1
۱۔ اَتے یسوع ہیکل وِچوں نکل کے ویندا پیا ہا کے اوُندے چیلے اوُندے کول آئے کہ اوُں کوُ ہیکل دی عمارتاں ڈِکھاون۔
2
۲۔ اوُں نے جواب اِچ اوُنہاں کوُ آکھیا کہ کیا تُساں اِنہاں ساریاں شیئاں کوُ نئیں وے ڈیدھے؟ میں تُوہاکوُں سچ آدھا ہاں کے اِتھاں کئیں پتھر تے پتھر باقی نہ راہسی جیہڑا سٹیا نہ ویسی۔
3
۳۔ وَل جیہڑے ویلے اوہ زیتون دے پہاڑ تے بیٹھا ہا اوُندے چیلیاں نے آنج اوُندے کول آکے آکھیا ساکوُں ڈَس کے ایہہ گالہیں کڈن تھی؟ سن تے تیڈے آون تے دُنیا دے آخیر تھیون دا کیا نشان ہوسی؟۔
4
۴۔ یسوع نے جواب وِچ اُنہاں کوُں آکھیا خبردار! کوُئی تُہاکوُں گمراہ نہ کر ڈیوے۔
5
۵۔ کیوں جو بہوُں سارے میڈے ناں توں آسن اَتے آکھسن کہ میں مسیح ہاں تے بہو ں سارے لوگاں کوُں گمراہ کریسن۔
6
۶۔ اَتے تُساں لڑایاں تے لڑایاں دی افواواں سُن سو۔خبردار! گھبرا نہ ونجائے! کیونکہ اِنہاں گالہیں دا ہوناں ضرور ہِے لیکن اوُں ویلے خاتمہ نہ تھیسی۔
7
۷۔ کیونکہ قوم تے قوم تے سلطنت تے سلطنت چڑھائی کریسی تے جاہ جاہ تے کال پوسن تے زلزلے آسن۔
8
۸۔ پر ایہہ ساریاں گالہیں ڈُوکھاں دا شروع ای ہوسن۔
9
۹۔ اوُں ویلے لوگ تُہاکوُں سزاواں ڈیون کیتے پکڑواسن اَتے تُہاکوُ قتل کریسن وَلا تُساں میڈے ناں دے پاروں ساریاں قوماں تُہاڈے کولوں عداوت رکھیسن۔
10
۱۰۔ اَتے اوُں ویلے بہوں سارے تھُڈا کھاسن تے ہِک ڈوجھے کوُں پکڑواسن اَتے ہِک ڈوجھے نال عداوت رکھیسن۔
11
۱۱۔ اَتے بہوُں سارے کوُڑے نبی اُٹھی پوسن اَتے بہوُں سارے بندیاں کوُ گمراہ کریسن۔
12
۱۲۔ اَتے بے دینی دے وَدھ ونجن تھوں بہوُں ساریاں دی محبت ٹھنڈی تھی ویسی۔
13
۱۳۔ پر جیہڑا آخیر تائیں برداشت کریسی اوُہو نجات پاسی۔
14
۱۴۔ بادشاہی دی اِیں خوشخبری دی مُناسی ساری دنیا وِچ ہوسی تاکہ ساری قوماں کیتے گواہی ےتھیوے۔ وَلا خاتمہ تھیسی۔
15
۱۵۔ وَل جیہڑے ویلے تُساں اُجاڑن والی مکروہ شیئہ کوُ جیندا ذکر دانی ایل نبی دی رائیں تھیا ہِے پاک جاہ تے کھڑا ہویا ڈیکھو (پڑھن والا سمجھ گھِنے)۔
16
۱۶۔ تاں جیہڑے یہودیہ وِچ ہوون اوہ پہاڑاں تے بھج ونجن۔
17
