
۵۰۔ یسوع نے وَل وڈی اُچی آواز نال چیخ کے اپنی جان ڈے ڈِتی۔
51
۵۱۔ اَتے مَقدس دا پردہ اُتوں گھِن کے تھلے تائیں پھٹ کے ڈوُ ٹکڑے تھی گئے اَتئے زمین کمب گئی تے پہاڑاں دیاں چوٹیاں وِچ دراڑ پئے گئی۔
52
۵۲۔ قبراں کُھل گیاں اَتے بہوں سارے جسم اُنہاں مقدساں دے جیہڑے سو گئے ہَن زندہ تھی گئے۔
53
۵۳۔ اَتے اوُں دے زندہ تھیون دے بعد قبراں وِچوں نکل کے مُقدس شاہر اِچ گئے اَتے بہوں لوگاں کوُ نظریندے ریہے
54
۵۴۔ پس صوبہ دار تے جیہڑے اوُندے نال ہَن یسوع دی راکھی کریندے ہَن زلزلہ تے ایہہ سارا ماجرا ڈیکھ کے بہوں ڈر گئے تے آکھن لگے کہ بے شک ایہہ خدا دا پُتر ہا۔
55
۵۵۔ اَتے اُتھاں بہوں ساریاں تریہمتاں جو گلیل وچ یسوع دی خدمت کریندیاں ہَن اوُں دے پِچھوں پِچھوں آئیاں ہَن دور تھوں ڈیدھیاںکھڑیاں ہَن۔
56
۵۶۔ اُنہاں وِچوں مریم مگدلینی تے یعقوب تے یوسیس دی ماں مریم تے زبدی دے پُتراں دی ماں ۔
57
۵۷۔ جڈاں شام تھئی تاں یوسف ناں دا ارمتیاہ ہِک امیر بندہ آیا جیہڑا آپ وی یسوع دا چیلا ہا۔
58
۵۸۔ اوُں نے پیلاطُس دے کول ونج کے یسوع دی لاش منگی اَتے پیلاطُس نے ڈے ڈیون دا ھُکم ڈے ڈِتا اوں نے پیلاطُس دے کول ونج کے یسوع دی لاش منگی تے پیلاطُس نے ڈے ڈیون دا حُکم ڈتا۔
59
۵۹۔ وَل یوسف نے لاش کوُ گھِن کے صاف مہین چادر اِچ لپیٹیا۔
60
۶۰۔ اَتے اپنی نویں قبر وِچ جیہڑی اوُں نے چٹان اِچ بنوائی ہا رکھیا۔ وَل اوہ ہِک وڈا پتھر قبر دے مُنہ تے رکھ کے لگا گیا۔
61
۶۱۔ اَتے مریم مگدلینی تے ڈوجھی مریم اُتھاں قبر دے سامنے بیہہ گئیاں۔
62
۶۲۔ ڈوجھے ڈینہ جیہڑا تیاری دے بعد دا ڈینہ ہا سردار کاہناں تے فریسیاں نے پیلاطُس کول جمع تھی کے آکھیا۔
63
۶۳۔ خداوند! ساکوُ یاد ہِے کہ اوُں دھوکے باز نے جیہڑے ویلے جیوندا ہا اوُں نے آکھیا ہا کہ میں تریئے ڈیہاں دے بعد زندہ تھی ویساں۔
64
۶۴۔ پس تُوں حکم ڈے کہ تریجھے ڈیں تائیں قبر دی رکھوالی کیتی ونجے۔ کِتھائیں ایویں نہ تھیوے کہ اوُں دے چیلے آکے اوُں دی لاش کوُ چوری کر کے گھِن ونجن اَتے لوگاں کوُ آکھ ڈیون کہ اوہ مُردیاں وِچوں زندہ تھی گئے اَتے ایہہ دھوکا پہلے دھوکے کولوں وی بہوں بُرا تھیوے۔
65
۶۵۔ پیلاطُس نے اُنہاں کوُ آکھیا تُہاڈے کول پہرے آلے ہِن۔ ونجو تاں جِتھاں تائیں تھی سگےاوُں دی رکھوالی کرائے۔
66
۶۶۔ پس اوہ پہرے والیاں کوُ نال گھِن کے گئے تے اوُں پتھر تے مُہر کر کے قبر دی رکھوالی کیتی۔