1
۱۔ وَل سبت دے بعد ہفتے دے پہلے ڈین پَو پھٹن تھوں پہلاں مریم مگدلینی تے ڈوجھی مریم قبر کوُ ڈیکھن کیتے آیاں۔
2
۲۔ اَتے ہِک بہو وڈا زلزلہ آیا کیونکہ خداوند دا فرشتہ آسمان تھوں اُتر کے اوُندے کول آ کے پتھر کوُ ہٹا ڈِتا تے اوُں دے تے بیہہ گیا۔ِ
3
۳۔ اوُندی شکل بجلی دی کار ہا اَتے اوُں دے کپڑے برف دی کار چٹے ہَن۔
4
۴۔ اُوندے ڈر تھوں پہرے آلے کنمب گئے تے مُردہ جئے تھی گئے۔
5
۵۔ فرشتے نے تریہمتاں کوُ آکھیا تُساں نہ ڈرو کیونکہ میں جان دا ہاں کہ تُساں یسوع کوُ گولیندی ہیوے جئیں کوُ صلیب ڈِتی گئی ہائی۔
6
۶۔ اوہ اِتھاں کئے نئیں کیونکہ اوہ اپنے آکھن دے مطابق زندہ تھی ہِے۔ آؤ ایہہ جاہ ڈیکھو جِتھاں خداوند پیا ہا۔
7
۷۔ اَتے جلدی ونج کے اوُں دے چیلیاں کوُ آکھو کہ اوہ مُردیاں وِچوں زندہ تھی گیا ہِے اَتے ڈیکھو اوہ تُہاڈے کولوں پہلے گلیل کوُ ویندا پئے۔ اُتھاں تُساں اوُں کوُ ڈیکھسو۔ ڈیکھو میں تُہاکوُ آکھ ڈِتے۔
8
۸۔ اَتے اوہ خوف تے وڈی خوشی دے نال قبر تھوں جلدی ٹُر کے اوُں دے چیلیاں کوُ ایہہ ڈساون کیتے بھج کے گئیاں۔
9
۹۔ اَتے ڈیکھو یسوع اُنہاں کوُ مِلے تے اوُں نے آکھے سلام! اُنہاں نے کول آ کے اُندے پیر پکڑے اَتے اوُں کوُ سجدہ کیتے۔
10
۱۰۔ یسوع نے اُنہاں کوُ آکھیا ڈرو نئیں۔ ونجو میڈے بھراواں کوُ آکھو کہ گلیل کوُ لگے ونجن۔ اُتھاں میکوُ ڈیکھ سن۔
11
۱۱۔ جڈاں اوہ ویندیاں پئیاں ہَن تاں ڈیکھو پہرے آلیاں وِِچوں کجھ نے شاہر اِچ آکے سارا کجھ سردار کاہناں کوُ ڈسایا۔ِِِِِِِِِِِِِِِِِِِِِِِِِِِِ
12
۱۲۔ اَتے اُنہاں نے بزرگاں دے نال جمع تھی کے صلح کیتی اَتے سپاہیاں کوُ بہوں سارے پیسے ڈے کے آکھیا۔
13
۱۳۔ ایہہ آکھ ڈیوائے کہ رات کوُ جڈاں اساں نیندر اِچ ہاسے تاں اوُں دے چیلے آئے تے اوُں کو چوری کر کے گھِن گئے۔
14
۱۴۔ اگر ایہہ گالھ حاکم دے کن تائیں پہنچ وی گئی تاں اَساں اوُں کوُ سمجھا کے تُہاکوُ خطرے تھوں بچا گھِن سوں۔
15
۱۵۔ وِل اُنہاں نے پیسے گھِن کے جیویں سِکھایا گیا ہا اوں ویں ہی کیتا اَتے ایہہ گالھ اَج تائیں یہودیاں وِچ مشہور ہِے۔
16
۱۶۔ وَل گیارہ چیلے گلیل کوُ اوُں پہاڑ تے گئے جو یسوع نے اُنہاں کیتے مقرر کیتا ہا۔
17
۱۷۔ اَتے اُنہاں نے اوُں کوُ ڈیکھ کے سجدہ کیتا پر کجھ لوگاں نے شک کیتے۔
18
۱۸۔ یسوع نے کول آکے اُنہاں نال گالہیں کیتیاں اَتے آکھیا کہ آسمان تے زمین دا سارا اختیار میکوُ ڈِتا گئے۔
19
۱۹۔ تُساں ونج کے ساریاں قوماں کوُ چیلے بناؤ اَتے اُنہاں کوُ باپ تے پُتر تے روح القدس دے ناں اِچ بپتسمہ ڈیو۔
20
۲۰۔ اَتے اُنہاں کوُ ایہہ تعلیم ڈیوو کہ اُنہاں ساریاں گالہیں تے عمل کرن جِنہاں دا میں تُہاکوُ حکم ڈِتے اَتے ڈیکھو میں دُنیا دے آخیر تائیں ہمیشہ تُہاڈے نال ہاں۔