۱۷۔ جیہڑے کوٹھے تے ہوون اوہ گھر دا سامان گھنن کیتے تھلے نہ اُترن۔
18
۱۸۔ اَتے جیہڑا کھیت وِچ ہووے اوہ اپنا کپڑا گھنن کیتے پِچھاں نہ ولے ۔
19
۱۹۔ پر افسوس! اوُنہاں تے جو اوُنہاں ڈینہاں وِچ ڈھِڈھ نال ہوون اَتے جیڑھیاں کھیر پِلاندیاں ہوون۔
20
۲۰۔ پس دُعا منگو کہ تُہاکوُں سردیاں یا چھن چھن دے ڈیں بھجناں نہ پووے۔
21
۲۱۔ کیونکہ اوُں ویلے ایہو جئی وڈی مصیبت ہوسی کہ دُنیا دے شروع تھوں گھِن کے ہُن تک نہ تھئی ہوسی۔
22
۲۲۔ اَتے اگر اوہ ڈیں گھٹائے نہ ویندے تاں کوُئی بندہ نہ بچے ہا مگر دینداراں دے پاروُں اوہ ڈیں گھٹائے ویندِن۔
23
۲۳۔ اوُں ویلے اگر کوُئی تُہاکوُں ایہہ آکھے کہ ڈیکھو مسیح اِتھاں ہِے یا اُتھاں ہِے تاں یقین نہ کرائے۔
24
۲۴۔ کیونکہ کُوڑے مسیح تے کُوڑےنبی اُٹھ کھڑے ہوسن اَتے ایجئے وڈے تے عجیب کم ڈِکھیسن کہ اگر ممکن تھیوئے تاں دینداراں کوُں وی گمراہ کرگھن سن۔
25
۲۵۔ ڈیکھو میں پہلے ای تُہاکوُں آکھ ڈِتے۔
26
۲۶۔ پس اگر اوہ تُہاکوُ آکھن کہ ڈیکھو اوہ بیابان وِچ ہِے تاں باہر نہ ونجائے ڈیکھو اوہ کوٹھڑیاں وِچ ہِے تاں یقین نہ کرائے۔
27
۲۷۔کیونکہ جیویں بجلی پورب تھوں چمک کے پچھم تک ڈِکھائی ڈیندی ہِے ایویں ای ابنِ آدم دا آونا ہوسی۔
28
۲۸۔ جِتھاں مُردار ہے اُتھاں گِدھ جمع تھی ویسن۔
29
۲۹۔ اَتے جلدی نال اُنہاں ڈیہناں دی مصیبت دے بعد سِجھ اندھارا تھی ویسی تے چن اپنی روشنی نہ ڈیسی تے تارے آسمان تھوں ڈھاسن اَتےآسمان دیاں قوتاں ہلائیاں ویسن۔
30
۳۰۔ اَتے اوُں ویلے ابنِ آدم دا نشان آسمان تے ڈِکھائی ڈِتا ویسی۔ اَتے اوُں ویلے زمین دیاں ساریاں قوماں چھاتی پٹیسن تے ابنِ آدم کو وڈی قدرت تے جلال دے نال آسمان دے بدلاں تے آندے ڈیکھ سن۔
31
۳۱۔ اَتے اوہ نرسنگے دی وڈی آواز دے نال اپنے فرشتیاں کوں بھجیسی اَتے اوہ اوُندے دینداراں کوُ چاراں طرفوں آسمان دے اِیں کنارے توں اوُں کنارے تک جمع کریسن۔
32
۳۲۔ ہن انجیر دے درخت تھوں ہِک مثال سیکھو۔ جیہڑے ویلے اوُں دی شاخ نرم تھیندی ہِے تاں اَتے پتے نکلدِن تُساں وَل جان گھِن دے ہیوے کے گرمی آون آلی ہِے۔
33
