1
۱۔وَل یسوع پاک روح دے نال بھریج کے دریائے یردن تھوں واپس ولیا، تے روح تھوں ہدایت پاکے بیابان دے طرف لگا گیا۔
2
۲۔جِتھاں او چالہی ڈِیں تایئں شیطان تھوں آزمایا گیا۔ایں دوران اوُں نے کجھ نا کھادا، تے وَل اخیر کوُ اوُں کوُ بھُک لگی۔
3
۳۔شیطان نے اوُں کوُ آکھیا،"اگر تُوں خدا دا پُتر ہیئں تاں اِنہاں پتھراں کوُ حکم ڈے کہ ایہہ ٹُکر بن ونجن۔
4
۴۔یسوع نے اوُں کوُ جواب ڈِتا،"ایہہ وی لکھیا ہے کہ بندہ صرف ٹکر ہی نال جیوندا نہ رہسی۔
5
۵۔وَل شیطان اوُں کوُ ہک اُچی جاہ تے گھِن گیا اَتے ہکو واری اوُں کوُ ساری دنیا دی بادشاہت ڈیکھائی۔
6
۶۔شیطان نے اوُں کوُں آکھیا"میں تہاکوں انہاں ساریاں سلطنتاں دا اختیار تے اُنہاں دی شان و شوکت دے ڈیساں ۔ میں ایہہ ایں کیتے کر سگدا ہاں کیونکہ اُنہاں ساریاں تے اختیار میکوُ ڈِتا گیا ہے اَتے جیں کوُں چاہندا ہاں اوُں کوُں ڈے ڈیندا ہاں۔
7
۷۔اگر تُو میڈے سامنے جِھکا تھی کہ میکو سجدہ چا کر اَتے میڈی عبادت کر تاں ایہہ سارا کجھ تیڈا تھی ویسی۔
8
۸۔پَر یسوع نے جواب اِچ اوُں کوُ آکھیا،"ایہہ وی لکھا لاتھے کہ صرف اپنے خدا دی عبادت کر، اَتے صرف اوندی خدمت کر۔
9
۹۔وَل شیطان یسوع کوُ یروشلیم گھِن گیا اَتے اوُں کوُ ہیکل دی سب تھوں اُچی جاہ تے گھِن گیا تے اُتھاں ونج کے آکھیا"اگر تُوں خدا پُتر ہیں تاں اِتھوں اپنے آپ کوُ تھلے سَٹ ڈے۔
10
۱۰۔کیونکہ لکھا لاتھے کہ اوہ (خدا) اپنے فرشتیاں کوُ حکم ڈیسی کہ اوہ تیڈی حفاظت کرن۔
11
۱۱۔ اَتے اوہ تیکوں اپنے ہتھاں تے چا گھنسن، تاں جو تیڈے پیراں کوُں ٹھُڈا نہ لگے۔
12
۱۲۔یسوع نے ایہہ آدھے ہوئے اوُں کوُ جواب ڈِتا کہ ۔"تُوں خداوند اپنے خدا کوُ نہ آزما۔"
13
۱۳۔جیہڑے ویلے شیطان یسوع کوُ آزما چُکا۔تاں اوہ تھوڑی دیر کیتے یسوع کو چھوڑ کے لگا گیا۔
14
۱۴۔وَل یسوع پاک روح نال بھریج کے گلیل کوُ واپس آیا تاں سارے علاقے اِچ اوندی خبر پھیل گئی۔
15
۱۵۔اوہ اُنہاں دے عبادت خانیاں اِچ تعلیم ڈیون لگا۔ اَتے ہر کوُئی اوندی تعریف کریندا ہا۔
16
۱۶۔اوہ ناصرۃ اِچ جتھاں اوہ وڈا تھیا ہا، اَتے اپنے دستور دے مطابق اوہ سبت آلے ڈیں عبادت خانے اِچ گیا اَتے کھڑا تھی کے آسمانی کتاب وِچوں پڑھن لگا۔
17