۳۳۔ ایویں ای جڈاں تُساں اِنہاں ساریاں گالہیں کوُں ڈیکھو تاں جان گھِنو کے اوہ نیڑے ہِے بلکہ دروازے تے کھڑا ہِے۔
34
۳۴۔ میں تُہاکوُں سچ آدھا ہاں کہ جڈاں تائیں اے ساریاں گالہیں نہ تھی ونجن ایہہ نسل ہرگز ختم نہ تھیسی۔
35
۳۵۔ آسمان تے زمین ٹل ویسن پر میڈے منہ دیاں گالہیں ہرگز نہ ٹلسن۔
36
۳۶۔ لیکن اوُں ڈیں تے اوُں ویلے دی بارے کوُئی نئیں جان دا نہ آسمان دے فرشتے نہ پُتر مگر صرف باپ۔
37
۳۷۔ جیویں نوح ڈیہواراں وِچ تھیا ہا اوُں وے ہی ابنِ آدم دے آون دے ویلے ہوسی
38
۳۸۔ کیوں جیویں طوفاں تھوں پہلے لوگ کھاندے پیندے تے شادی ویاہ کریندے ہَن اوں اوُں ڈیں تائیں کہ نوح کشتی وِچ داخل تھیا۔
39
۳۹۔ اَتے جڈاں طوفان آکے سب کجھ گھِیل نہ گھِن گیا اُنہاں کوُں پتا نہ لگے اوُں ویں ہی اِبنِ آدم دا آؤنا ہوسی۔
40
۴۰۔ اوُں ویلے ڈوُ بندے کھیت وِچ ہوسن ہِک گِھن گِدا ویسی تے ڈوجھا چھوڑ ڈِتا ویسی۔
41
۴۱۔ ڈوُ ترہمتاں چکی پسیندئیاں ہوسن ہِک گھِن گِدی ویسی تے دوجھی چھوڑ ڈ ِتی ویسی۔
42
۴۲۔پس جاگدے رہوائے کیونکہ تُساں نئیں وے جان دے کے تُہاڈا خداوند کیڑھے ڈِیں آ ویسی۔
43
۴۳۔ پر ایہہ جان رکھو کہ اگر گھر دے مالک کوُں پتا ہوے ہا چور رات کوُں کیڑھے ویلے آسی تاں جاگدا راہوے ہا اَتے اپنے گھر وِچ چوری نہ تھیون ڈیوے ہا ۔
44
۴۴۔ اِیں کیتے تُساں وی تیار رہوائے کیوں جو جیہڑے ویلے تُہاکوں پتہ وی نہ ہوسی بنِ آدم آ ویسی۔
45
۴۵۔اوہ دیانتدار تے عقلمند نوکر کیہڑھا ہِے جینکوُ مالک نے اپنے نوکراں تے مقرر کیتے تاں جو وقت تے اُنہاں کوُ ٹُکر ڈیوے؟
46
۴۶۔ خوش قسمت ہِے اوہ نوکر جینکوُ اوُندا مالک ایویں کریندا ہووے ڈیکھے۔
47
۴۷۔ میں تُہاکوُ سچ آدھا ہاں کہ اوہ اوُں کوُ اپنے سارے مال دا مُختار کر ڈیسی۔
48
۴۸۔ پر اگر اوہ خراب نوکر اپنے دِل وِچ ایہہ آکھ کے کہ میڈے مالک دے آون کوُ دیر ہِے۔
49
۴۹۔ اپنے ہم خدمتاں کوُ مارنا شروع کر ڈیوے اَتے شرابیاں دے نال کھاوے پیوے۔
50
۵۰۔ تاں اوُں نوکر دا مالک اوُں ویلے آ ونجے جیہڑے ڈیں کوُ نوکر نہ جان دا ہووے ۔
51
۵۱۔ اوُں کوُ بہوں کوڑے مار کے اوُں کوُ ریا کاراں اِچ شامل کریسی۔ اُتھاں روونا تے ڈنداں دا پیہونا ہوسی۔