۱۷۔وَل اوُں کوُ یسعیاہ نبی دا طومار ڈِتا گیا، اوُں نے طومار کوُ کھولا اَتے اُتھوں پڑھن لگا جتھاں ایہہ لکھا ہا کہ۔
18
۱۸۔"خداوند دی روح میڈے اُتے ہے۔کیوں جو اوُں نے میکو غریباں کوُ خوشی دی خبر سناون کیتے مَسح کیتا ہے اوُں نے میکو قیدیاں دی آزادی دا اعلان کرن اَتے جیہڑے ڈیدھے نہ ہَن اُنہاں کوُ اکھیاں ڈیون تے ستائے ہویاں کوُ آزاد کرآں۔
19
۱۹۔اَتے خداوند دے سال مقبول دا اعلان کرن کیتے گھلیا ہے۔
20
۲۰۔وَل اوُں نے طومار کوُ بند کر کے عبادت خانے دی خدمت کرن آلے کوُ واپس ڈے ڈِتا۔ اَتے بیٹھ گیا۔ عبادت خانے وِچ بیٹھے سارے بندیاں دیاں نظراں اوندے تے ہَن۔
21
۲۱۔اوُں نے اُنہاں کوُ آکھنا شروع کیتا۔" جیویں کہ تُساں سُنے اَج ایہہ نوشتہ پورا تھیا۔
22
۲۲۔اوُں نے جو کجھ آکھے اُتھاں جیہڑے لوگ ہَن اُنہاں ساریاں نے اوندی گواہی ڈِتی۔اَتے اوندے منہ وِچوں فضل نال بھریاں ہویاں گالہیں سُن کے حیران تھیئے۔اوہ آکھن لگے"کیا ایہہ یوسف دا پُتر نیئں؟"۔
23
۲۳۔یسوع نے اُنہاں کوُ آکھیا کہ ایہہ مثال تُساں میڈے تے آکھسو کہ "اے حکیم پہلے توُں اپنے آپ کوُ تاں چنگا کر۔جو کجھ اَساں سُنا ہِےکہ توُں کفرنحوم اِچ کیتا ہے اَتھاں وی اپنے پیئو ڈاڈے دے شاہر اِچ کر کے ڈِکھا۔"
24
۲۴۔اوُں نے ایہہ وی آکھیا ۔" میں تہاکوُں سچ آدھا ہاں کہ کیئں نبی کوُ اوندے اپنے ملک اِچ قبول نیئں کیتا ویندا۔
25
۲۵۔پَر میں تہاکوُ سچ آدھا ہاں کہ ایلیاہ دے زمانے اِچ اسرایئل اِچ بہوں ایہو جیاں عورتاں ہَن جنہاں دے پئے مَر گئے ہَن ،جیہڑے ویلے آسمان بند تھی گیا اَتے ساڑھے تریئے سال مینہ نا وسیا،تے ساری زمین تے کال ہا۔
26
۲۶۔پر ایلیاہ کوُ اُنہاں عورتاں وِچوں کیئں دے کول نہ گھلیا گیا ہا۔ پر اوہ اوُں بیوہ دے کول جیہڑی صیدا دے نیڑے ہک شاہر صاریت اِچ راہندی ہائی گھلیا گیا ہا۔
27
۲۷۔الیشع نبی دے زمانے اِچ اسرایئل اِچ بہوں سارے کوڑھی ہَن پر شامی نعمان کوڑھی دے سوا کوئی وی چنگا نہ تھیا ہا۔
28
۲۸۔عبادت خانے اِچ جڈاں لوگاں نے ایہہ گالہیں سُنیں تے او سارے غصے نال بھر گئے۔
29
۲۹۔اوہ اوُں کوُ زبردستی پھَد کے شاہر تھوں باہر پہاڑی دے اُتے گھِن گئے جتھاں اوہ شاہر آباد ہا۔تاں جو اوُں کوُ اوُں پہاڑی تھوں تھلے سَٹ چھوڑن۔
30
۳۰۔پر اوہ اُنہاں دے وِچوں نکل کے لگا گیا۔
31
۳۱۔وَل اوہ گلیل دے ہک شاہر کفرنحوم کوُ گیا اَتے سبت آلے ڈیں عبادت خانے اِچ بندیاں کوُ تعلیم ڈیون لگا۔
32
۳۲۔اوہ اوندی تعلیم تھوں بہوں حیران تھیئے کیونکہ اوہ اختیار نال بولیندا ہا۔
33
۳۳۔ہک ڈیں عبادت خانے اِچ ہک بندہ ہا جیندے وِچ پلید روح ہائی۔اوہ اُچی آواز نال دھاڑاں پاون لگ گیا۔
34
۳۴۔اے یسوع ناصری تیکوُ ساڈے نال کیا کم ہے ؟کیا توُں ساکوُ مار سٹن کیتے آیا ہیئں ؟میں جان دا ہاں کہ توُں کون ہیں !توُں خدا دا قدوس ہیئں۔
35
۳۵۔یسوع نے بُری روح کوُ جھٹکیا اَتے آکھیا ،"چُپ تھی ونج تے ایندے وِچوں نکل ونج ! تاں بُری رُوح نے اوُں بندے کوُ اُنہاں دے وِچ ہی چاکے زمین تے سٹ چھوڑے ،اَتے اوُں بندے کوُ کوُئی نقصان پہنچائے بغیر ہی نکل گئی۔
36
۳۶۔سارے لوگ بہوں حیران تھیئے اَتے آپس اِچ آکھن لگے ۔"ایہہ کیہو جیا کلام ہے؟ اوہ اختیار تے قدرت نال بُری روحاں کوُ حکم ڈیندا ہے تاں اوی نکل ویندیاں ہَن۔
37
۳۷۔اِیں طرح تھیندے ہویاں ایہہ خبر سارے آسوں پاسوں پھیل گئی۔
38
۳۸۔وَل یسوع عبادت خانے وِچوں نکل کے شمعون دے گھر آیا۔اُتھاں شمعون دی سَس کوُ بہوں سخت بخار ہا۔اَتے اُنہاں نے اوُں دے اَگے اوُں دے کیتے منت کیتی۔
39
۳۹۔پَس اوہ کھڑا تھیا اَتے بخار کوُ جھڑکیا اَتے اوہ چنگی تھی گئی۔ اوہ جلدی نال اُٹھی کہ اُنہاں دے خدمت کرن لگ پئی۔
40
۴۰۔جیہڑے ویلے سورج نکلن لگا تاں لوگ اُنہاں ساریاں کوُ جیہڑے بیمار ہَن اَتے کئی طرح دیاں بیماریاں اِچ پھسے ہوئے ہَن یسوع دے کول گھِن آئے۔اوُں نے اُنہاں وِچوں ہر ہک تے ہتھ رکھے تے اُنہاں کوُ چنگا کیتا۔
41
۴۱۔بہوں بندیاں وِچوں بُری رُوحاں چیخ دے ہوئے اَتے ایہہ آدھے ہوئے نکل گیاں ،"توُ خدا دا پُتر ہے! یسوع نے بُری رُوحاں کوُں جھڑکیا تے اُنہاں کوُں بولن نہ ڈیندہ ہا کیونکہ اوہ جان دیاں ہَن کہ اوُہو ای مسیح ہے۔
42
۴۲۔سویرے تڑکے ای یسوع علیدگی اِچ دُعا کرن کیتے گیا۔تاں بندیاں دی ہک وڈی بھیڑ اوُں کوُں گولیندے ہوئے اُتھاں پُج گئی۔چیلیاں نے بھیڑ کوُ یسوع تھوں دور رکھن دی کوشش کیتی۔
43
۴۳۔پَر اوُں نے اُنہا کوُ آکھیا۔"لازمی ہے کہ میں خدا دی بادشاہی دی خوشی دی خبر سناواں اَتے مُنادی ڈوجھے شاہراں وِچ وی کراں کیونکہ اِیں کیتے میں بھیجا گیا ہاں۔
44
۴۴۔وَل اوہ یہودیہ دے عبادت خانیاں اِچ مُنادی کریندا ریہا۔